استفسار بخصوص اللوحات الطويلة

**عـويـس** · 26-10-2010, 03:13 PM

السلام عليكم

كيف حالكم اخواني ان شاء الله بخير

حبيت اسال عن اللوحاات الطويلة كيف طريقتها

لاني رحت اليوم للتموين اللي بعليشة وقال مو عندنا بالفروع الثانية

عاد قهرني وانا اشوف ناس تطلع من عنده ومعهم لوحاات طويلة حسيت انه صرفني

ياليت تفيدوني

**اكورد9919** · 26-10-2010, 03:37 PM

وعليكم السلام انا من سنه طلعتها من مرور الناصريه ونفس الكلام رحت لعليشه وقالو رح للناصريه ماادري عن نظامهم الحين
انشاء الله افدتك

**M O 7 A L** · 26-10-2010, 03:40 PM

إللي أعرفه فقط, الإجرائات والمطلوب منك
إستمارة السيارة + نموذج من عندهم تعبيه
قيمة اللوحة الوحدة فقط! = 50 ريال سعودي

تقدم الورقة, وتأخذ معك أسبوعين على ما أظن
تراجعهم ومعك اللوحات القديمة والإستمارة

سلم وإستلم (: ..

بخصوص إنه صرفك, خذها قاعدة!!! بالدوائر الحكومية
لا تطلع إلا وأنت سائل 100 واحد .. مو واحد بس (:

بعضهم يفتي لك من راسه, ليه؟ ما أدري :s بالتوفيييق ..

**henry السعودي** · 26-10-2010, 03:42 PM

وعليكم السلام
شوف اخوي ،عن نفسي انا مطلعها من مرور الخرج وبقولك كيف:
اول شئ تدفع رسم اعادة اصدار لوحة في الصرافة وثم تروح للمرور وتطلب منهم اللوحات الطويلة واكيد تقول له لوحتين وهو راح يتأكد من تسديدك وراح يعطيك موعد في يوم ثاني للاستلام.
:d

**فـــيـــصـــل..607..** · 26-10-2010, 04:38 PM

انا رحت المرور وسويت كل شي يوم جيتهم بعد اسبوعين اكتشفت إني مسدد مية ريال لعملية ثانيه إضهار إني سدد اعادة تصدير مركبه :d
وش دخلها ما ادري عاد لقيت عند رقم لوحتي بالمرور بدون رصيـد

وانا إلي اطلع متحلطم من عندهم :(

عاد انتبه لا تصير معك

<<<<ليه دلخ مثلك

**fofo-10** · 26-10-2010, 04:38 PM

ياشباب مين يصدق طالب لوحات طوال من يوم 27/8 والى الان مااستلمتها

**maaas** · 26-10-2010, 04:46 PM

ياشباب مين يصدق طالب لوحات طوال من يوم 27/8 والى الان مااستلمتها

طيب راجعهم وشف وش صآر ,, :d
طيب شبآب واللي عليه مخالفات لازم يسددهآ ؟ :p

**fofo-10** · 26-10-2010, 06:29 PM

المشاركة الأصلية كتبت بواسطة maaas

طيب راجعهم وشف وش صآر ,, :d
طيب شبآب واللي عليه مخالفات لازم يسددهآ ؟ :p

يوميا وانا عندهم كل ماجيت من الدوام امر عليهم قلت لهم ماباقي الا اجيب فراش ومخدة وانام عندك هههههههه

**AboOoSh** · 26-10-2010, 05:24 PM

يالغالي انا مطلعها من مرور الملز كنت اجدد استمارت الوالد وبنفس الوقت قلت للموظف ابي لوحات طوال قالي عب النموذج الي اهو اصدار لوحات بدل تلف
ودفعت الرسوم 100 ريال بعد اسبوع استلمتها مع لوحات الوالد

**النمر الاسود** · 26-10-2010, 08:30 PM

السلام عليكم
اخواني انا مااعرفت له كل واحد يقول كلام تقول حنا هنود العسكر كل واحد يصرف من راااسه
رحت مرور الفحص بجدد وطلع لوحه طويله قااالوا بفلوس اللوحه
رحت مرور القطيف قاالي اللوحه الطويله مجانا اذا اصدرتها مع التجديد

