والله انت تخوفني من تغيير الزيت
الله يعينك ويساعدك
إحترامي
سسلام عليكم ..
بعد ماخلصت من البطاريه والحمدالله ماشكيت منها الى الان..
اكتشفت ان زيت القير عندي ماغيرته من اول ماطلعت السيارة من المعرض وسيارتي ماشيه 80 الف
فقلت اغير الزيت قبل مايروح القير في خبر كان .. وبعد ماشفت مواضيع بالمنتدى الله يجزاهم الف خير
فصتي مع غيار الزيت :d
رحت العصريه شريت زيت قير لهوندا قلت يا جميل بكم سعر زيت هوندا قالي سعره بس انهبلت بـ 40 ريال للعلبه الواحده وكاسترول بـ 16 للعلبة الواحده بشغلة الحسابات يكون 16 × 3 =48 ريال
وزيت هوندا 40 × 3 =120ريال
فرررق كبير في السعر وهذا الي استغربته بصراحه
المهم رحت ليمني وليتني مارحت له قلت له بكم تغيير زيت القير قال بـ 8 استغربت انا قلت كم قال بـ 8 قلت انا بـ 8 ؟ قال ايوه المهم عطيته 10 ريال قال الحساب 80 ريال قللللت وشو ياشيخ ضف فيسك بس وش مسوي انت عشان تاخذ 80 ؟؟ تغير زيت ياحبيبي مافيه اي جهد وتعب فرغ الزيت و حط زيت تلعب علي وانا قايلك بـ 8 ريال ؟ قلت انت ايه
المهم غيره بـ 15ريال وهو مايشوف الدرررب ومتسحر بعد على على 5 الي عطيته زياده
المهم يااخوان اني يوم جيت ادعس بالسيارة بجرب الى ان الضغط صار يوصل 6 ونصصص اذا ضغطت الدعسة كامله في النمره الثانيه او الاولى مستغرب يعني صار الضغط يزوود
فستغربت وجربت مره ثانيه ونفس السالفه ؟؟
سؤالي ياحبايبي
هل فيه مشكله لما يوصل الضغط الى 6 ونصص على الدعسة الكامله ؟؟هل سيارتي فيها شي مااا
وبيض الله ووجيهكم ..
والله انت تخوفني من تغيير الزيت
الله يعينك ويساعدك
إحترامي
من جد ياشباب وش الفرق بين كاسترول وزيت هوندا إلي بالوكالـه ؟
ممكن سؤال يارايـح
كيف غير لك الزيـت
شفط الزيت القديـم بجهاز عنده ؟
طيب لو مغيرهـ بالوكاله ومع الفلتر .. كان ماشلت هم اي شي
الناس تقول زحمة وقله حيا وياخذون فلوس على الفاضي ..
بس ياحبيبي شغل تمام ..
اذا صار مشكله والا حاجه وين ترجع للوكاله اكيد ..
حبيبي بعد الحسابات حقتك ,,
اشتريت زيت كاسترول ولا هوندا ؟؟؟
مجود انا كاني قريت تقولي فلتر وش فلتره ترا غيرت الزيت بدون مااغير الفلتر هل لازم اغيره بعد
من قالك تجلس بالوكاله 4 ساعات .؟ :d
ترى كلها ساعه وانت ماشي ..
والوقت يروح بسرعه ..
اصرف من 10 دقائق تسوي لي مشاكل مستقبليه ..
بالنسبة للفلتر .. ماادري عن حقون ال2008+ .. مرة يقولون فيه فلتر خارجي للقير ومره يقولون لا ..
اخوي بالنسبه للتغير الزيت المفروض تروح للوكاله ..
انا كنت بغيره ..بس صراحه بعد ما الكل قالي لا تغيره .. تخوفت .. لان كل الشباب الي اعرفهم قالو لي لا تغير الزيت ابدا .. لان عندهم تجارب مع كافه السيارات في تغيير زيت الغير .. واغلب الأحيان بعد التغير تحدث نفس المشكله لفتره معينه بعدين تختفي او تبقى ( وهي تأخر في التبديل للنمره )
انت لو لاحظت ان القير يتأخر معاك ..لازم تتأكد وافضل شي تروح الوكاله :d القير ما ينمزح معاه
واحد عنده كابريس موديل 90 .. من 15 سنه يمكن ماغير زيت القير.. يوم غيره .. خرب معاه :d
الله يهديك مارحت إلآ حق يمني
انا غيرت زيت قير اكورد 2003 بعد 200الف كيلوا بزيت هوندا
خبط القير علي طول
^^^
آآآآآآآآآآآآآآح
....
