الموضوع: ماكينه الهوندا

مكينة الموديل الجديد 08 وطالع :

الثلاجة تختلف وأكيد فيه أشياء تختلف مثلاً ( حساس الهواء )
هذا اللي نعرفة !! ,, وممكن أشياء ثانية بعد تغيرت
الله أعلم ..

صورة تثبت صحة كلامي





قبل الموديل السابق 06 07 ما أدري عن 05 ونازل
المهم كانت الثلاجة ( حديد ) وحساس الهواء ( كأنه " أبرة أو قلم " ) يعني مو مستطيل

وهذي صورة تثبت صحة كلامي




دققوا زين وتعرفون الفرق

طبعاً لا أحد يسوي ذكي ( ويعدل الثلاجة ) >> لازم برمجة وتكون باقي القطع متناسقة مع الثلاجة

برمجة المصنع .. صعب جدا .. المبرمجين يسون مثل جودتها

لأن البرمجة تحتاج وزنية خاصة ووجع راس ( للصيف + للشتاء ) لأن جزيئات الهواء والخ ... تختلف

اضف إلى ذالك " سعر البرمجة "

يعني وفرّ فلوسك بجيبك ولا تضيعها على الفاضي
ولا تعدم سيارتك

المشاركة الأصلية كتبت بواسطة احبك يالاكورد

الجديد اكثر من ناحية عدد الاحصنة لكن ثقل الموتر يأثر

ومن ناحية العزم اكيد 03 04 05 اكثر لأن ضخ البنزين افضل من 06 07>> على ما سمعت من احد الاخوان في المنتدى
ومن ناحية فصلة السرعة نفس الشي من 03 الى 10

مع احترامي لك

ممكن كلام علمي أو اثباتات !! تثبت صحة كلامك
ليش 03 04 05 بالذات ( أفضل ضخ بنزين :d )

ضخ البنزين كله أعتقد مثل بعض خصوصا أن المكينة والسعة واحدة ( وكلها بتحكم الكمبيوتر ) ولا أعتقد فيها اختلافات مثل حساس الهواء أو الثلاجة

لكن ممكن ( تكون تطورت مكينة 06 و 07 )

يمكن كان فيه مشكلة بالموديلات السابقة كثرة ضخ البنزين ( وحلوا المشكلة بـ 06 07 )


# للمعلومية ( مكينة الأكورد السعودية ) أقل " نسبة انضغاط " من الأكوردات الأجنبية !!

يمكن عشان البنزين اللي عندنا
ويمكن ويمكن الخ ...

لأن كل ما زادت ( نسبة الانضغاط ) تحتاج ( لبنزين " أوكتان أعلى " )


للمعلومية :
لا تظن كثرة ضخ البنزين >>>>>>> أحسن شي بالعالم .. انتبه ..

لأن الخليط ( لازم يكون بنسبة معينة ) للحصول على القوة والاستهلاك المثالي للبنزين


اذا زاد البنزين أو نقص " عن الحد المناسب " >>> يكون الخليط سيئ وممكن يسبب مشاكل

اذا زاد الهواء أو نقص " عن الحد المناسب " >>> يكون الخليط سيئ وممكن يسبب مشاكل


واذا فيه تغير بالـ 06 07 أكيد للأفضل " ان شاء الله "

مثلاً الشكل 06 07 أحلى من الموديلات السابقة :
+ صدام أمامي " بكشافات "
+ اصطبات LED خلفية
+ اشارات " بالمرايات الجانبية "
+ جنوط أحلى
+ شكمان أحلى
الخ ...
وأكيد انحلت كثير من مشاكل الموديل السابق 03 ( القير والخ ... )


نقطة أخيرة وهامة :

( أرجوا أن الواحد ما يتكلم ألا بشيء متأكد منه ) >> لأنه بيتعب غيره بتصحيح كلامه ( يجيب له اثباتات وكلام علمي ويضيع وقته و الخ ... عشان يصحح المعلومات !! )


ولا تنسون يا أخواني الأعزاء " قل خيراً أو اصمت " يعني مو لازم الواحد يتكلم بشيء ما يعرفه !!


فيه قسم خاص >> للافتاء من الرأس :d + زيادة المشاركات ( مع اني بنظري المشاركات لا بعددها بل بأهميتها وفائدتها )


-------------------------
لكن الأكورد الجديدة 08 وطالع المكينة فيها ( تغيرات ) مثل ما ذكر بالأعلى بالصور !!
+ ثقل وزن السيارة نسبياً

# المفروض هوندا ( تطوّر المكينة ) خصوصا مع زيادة الوزن !! لازم يكون فيه تناسب وتناسق بين ( الوزن ) و( القوة والعزم )

------------------------------------------------------------

انا اتمنى ما يكون >> حقد على الـ 06 07 بسبب العزم والقوة !!

ترى كلنا أخوان وكلها سيارات ومالها داعي الشحناء بين بعض الأعضاء
خلونا نكون مسالمين وكويسين

وترى الحق ما ينزعل منه .. ومالها داعي الانسان يلعب على روحه
المفروض يرضى ~~ بالأمر الواقع ~~

لو بالـ 2006 - 2007 عيوب ( بذكرها وما راح أزعل) >> الصراحة راحة

لكن الظلم ( لا وألف لا )

يجيك واحد بكرى " حاقد على 2006 - 2007 " ويقول اذا مشيت 100 تخبط !!
بعض الناس كل شوي يجيبون اختراع :d

بهدف تشويه السمعة .. وليست الحقيقة !!


------------
على العموم تراي تعبان وسهران << تعبت وانا اكتب ( اذا صحيت من النوم و صرت رايق بجي اصحح ردي اذا فيه أخطاء )

المعذرة على الإطالة و " تف " ما شاء الله تبارك الله على كل مكاين الهوندا
وتراي تعبت كثير على هذا الرد :o
~~ ارجو تقدير المجهود ~~

ورجاءاً ( لا أحد يزعل مني أو يشيل بخاطره علي )