بسم الله الرحمن الرحيم
بدايه موضوعي هذا مو ضد الاكورد
انا معي اكورد ولله الحمد تقريبا سنه
والحمد لله ماشفت منها اي مشكله
وانصحكم فيها لكن مع الاسعار هذي
لا والف لا وياليت تقرون الموضوع كامل وتشوفون المقارنات
واتركو التعصب لهوندا او اي سياره غيرها
انا حبييت اوريكم النصب والسرقه من الوكاله
صحيح ان الاكورد راسيه ومميزه بالطريق لكن ماتاصل الاسعار هذي
طبعا اترككم مع الاسعار من موضوع اخوي القايله

الاسعار الان
2010 سياحي80500 ريال
2011سياحي 89000 ريال
2010سبشل86000 ريال
2011سبشل 95000 ريال
2010فل مخمل93500ريال
2011فل مخمل103000ريال
2010فل جلد97500 ريال
2011فل جلد107000ريال
2011فل مع شاشه118500 ريال
^^^
جميع ماذكر 4 سلندر
2011فل6سلندر137500ريال
(ملاحظه لايوجد الى الان فل مخمل شاشه)


بعد ماشفنا الاسعار هذي نشوف المقارنات مع السيارات الثانيه

طبعا ماراح اكتب المواصفات للاكورد لانها معروفه
كبدايه اتتركم مع هذي المواضيع تسلفتها من الاعضاء عن اذنكم

تقرير نزول الاكورد 2011 في جده

موضوع بخصوص شراء الاكورد 2011 من امريكا

طبعا انتم شفتو الاكورد بامريكا سعرها وقارنوها مع الاسعار هنا

اولا تويوتا اوريون


سياحي بــ 85 ( سته سلندر + سته سيدسات )

فل بدون شاشه بــ 100 ( بصمه + جنوط 17 + زنون + جلد + كشافات + مكيف الكتروني منفصل +مكيف خلفي ) وغيرها

فل بشاشه 110 ( زياده شاشه وللمعلوميه الاوريون الخليجيه فل بشاشه بــ 100 )

طبعا الاوريون معروفه سمعتها ومايحتاج اعلمكم عنها
جرتها بالسفر والله انه حلوه وبدون اصوات ولا اي شي
نقارن بالا كورد 2011 سبشل مو فل فرق 4 الاف
يعني تاخذ اكورد سبشل او تزودها 4 الاف وتاخذ اوريون ؟؟؟

ثانيا نيسان ماكسيما

المكسيما 2010 الصراحه انها شكل احسن من الاكورد والاوريون
رياضيه بمعنى الكلمه مواصفات داخليه فخمه
طبعا الاسعار اول مانزلت المكسيما رحت للوكاله سالت عنها
قال سياحي بــ 100 ( اسعارها نازله الحين وعليها عروض )
استغربت من السعر لكن اتتركم مع مواصفات السياحي مو الفل
( جنوط 19 مثل جنوط الفل+ شاشه + قتحه + تخشيبه + زنون+ تحكم بالمسجل من الدركسون + وغيرها )
فرقها عن الفل ( قير رياضي عند الدركسون + كشافات + كماليات خفيفه )


ثالثا كابريس 2010

طبعا الكابرس معروف وماتحتاج كلام
وكانت معروفه باسعارها الغاليه لكن بعد الاكورد والله يابلاش
طبعا فئات الكابرس
ls
ltz
ss
roiaL
راح نقارن مع ال تي زد
لانها صراحه هي اللي ممكن نقارنها مع الاكورد
السعر 115
2009 سعرها 110
نجي للمواصفات ( شاشه+ جنوط 17 + تخشيبه + فتحه + جلد + سته سلندر + كشافات
+ شاشه معلومات بالطبلون + وغيرها )
لو نعدد مواصفات الكابرس ماخلصنا لان اصحاب الكوابرس مايعرفونها من كثرتها
طبعا الاكورد ماتقارن مع الكابرس بالرساوه ولا الراحه ابد
--------------------
طبعا لاننسا الالتيما ولا السوناتا مايحتاج مقارنه يكفي اسعارها رخيصه ومواصفاتها عاليه
قبل كانت الجيوب معروفه باسعارها الغاليه الحين الاكورد صارت اغلى منها
مثل الفورتشينر والاف جي والشاص وغيرها من الشركات الثانيه
--------------------------
يعني معقوله الاكورد بفتحه وجنوط 16 تكون تقريبا بــ 100
نصيحه للشباب اشتر لك اكورد 2010 بسعر يابلاش
والصدام راح نقول وكاله 1000 ريال ( طبعا ارخص وبكثير )
والشبك للاكورد 2011 راح ينزل باسعار 200- 300 تقريبا وانتها الموضوع

ملاحظه الاكورد 2008 اول مانزلت كان الفل بــ 92
الحين 2011 بــ 120 تقريبا
مافيه اي سياره بالعالم حتى اللكزس مازاد سعرها 40 الف خلال 4 سنوات
حتى مع تغير شكلها
يعني سرقه عيني عينك في نهايه الموضوع اقولكم انا مو ضد الاكورد انا ضد الاسعار الغاليه والمبالغ فيها مقارنه بالسيارت الثانيه