اللي استنتجته من الموضوع
انك لاتغير زيت القير ابد ...
او اذا وصلت 60 الف غيره .. و بعدها كل 40 الف غيره عشان تضمن القير مايتعود على زيته واذا افترقو خبط :p
والله هذا اللي سمعته اذا وصلت 60 الف غيره وبعدها كل 50 الف غيره ..
عموما انت شف الوكاله ..
وعلى دربك اسأل لنا متى تغيير زيت القير . الله لايهينك ..
بالتوفيق و يكون اللي بسيارتك شي بسيط
تهي تهي تهي تهي خوفوتوني
يعني فيه مشكله لما يصير الضغط يوصل لسته او سته ونص ؟؟
بعدين الزيت لازم يتغير بعد 40 الف
ننتظر الخبـــــراء لا نروح وراء الثــــراء :(
المفروض أخوي ما غيرت الزيت على طول تغيرة بتدرج يعني تسحب مقدار علبه وحده من الزيت القديم إلي بالقير وتحط زيت جديد مقدار الزيت إلي سحبته وبعد فترة تسوي نفس الطريقة إلي ما يتعود القير على الزيت الجديد .
وأخوي رايح لـ رابح أفضل شيء تشيك على الزيت وتمر الوكالة وتستفسر منهم أفضل
هو اكيد الأفضل التغير علشان المحافظه على القير .. لكن اكثر الي جربوا غالبا يصير معهم مشاكل ..طيب شرايك تجرب تخلي سيارتك 5 سنوات بدون ماتغير زيت القير :d
عندنا لاند كروزر .. 4 سنوات ما تغير زيت القير حقها .. بتوصل 5 يعني :d
الواحد لمن يطول مايغير زيت القير لو صارت مشكله بالقير ماتطلع معهـ
لان الزيت بيكون فيه شوائب وهالشوائب مخفيه المشكلهـ
فلما يغير الزيت ويصير جديد تطلع المشكله على طول وهي كانت موجوده قبل بس ماظهرت
يااخوان انا سيارتي وصلت 60 الف .. اغير والا مااغير عطونا الزبده تراي متردد ,,,
والله اخوي بدل زيت القير عند يماني ورجع البيت نام
يوم ثاني جلس من النوم بروح الدوام توه داخل بوابة ارامكو ما شاف الا السياره تفحط لحالها ههههههههههههههه
يعني بأختصار السبب الاول والاخير اليماني ...
انشالله يطلع شي بسيط وترتاح وانا محتار ابدل او اخليه لين ماتروح السياره تشليح
حبيبي تبي تريح ضميرك ؟
روح الوكآله بكرى , وقول للمهندس السالفه من الـ، أ إلى الـ، ي ,, وشوف وش يقولك
وٍأنآ أنصح أي وآحد يغير زيت القير , يغيره بالذات بالوكآله , عشآن لو صآر لك مشكله لآسمح الله إلآ وعندك شي يثبت
والنقطه الأخيره , قول للمهندس زيت القير متى أغيره .؟ وأسأله برضو أغير معآه فلتر ؟ ومتى أغيره ؟
مافي مشكلة لو وصل الـrpm لين 6 ونص سيارتي من خذتها اذا حشرت نمره يوصل الضغظ قريب الـ 7 وعادي جداً ماصار شي
،،،
انت الحين ليه شايل هم دام تبديلات القير سليمه ومافيه نتعه ولا شي يعني عدت على خير
بس نصيحه ابعد عن اليمنيه في الشغلات هذه
والمفروض يتغير زيت القير اول مره على الـ 60 الف وبعدها كل 40 الف
يعني الحين خلك مواضب على تغيره كل 40 الف وبكذا بتضمن ان القير يعمر معك بأذن الله
عادي يا اخوي لا تشيل هم سيارتي من شريتها وهي توصل الى 6 ونص واذا خليتها في الدي ون توصل الى 7
مواقع النشر (المفضلة)