السلام عليكم ورحمة الله وبركاته
الصراحه ما كان ودي اكتب موضوع عشان بطاريه السيارة لكن قلنا نشوف ارائكم واذا في انواع غير حقت الوكاله وكويسه ياليت تقولون لي عنها وكم سعرها ..
لان بطاريتي خلاص كملت سنه ونص واحس انها صايره ماش هاليومين ..
كم سعر نفس حقت الوكاله ؟
التعديل الأخير تم بواسطة الـمـسـافـر ; 01-08-2010 الساعة 01:31 PM
شوف حقت الوكاله هي نفسها اس ديلكو
واتوقع اذا ماني غلطان انها 55 امبير
اذا بتشتري بطاريه جديده
خذ 60 امبير احسن لك واقوى
بطارية الاكورد اللي تجي من بلدها ضعيفه واقرب مثال شوف اللي ركبوا لها زنون بعض الاحيان تطفي اللمبات في السياره والسبب البطاريه
المهم
فيه نوع من البطاريات جربته وممتاز جداً
ويدوم معاك احسن من اس ديلكو اللي تكمل سنه وتنتهي على طول :d
اللي هي بطارية هانكوك أسال عنها وان شاء الله تدعي لي ^_^
بالتوفيق
والله ما ادري عنهم عني انا ما اغير إلا اسي ديلكو
انصحك تجرب بطاريه اسمها باقادر جيده وممتازه مجربها انا احسن من اي سي ديلكو التعبانه وغاليه على الفاضي وشكرا
اشوف باناسونيك اللي تجي مع السيارة جيدة
يسلموووووووووووووووووووووووو
مشكورين ع المرور وشكلي بركبها من عند الوكاله اضمن
بطاريات الوكالة Ac Delo وسعرها ناار على الفاضي , للعلم راح تحصلها برى الوكالة ونفس النوع والأمبير وبنصف السعر!
هذا رابط فيه الفائدة , اي سؤال انا حاضر.
http://www.hondaarabia.com/club/showthread.php?p=419738
:(
اخوي King
الصورة الي طلبتها ..
واضح من الرقم المقلوب ان امبير البطارية 55 امبير
ولا بأس انك تركب 60 امبير مع ان الفرق يبنهم 5 امبير.
وتلاحظ ان فيه مساحة تكفي لحجم اكبر من الموجود وهذا شيء جيد ولا يسبب لك اي عائق
نصيحة مني وقت شراء البطارية شوف لك اكثر من محل مع ان الفرق بين المحلات 10 ريال إلى 15 ريال
إذا تحس ان المبلغ 10 ريال و 15 ريال راح يفرق معك دور لك محلات ثانيه بس مو تضرب مشوار 50/كم عشان بطارية!
ولاتنسى الرجيع راح ياخذ منك البطارية بسعر لا يقل عن 20 ريال (25-30) حسب إقناعك ومعاملتك له.
الفاتورة مهمه وكرت الضمان احتفظ فيهم.
ونصيحتي لك شوف اي بطارية تبع باقادر ركب والقلب داعي لك , اهم شيء تكون الأصابع مشدوده و مايكون فيه ترسبات.
:(
معلومة للجميع
إذا تبي تعرف البطارية كم امبير بدون سؤال صاحب المحل او الورشة تقدر تطلعه من هذا الرقم
رقم البطارية ns60lsmf
(60 امبير)
رقم البطارية 70d23lmf
(70 امبير)
عليك من هذه الأرقام (55-50 -60-70-80) هذه تدل على قوة البطارية ولا بأس بزيادة البطارية عن وكالتها بـ 5 امبير
لكن اي شيء يزيد عن حده ينقلب إلى ضده.
فيه حاجة مهمه بعد جدا ً , تاريخ البطارية لازم يكون احدث شيء يعني لا تاخذ بطارية تاريخها 2009 !!
يفضل اجدد شيء موجود بالسوق.
