اخوي فرّوسي

أول شيء الله يكتب لك الخير سواء في الاكورد او الاوريون في النهاية كلها حديد الله يكفينا شره
ثاني شيء
الصراحة انا تخيلت موقفك وحسيت بمعاناتك
لكن بقولك شيء ( رضا الناس غاية لا تدرك )
وأعلم الناس بنفسك هو أنت
أنا تعجبني الاكورد ولا تعجبني الاوريون
وانت يعجبك الددسن ولا يعجبك الهايلكس
وكل واحد شاق له طريق في السماء اللي تعجبه

يعني المقارنة اتوقع صعبة
كل شيء له مميزات وخصائص
انا اقتراحي لك - ومب شرط تاخذ به -
انك تمسك لك ورقة وتقسمها خانتين
الخانة الاولى ( ايجابيات ) والثانية ( سلبيات )
وتكتب وحدة للاكورد ووحدة للاوريون
واذا جيت بتكتب مثلا عن الاكورد ركز كل تفكيرك على الاكورد ولا تتذكر الاوريون وانت تكتب ابدا
واذا جيت للاوريون سو مثلها بعد

اذا والله انتهيت وخلصت
شف قارن باللي يصلحك ويناسبك
وتوكل على الله , ودام الموتر اللي بتشتريه وكالة يعني البحث ما تشيل همه
راس مالها تنصى الوكالة وتطلب اللون اللي تبي ويجيك الموتر
يعني ريح بالك وانت تقارن بينها ولا تستعجل في الشراء ما دمت منتب مقتنع
ريح بالك واعصابك وسو اللي قلت لك
صدقني بتشتري السيارة وانت مرتاح ضميرك ( ولو كل الناس عارضووووووووووك )


أسأل الله أن يرزقك السيارة اللي تعجبك وتناسبك
ويعطيك من خيرها ويكفيك من شرها


موفق أخوي ^_^