طيب ماادفع 100 قال لا اذا غيرت رقم اللوحه حقك راح تدفع 100
والحين جتني مجانا
لاني طاالب رقم السياره القديم نفسه وهذا حق من حقوقك وللاسف الدوائر الثانيه ماتعترف فيه
لا يلعبون عليك الموظيفي احس انه مااعندهم ذمه

**AboOoSh** · 26-10-2010, 09:30 PM

المشاركة الأصلية كتبت بواسطة النمر الاسود

السلام عليكم
اخواني انا مااعرفت له كل واحد يقول كلام تقول حنا هنود العسكر كل واحد يصرف من راااسه
رحت مرور الفحص بجدد وطلع لوحه طويله قااالوا بفلوس اللوحه
رحت مرور القطيف قاالي اللوحه الطويله مجانا اذا اصدرتها مع التجديد

طيب ماادفع 100 قال لا اذا غيرت رقم اللوحه حقك راح تدفع 100
والحين جتني مجانا
لاني طاالب رقم السياره القديم نفسه وهذا حق من حقوقك وللاسف الدوائر الثانيه ماتعترف فيه
لا يلعبون عليك الموظيفي احس انه مااعندهم ذمه

مع التجديد عادي ماتدفع الا رسوم التجديد بس اللوح من من ضمن رسوم التجديد
انا مرتين مجدد سيارة الوالد
اول مره طلبت نفس الووحه وحده طويله ووحده مربعه اضافو لها الصفر
ولمن جددتها مره ثانيه نفس الحكايه طلبت نفس اللوحه وطلبت الغاء الصفر ونفس الشي لوحه طويله ولوحه مربعه
ما خذو رسوم عليها

اما في حالت انك تبي تستبدل اللوحات من مربعه الى طويله او العكس مالك الاحلين يا تصبر الى التجديد او تسوي بدل تالف ودفهع 100 ريال

تحياتي .

**عـويـس** · 26-10-2010, 11:29 PM

الله يعطيكم العافية اخواني

الله يعين شكلي بكرا بروح مرور الملز

**لو بكيت** · 26-10-2010, 11:45 PM

النظـام الجديـد تستلمهـا بعـد يوميـن بـدلا من 15 يوم<<<صـدر التعميـم يـوم الاحـد المـوافـق 16 / 11 / 1431هـ
المطلوب : صورة الاستمارة + صورة الفحص + صورة التأمين + دفع الرسوم وتعبئة النموذج

**Silver Aurion** · 27-10-2010, 12:16 AM

^^^^

من جدك :(

لازم صورة فحص ؟!

انا مجدد الاستمارة بس بدون فحص << محد قالك تصير كسول 3 سنوات كل يوم تقول طلع لوحات طوال بس مفحالي خخخخ :d

**عـويـس** · 27-10-2010, 01:10 AM

اخوي لو بكيت الله يبشرك بالخير

طيب انا سيارتي جديدة 2011

لازم فحص ؟

ولا بس صورة الاستمارة والتآمين

واي مرور اروح الله يجزاك خير :d

**Silver Aurion** · 27-10-2010, 01:43 AM

^^^

لا ما يحتاج ابدا لان السيارة جديدة و مفحوصة فحصة شد بلد :d

**SWAT** · 27-10-2010, 03:15 AM

مايحتاج فحص

**فلم جامد** · 27-10-2010, 03:27 AM

يبوية روح بنفسك للمرور واطلب منهمام تغيير لوحات يدفعوك 100 ويقولولك تعال بعد اسبوعين وسمعت انها تخلص على طول كمان في الرياض
وتعطيهم اللوح القديمة

**أكـورد 2009** · 27-10-2010, 10:20 AM

اخوي الغالي لوب كيت واللي في الشرقية يطلعونها له بعد يومين بعد والا ؟

لأني مقدم عليها انا وصار لي يومين للحين ما ادري طلعت والا

**TB6Y** · 27-10-2010, 12:50 PM

اخوي انا رحت لمرور عليشه وقالو لي رح لمرور الناصريه ,
ورحت لناصريه ودفعت 100 وقالو لي تستلمها بعد اسبوع

**لو بكيت** · 27-10-2010, 02:58 PM

أبو فهد بالنسبة للسيارات الجديدة 2010 و 2011 لا تحتاج إلى فحص
انا اتكلم عن الرياض فقط ما ادري عن باقي المناطق الثانية
وتقدر تروح لمرور الناصرية وتقدم الطلب وبعد يومين تستلم لوحاتك