المشاركة الأصلية كتبت بواسطة meshal_alosimi
السلام عليكم ورحمة الله وبركاته
وكل عام وانتم بخير
اولا انا سعيد بألانضمام في هالمنتدى
والمشاركه معكم
== حياك ربي بين اخوانك وربعك وان شاء الله ماراح يقصرون معك
ثانيا لدي مشاكل في سيارتي اتمنى منكم
المساعده بحلها
== الا بسألك سيارتك وش فيها يشتغل
سيارتي اكورد 2004 سبيشل
اشتريتها قبل سنتين من شخص مهمل السياراه
ولا عمره طب فيها الصناعيه <<-- يعنى انني
هع هع
وانا ماني بعيد عنه اكره الذهاب للصناعيه
واذا واجهت مشاكل بالسياراه اقول بكره اصلحها وانساهااا
مشاكلي هي
اولا طرنبة الدركسون او علبة زيت الدركسون
عندي الدركسون ثقيل مره وبعض الاحيان لا استطيع ان الف بالسياراه لليمن او للشمال
=== هذا ممكن انها الدوده حقت الدركسون لابد من التغيير ..
ثانيا عندي رجه بالسياره وبالتحديد الوقوف بشكل عام او عند الاشاره
==هذا ممكن جدا انه اسلاك البواجي يبي لها تغيير يبي لك تشييك عليها
ثالثا الابواب الاماميه لا تفتح بالريموت فقط بالمفتاح
== لااعرف حلها صراحه
رابعا عندي ماء المساحات مسدود وكل ماروح للكهربائي يقولي
مااعرف الهوندا معقده !!
== نفس المشكله لدي لوحده من الفتحات اذا لقيت لها حل اسعفنا فيه بالله
خامسا المكيف تبريده في الفتره الاخيره سيء
== فلتر المكيف يبي له تنضيف طبعا تلقاه بدرج السياره اكيد البناشر او حقين المكيفات يعرفون لها فكه ونضفه وخلاص يزبط معك
سادسا عزم السياره في نزول
=== غير بواجي وان شاء الله ترجع طياره
بخصوص الزيوت انا للاسف زيت المكينه مااغيره الا بعد
خمس اوستة شهور
والسيفون له اكثر من سنه ماغيرته
===لا كذا المكينه تنعدم عليك بسرعه وماهي بعيد تخبط معك اهم شئ المكينه والاهتمام فيها اذا تبي السياره تعيش اهتم في زيتها وموية رديترها
زيت القير ماعمري غيرته
احد الاصدقاء يقول زيت القير الاتماتيكي مايغير
فقط يضاف عليه اذا نقص
هل كلامه صحيح ؟
== نعم كلامه صحيح اذا ناقص بس تغلقه تغليق لانه مايغير
ذهبت للوكاله
ابي اشوف الاسعار انصدمت
طرنبة الدركسون 2600 مع الخصم 2400
الكراسي 1600
(السنتر لك ) الذي يفتح الابواب بالريموت الواحد 500 تقريبا
فتحات المساحات الواحده 51ريال
المهندس الباكستاني
يقولي الطرنبيه تلقاها عند الموزعين الاصليه 1800
لكن اين الموزعين ؟؟؟؟
== عندك النعماني لقطع الغيار .. اشوف الشباب يمدحونه كثير وانا صراحه ماجربته لكن فيه لهم اعلان هنا بالمنتدى فيه ارقام تلفوناتهم ؟؟
== او تقدر تشوف التشاليح ممكن تلقى الاسعار عندهم معقوله شوي لو انها مستعمله بس عاد شئ اهون من شئ
اتمنى من لديه خبره في هالمجال
او صادف مثل هالمشاكل ان يعطيني الحل
وان تنصحوني على محل اشتري منه القطع
او ورشه اصلح فيها السياره او ارقام هواتفهم
واسف على الاطاله
رد مع اقتباس
مواقع النشر (المفضلة)