مشاكلي مع الاكورد؟؟؟

**ابو نايف 2007** · 07-09-2010, 09:34 AM

السلام عليكم ورحمة الله وبركاته...
أما بعد ...

انا معي اكورد 2007 وعندي كم مشكلة بس صغيرة الحمدلله...
1-عندي الدرج الي قدام امام الراكب مايتسكر زين والنور حق الدرج واضح من برا وهاذي المشكلة من يوم شريت السيارة من الوكالة.
2-المشكلة الثانية عندي الجلنط (البريك الخلفي او البريك اليدوي)مايمسك زين وهاذي المشكلة من يوم شريت الموتر من الوكالة.
3-المشكلة الثالثة كل ما اركب طقم كفرات وامشي عليها 20 الف تحبل وطلع صوت مع العلم اني جربت كم نوع من الكفرات مثل (بريجستون-ميشيلان-دانلوب) طبعا كلها جديدة.

***الي عندة اي معلومة او نصيحة يفيدني جزاكم الله الف خيـــــــــر***

**ابن المدينة** · 07-09-2010, 12:05 PM

وعليكم السلام
المشكلة الاولى انا كمان عندي زيها بس ممكن تتأكد من صواميل الدرج مشدودة او لا
المشكلة الثانية ممكن يبغالها وزنية فقط عند اي مكانيكي والله اعلم
المشكلة الثالثة والله طفشتني زمان ولكن اكتشفت انه عندي عدد 2 من الجنوط مضروبة اي ماخذه مطب جامد وتبي تكشفها عن طريق مكينة الترصيص تلاحظ ان الكفر او الجنط يلوح يمين ويسار الحل الله يعينك تشتري جنط جديد ولكن بعد التأكد
وارجو اني افدتكم والله اعلم

**المباشر** · 07-09-2010, 12:28 PM

وعليكم السلام ورحمة الله وبركاته

1- الدرج له حل بس مادري وين ضيعت الموضع حق موقع اجنبي ولكن الحل يعور القلب شوي ويبيله روقان واما عندنا بالسعودية افضل حل التطنيش

2- كيف مايمسك ؟؟ انا عندي 2007 وتوني مبدل الفحمات وكنت واقف في مستودع الدي اتش ال قبل يومين علشان احمل شحنة ثقيلة لي وطالع طلعه الله لايوريك من ارتفاعها خفت الصدام الامامي يحك بالارض ومسكت الهندبريك ولا تحركت ماشاء الله ولا قوة الا بالله تأكد من بريكاتك وتحتاج وزن مش تركيب جديد بس

3- سبب المشكلة الثالة لأن الكثير يركب التواير وينساهم وينسى موضوع التدوير كل 10 الآف وهذا سبب التحبيل