الموضوع: الوسائد الهوائيه نعمه ولا نقمه

طبعاً اي سياره فيها إيرباق لازم يكون فيها حساس إيرباق

الحساس هذا إذا جاته ضربه ينفك على طول الايرباق

يعني على حسب الصدمه وين وصلت بعضها تكون واصله للرديتر مااعتقد ينفك الايرباق

بس بعضها توصل الصدمه للحساس وينفك على طول

وإرجاعه على مااظن انه يكون بطريقتين

انك ترجعه وهو خربان يعني ماتستفيد منه

او انك تشتري إيرباق جديد وتركبه

انا شفت مقطع جمس انفك الايرباق وهو يطعس يعني لا حادث ولا شي

بس يمكن الجمس يختلف عن الاكورد

وهذا على قد علمي يعني

انشاء الله إذا كان فيه خطأ يعدلونه الاعضاء

خوييي انا كان معه جراند ماركيز موديل99 جاء بيوقف وقدامه جدار المدرسه يعني مسافة نص متر من مقدمة السيارة الى الجدار وبالغلط ضغط دواست البنزين على باله الفرامل وصفق في الجدار واسمع ذاك الصوت حق الارباقات تقول انفجار والحمدلله سلم
وسوى للديكور خياطه ورجع وكاله ....................

سوى له خياطه الايرباق غااالي في الوكاله

آآآآوهـ يالايرباق
انشالله ماينفك على احد فيكم
والله العظيم لما ينفك تقول واحد لاطشك كف باقوى ما معاه
شي مصيبه الله يحمانا
بس هو اكيد انه بيردك عن الاصطدام بالزجاج يعني كذا ولا كذا هو نعمه اكثر منه نقمه
لكن ماقد شفته انفك بدون حادث
كمان انا شفت قراند ماركيز 98
صدم في دينه بسيطه مرره وداخل حاره الا اليرباق ناقز عليه:d

الله يكفينا شر الحوادث يارب
اعرف واحد صدم وطلع عليه الايرباق والله وجهه يومين يعوره

لكن يحمد ربه ماجاء بالقزاز

طبيعي راح يعووره وجهه ..


لانه اساسا الايرباق هو غاز معباأ

ومجرد مايطعي الحساس الأمر ..

ينفجر هذا الغاز بقووه ويطلع لك الارباق كـ كيس هواء ..

واكيد راح يضر جسمك لانه غااز حــار جداً ..

وكثير اعرفهم صار له حادث بعضهم الارباق كسر يده وبعضهم يده جاه كويه

من حرارة الغاز ..

لكن هذا افضل من انك تخش بالدركسون ولا القزاز وتروح ضروسك كلها

ولا خشمك والله يستر من المضاعفــات .. هذا غير الألم والنزيف اللي بيصير ..

انا بعد اعرف واحد معه ماركيز صدم صدمه خفيفه مره يقول جت الصدمه في الشبك والصدام بس وطلع عليه الارباق
وبالنسبه للجموس الجديده .. حساسها على ريحة الصدمه يطلع الايرباق
وبعض حالات تكون الصدمه قويه بس مايطلع الايرباق لخلل فيه او لكون الصدمه مثلاُ في اعلى مقدمة السياره ويكون الحساس تحت فما يتأثر
وبالنسبه للتكلفه فهي غاليه جداً

فيه نقطه مهمه ما ضافوها الاخوان وهي

انك اذا ما كنت حاط حزام الامان تكون ضربة الايرباق قويه لان جسمك غير ثابت في الصدمه مع الصدمه جسمك يندفع للامام ويقابله خروج الايرباق فيدفع الجسم للخلف

بس لما تكون حاط حزام الامان في خروج الايرباق في اثناء الصدمه يكون جسمك ثابت فتجيك ضربة الايرباق خفيفه جدا ويكون ضررها خفيف جدا

يعني ما حطوا لنا حزام الامان عباطه

يعني الفورد او الأمريكي بصفه عامه له حساسيه قويه للصدمات وينفك بسرعه
بعكس الياباني
تدرون ليه سألت هذا السؤال لأني طول مدة سواقتي للسيارات ماشفت هذا الأيرباق في أي حادث مع أنه ربنا يكفينا الشر أداوم مكه جده وياكثر الحوادث في الطريق السريع
حتى اني شكيت انه يكون في السيارات ايرباق