معدل طبيعي جدا
بالنسبة للكرسي هو كذا ولعلمك مقاعد المخمل برضوا تكسر الظهر
سعرها اتوقع 72 لــ75 في هذه الحدود
السلام عليكم ورحمه الله وبركاته
متعكم الله بالاجازه الممتعه والله الله بالصلاه ياشباب وانا أولكم ...
ياحلوين يابتاع الملكه اللي مالها ملكـ عندي أكورد 2009 فل كامل ماشيه ولله الحمد 21ألف تقريبا في خمسه أشهر
1)هل هذا المعدل طبيعي يعني ساكن قريب من الرياض وأروحي واجي كل شهر تقريبا لمكه ؟
2) كسر ظهر الكرسي يعني جلد وكشخه ولله الحمد لكن فيه صلابه غريبه يعني كأني جالس على حجر ماهو بـ كرسي علشان اررتاح فيه :d ؟ وش الحل يعني معاه أحط فرووو وألا أيش علشان ارتاح من هالتعب ؟
3) كم سعرها لويتم بيعها الان يعلم الله أفكر في هالموضوع بس خايف ماتجيب لي قيمه طيبه خاصه وانا ماخذها كاش بـ 95ألف أيام العرض في بدايه هذا العام ؟أفكر أخذ أوربون نص فل ؟
ياليت اللي عنده اجابه يفيدنا فيها واللي عنده مشاركه يتفضل يطرحها ولكن في حدود التشاور ماخاب من شاااااور وخاصه انكم أعرف مني بالملكه وكيفيه التعامل معها
ختاما اكتشفت حركه بمثبت السرعه يوم أمس وانا نازل لمكه من القويعيه
لما تمشي مثلا بسرعه 160 كيلو ثم تضغط على الفرامل طبيعي يفصل العداد وتهبط السرعه صحيح
ولكن بعد ذلكـ لو ضغطت على دواسه البنزين وعلى مزود السرعه في المثبت ترتفع السرعه مباشره إلى 160 كيلو وتدعس السياره دعسه قويه للوصول لهذا الرقم بسرعه مباشره .
ختاما وفقكم ربي .....
معدل طبيعي جدا
بالنسبة للكرسي هو كذا ولعلمك مقاعد المخمل برضوا تكسر الظهر
سعرها اتوقع 72 لــ75 في هذه الحدود
السلام عليكم ورحمة الله وبركاته
والله انك جيت على الجرح انا سفري كثير بالسياره وسيارتي هواندا اكورد 2009 وماشي 85 الف يعني احمد ربك ما شاء الله عليك الله لا يضرك اخوي المهم ظهري يبس رحت للعليان قلت اباخذ مخدات طبيه وما نفعت والى الان وانا اعاني من مقاعد الاكورد صدق غير مريحه ابدا لدرجة اني فكرت ابيعها واشتري فورد ........ لو تشوفني وانا مسافر لجده من الرياض همي الوحيد قدم المقعده رجعها ارفهعا حط مخده تحتي واضرب بالسقف ثم اشيلها اتربع بعد تثبيت السرعه ما تمشي معي وابشرك مع هالحال ما ادري الا وانا وصلت جده ما شاء الله مو معقوله ... هههههههههههه
انا ملاحظ ان المقاااعد عاديه جداً لاقاسية ولا خفيفه وسط
الله يعيننا على الاكورد الملكه الخشنه ههههههههههههههههههه
مدري بصراحة انا عندي اكورد 2010 فل جلد والحمد لله مااحسى شي مدري ممكن 2010 غير مدري
طبـع الملكات كذا
<<<<مايعرف يرقـعهـا خخخخخخخخخخخخ
اسمـع يارجال يمكن انت وزنـك يساعد يعنـي متيـن شوي لا تفولي وش دراك قل ايه انت بس
لكـن انا نحيـف وشف عاد خخخخخخخخخخخخخخ انواع المعانـاه
بس تعود على القساوه وش لك بالرفاهيـه والنعومـه
انت في زمن قاسـي ولازم تواكبه مع مراتب الأكورد خخخخخخخخخخخخخ
الله يوفقك بس ويوفق الجميع
أقول انت وهو بطلوكم الوسوسه الزايدة الي مالها داعي ... احمد ربك انت وهو جالس على جلد
اما انا وش اقول وربي اعرق وانا جالس على السيارةة ...
باي
التعديل الأخير تم بواسطة الـمـسـافـر ; 02-07-2010 الساعة 02:01 AM
^^
:d
وعليكم السلام ورحمة الله وبركاته
آمين وياك .. جزاك الله خير
انا بتكلم فقط عن النقطة الثانية ( قساوة مراتب الجلد ) >> القساوة في أغلب مراتب جلد السيارات :
الحل وانا اخوك : تروح لتشليح كويس ( وتشتري لك مراتب مخمل ) << انا مجرب الجلد ومجرب المخمل
يالبى المخمل .. أريح بكثير
والمخمل أقل تعرق :d
عكس الجلد .. يحرجني احيانا :d
كلامي من تجربة ( أكورد سياحية مخمل - أكورد فل كامل مخمل - أكورد فل كامل جلد )
وكلهن 2006 - 2007
# الجلد يبي ( اهتمام ) >> ترطيب والخ ...
انت جرّب واحكم ..