:(
ان شاء الله باخذ لي 60 امبير
بروح للطيار اليوم او بكره
وراح ارد لكم هنا وش ركبت
مشكور اخوي كينج ع التوضيح
اليوم ركبت بطارية
بعد ما غيرت بطارية الوكالة اللي جاية مع السيارة
البطارية اللي قبل حقت الوكالة يقولون لي انها 60 امبير
المهم
رحت لأكثر من محل
كلهم يقولون عندنا اي سي ديلكو
وانا ما احبها لانها إلكترونية وما احب الشي اللي يتحكم فيني
ابي اتحكم انا فيها
غير ان الالكترونية
مدتها سنة بالضبط وبعدين لازم تغيرها وتتعبك بعد هالمدة
بس التعبئة احسن لأنها تطول معك
اختصار الكلام
مريت الغرابي لأن عندي اكثر من شغل هناك
ومريت البطاريات
ما خليت محل ما رحت له استفسر واسأل
بالاخير طلعت بهالنتيجة
بعض البطاريات مكتوب عليها 60 امبير
بس انها تعطيك بالكثير 50 او 45 امبير
والارقام هذي مكتوبة على البطارية ومنها بطارية الوكالة
اللي ركبتها هي
باناسونيك
لونها برتقالي
قوتها 60 امبير وتعطيك 60 امبير
اخذت المكان كله حق البطارية القديمة
يعني ما صار فيه فراغ مثل الصورة هذي
http://img104.herosh.com/2010/08/02/824085945.jpg
السعر 220 ريال
لكن اخذتها بـ200ريال
بالنسبة لبطارية اي سي ديلكو
لقيتها بـ190 ريال
تم تركيب بطاريه اي سي ديلكو من عند الطيار ..
بـ 210 طبعاً الكترونية ..
لقيتها بـ 190 لكن عند ابو يمن ما ادي عن وضعه ..
والطيار مضمون ..
طبعاً ضمان سنه من تاريخ الشراء ..
* اشكر الجميع على وضع اقتراحاتهم وكل البطاريات فيهم الخير و البركه ..
المشاركة الأصلية كتبت بواسطة ac09
كل البطاريات مضمونه سنة
لأن فيها فاتورة وكلهن معهن ضمان سواء الخايسة او الزينة
اما الطيار وباعها عليك بميتين وعشرة
هههههههه
اي فرع هذا !!
انا موقف عندهم وبدون ما اتفاوض بالسعر قال لي على طول مية وتسعين
هذا بدون ما اقعد اكاسرهـ بالسعر كنت بس اسأل واستفسر
يالله بالتوفيق والوعد بعد تسع شهور راح تضعف عليك <<< يبي يوسوس براسك
أنا بطارية سيارتي هانكوك من أشتريتها وأحيين بدخل الشهر ال8 ولله الحمد ممتازه ..
يارجال مافرقت 20 بس نضمن الشغل انا ما حبيت ادور ع المحلات حقت ابو يمن صراحه ما وثقت فيهم ..
واذا خربت البطاريه ولا شي خلال اقل من سنه استبدال على طول من الوكيل مخرج 17 ..
رحت الوكاله قالو البطاريه الي عندهم اي سي دلكو نفس الي ركبتها يبيعونها بـ 250 و التركيب 50
طبعاً 60 امبير ..
أخ ألى الآن زعلان أني بعت بطاريتي لأبو يمن بثمن زهيد
كان ودي أحتفظ فيها بس يومتها كان شكلها يصد النفس O_o
<<< لأكورد كوبيه V6
وحبيت أوضح شي بحكم أني أدرس هندسة كهربائيه
لايوجد أي مشكله عند وضع بطاريه 70 أمبير أو 80 أمبير على سياره تحتاج 50 أمبير
(^_^)
توني اليوم مغير بطاريتي من الغرابي 60 امبير اسي ديلكو بـ 150 ريال مع الرجيع
توني اليوم مغير بطاريتي من الغرابي 60 امبير اسي ديلكو بـ 150 ريال مع الرجيع
مبروك التغيير
بس الوعد بعد سنة بشهر اغسطس ألقاك مركب بطاريتين قبل ما يجي هالشهر
اي سي ديلكو ما حولك احد <<< يبي ينجلد المهايطي
معطيني ضمان ليه اتصور معاه مثلا :p
انا مغير بطاريتي ب 150 ريال وبطاريتي الاولى بعتها على هندي ب 35 ريال
والحمد لله ماشيه تمااام لها الان تقريبا 6 شهور :d
ضوابط المشاركة
رد مع اقتباس
مواقع النشر (المفضلة)