الحمدلله تم شراء السيارة على بركة الله ....

المشروع القادم ... تركيب تظليل عازل ...وماحبيت افتح موضوع جديد بهذا الخصوص ولكن ابيك تفيدوني ..

تقريبا لفيت اغلب محلات العازل .. واستقريت على جونسون وكول كار ..
طبعا كول كار مسوي دعاية في المنتدى ب 900 ريال ...
وجونسون عرض عندهم تظليل + تشميع كامل السيارة للمحافظة على لون البودي ( لون السيارة اسود وانتم عارفين كيف حساس ) ب 1500 .. ومتأكد راح اعاندهم وبينزل مية ريال خصم ... فأيش الافضل برأيكم ( عن تجربة ) يعني اللي مجرب احد النوعين هذه يفيدني ورجاء لاحد يقولي في كول وزيبارت وجيوشيلد و3إم لأنهم معروفين انهم الافضل ورحت لهم اسعار نار وشلتهم من راسي..

وبالنسبة للتشميع هل منه فائدة ملموسة بالفعل ولا كلام فاضي .. طبعا الاكيد حسب كلام الموظف انه بعد 6 اشهر يصبح التشميع كلام فاضي ولابد تجديده او مسحه نهائيا .....

بيني وبينكم / صرت اقرف من كلام الموظفين في جميع الشركات لأن كل واحد له عمولة وكل واحد ينقط عسل وتحس انه يستغل السعودي وعارف ان السيارة جديده وخايف عليها بالذات الشامي والمصري < نفسي اقلته لما يجلس يبكش .