إستفسار : رجة بالطبلون عند وضعها على الـ d (وضعية السير)

**hnno** · 20-08-2010, 02:46 AM

سلام عليكم

أخواني يا ليت تفيدوني بخبرتكم بارك الله فيكم ، وسأكون داعيا لكم بإذن الله

سيارتي أكورد 97 أوتوماتيك ، ولمن أعشق على الـ d أو الريوس أحس برجة بالطبلون مهي طبيعية ولمن أبدأ بالسير بالسيارة وأضغط بنزين تروح الرجة ، علما بأني غيرت كراسي المكينة الأربعة جديدة أصلية ، حسب كلام أحد الأخوان أن الرجة من كراسي المكينة ، تحسنت الرجة شوي في المكينة وصارت هادية لكن الرجة موجودة بالطبلون

نصحني أحد الاخوان أيضا بأني أفك الطبلون كامل وأرجع أركبه وأشده

بالتوفيق للجميع

**hnno** · 20-08-2010, 11:29 PM

يا أخوان ياليت تفيدوني لا هنتم

**هاي الشرقية** · 20-08-2010, 11:33 PM

والله اخوي مدامك غيرت الكراسي والمشكلة باقية انا اوافق انك تفك الطبلون وبعدين لاتنسى ترى شوارعنا كلها حفر ومطبات وثاني حاجة ماشاء الله ترى موديل سيارتك شوي قديم يعني توقع اي شي:o

**hnno** · 21-08-2010, 03:40 AM

قديمك نديمك لو الجديد أغناك ، بسم الله على سيارتي وش زينها ، كل قطعة تخرب أغير بدالها أصلي وأنساها

أخاف أفك الطبلون ويطلع الصوت من شئ ثاني ، عموما مالنا غير نفك الطبلون وإنشاء الله ما أتوهق مع الفكة هذي ولا أعرف أرجعه

تسلم يالغالي على المتابعة والرد ، بارك الله فيك وجزاك كل خير