وترى مرتبة السواق بالأكورد فيها حركه " غير التقديم والترجيع وضبط زاوية الظهر "
فيها حركة " كأنك تنفخ المرتبة " :d >> لها دور بالراحة
السياحية " لها مقبض يشبه الهندل " :d >> يعني يدوي
لكن انا مخليها " متوسط وضابط الوزنية " ومرتاح
-------
قبل كنت ناوي اسوي " تنجيد " لون أسود ونوعية فخمة لسيارتي بالكامل " أسود لأن لون سيارتي الخارجي = فضي \ والداخلي = أسود "
لكن ناس كثير نصحوني ما أسويها
ويوم شفت عيوب الجلد بطلت " تنازلت عن الفخامة "
خصوصا أني انسان " ما أحب العرق ولا أحب الشمس والحرارة "
أجوائنا ( معاناة ) لكن الله يعين ؛؛ والحمد لله على كل حال
تقبل مروري
التعديل الأخير تم بواسطة THE SILVER ACCORD ; 01-07-2010 الساعة 05:53 PM
الله يعيننا على الكراسي الي تكسر الظهر
انا اقول ان مخمل الفل مافيه قساوه بطل
عادي شي طبيعي لكن مع الوقت تلين المرتبه شوي
ابو شهد ههههههههههههههههههههه
والله اني بافكر ابيع سيارة السواق واشتري فورد عشان وقت الخطوط الطويله استعملها .. مع انو مو هاين عليا اطلق الملكه احسها نورت دنيتي
وبالنسبه للمشى زي ماقالو الاخوان طبيعي جدا وفي البيع يحدك اللون والنظافه يعني ان شالله تجبلك 75-77 <<امس كان في المعارض
بس نصيحه مني لو تبا تبيعها حاول تبيعها لواحد من اقاربك او خويانك .. لانو الشريطيه قسم بالله مايخافو الله في الناس
والله اكورد 2008 لولي السياره لسه عليها ورد الزواج والالوان والدلع .. انباعت بـ55 الف والممشى ما اتعدى 50 .. بس صاحبها مضطر مسافر الاسبوع الجي .. يعني حاول ماتطيح في يدهم وحاول قدر الامكان تبيعها لاحد من اقاربك واحبابك.. وموفق
مقاعد الاكورد ارحم جنب المازدا وبلتحديد زوم3
الممشى طبيعي جداً بحكم سفرياتك .
بالنسبة للمقاعد لو تجرب الجاعد يمكن ينفع انا ما جربته
السعر اتوقع تجيب فوق 75 ألف .
الممشى جدا طبيعي خصوصا مع المسافات المتباعدة في المملكة.. وبخصوص السعر فأنا أنصحك ما تبيع لأن سعرها بينزل كثير..
وبخصوص المراتب فأنا أتفق معاك بشكل كلي لأنها جدا قاسية ومتعبة وهالشيء نفسه في السيفيك الفل كامل (جلد) وأنا مجرب مراتب كثيرة جلد والله أريح من مراتب الهوندا القااااااسية والمتعبة والله يعيننا عليها..
:d
حرام عليك يا رجل ..
يمكن تكون قاسية شوي ,, بس دامك تمسك فيها خطوط بتعرف قيمتها لا طلعت أوريون ..
نصيحة خلها والله يباركلك فيها
شف حبيبي سيارتك تجيب لك فوق الـ 80 دووووووووون نقااااش
بالنسبة للمراتب .. انا أشوف أن المخمل جداً مريح وعادي ,, وبالنسبة للجلد ما جربته ما أدري
تحياتي
موترك يجيب 83 زي الحلاوة
بالتوفيق
يا اخوان اللي يقولو فوق التمانين .. انا الربوع كنت في المعارض يمين بالله الشريطيه جايبين السوق الارض اقلكم والله والله اكورد لولي 2008 حقت عريس << ورود الفرح لسه بقعها على السياره والسياره صلاتي على النبي زي الورد لا اله الا الله ((انباعت بـ 55 الف )) في اية دين دي ..
فانا نصحتو قلتلو بيعها لاحد تعرفه ((معرفه)) لانو لو نزلتها المعارض بيخسفو دينها الارض .. ولا انزل عاد وربي يلقيك باولاد حلال هناك
السلام عليكم
اذا بتسافر اشتر جااااعد وركبه على المراتب اريحلك
حراااااااااااااااااااااااااااااااام تنباااااااااااااااااااااع الملكه ايجابيتها وحلاوتها تغطي على عيوبها
المعدل الطبيعي لممشى السيارة خلال سنة 30 الف كيلو متر وهذي
حسبة الشريطية بالمعارض
بالنسبة للمراتب للإحاطة مراتب الأكورد طبية جرب الألماني و تعرف
قصدي وهل تتوقع هوندا ما تقدر تصنع مراتب
على شكل كنب ومريحه طبعآ العكس صحيح ولكن قسواتها صحية أكثر
ولوتلاحظ ألآم الظهر بسبب المراتب اللينة
زيادة عن اللزوم طبعآ كلامي عن مراتب النوم سبب مشاكل الظهر و إسأل
الأطباء المختصين أيهما أفضل المراتب القاسية ام اللينة
سيارتك لو عرضتها للبيع أتوقع فوق 75 الف بالراحة لا تستعجل بالبيع
تحياتي
الشي هذا ملاحظه في سيارة خويي
لكن الحمد لله معي كامري 2009
ومقاعدها زي العسل معي
لو تأخذ اوريون بتشوف الفرق في الراحه
مواقع النشر (المفضلة)