صوت عند تشغيل السيارة الصباح

**DoNeT** · 29-10-2010, 12:41 PM

اخواني السلام عليكم :d

الظاهر سيارتي فيها جني شكلي بقراء عليها هههههههه

كل صباح اول ما ادق السلف واشغل السيارة اسمع صوت قررررر قرررررررر مره وحده

<< توصيف حلو

بعدها يختفي الصووووت طول اليوم إلين اليوم الثاني الصبااااااح هبلت فيني شكل فيها جني او صابتها عين

علماً اني غيرت لي الدركسون بالوكالة مجاناً لان فيه عيب مصنعي ،،، وبس شوكراً ^_^

**هاي الشرقية** · 29-10-2010, 01:19 PM

اخوي نفس الصوت عندي وبعدين راح يزيد معاك اذا برد الجو زيادة بس مااداري شنو الحل

**ابو موده** · 29-10-2010, 01:21 PM

الصوت هذا عندي تقول صوت هلل ويختفي مايطول ومطنشه

**mmm800** · 29-10-2010, 01:31 PM

نفس الشي عندي بس هالصوت لما تكون المكينة باردة والزيت في القاع وتبدا تسخن السيارة يروح الصوت واعتقد انه طبيعي ..

**DoNeT** · 29-10-2010, 02:01 PM

اشكركم اخواني عالردود واتمنا من الخبراء مساعدتنا لان بصراحه اطلعت هالاصوات عند اغلب الاخوان

لازم نعرف وش سببها ماندري الله يستر لايكون مشكلة تكون خطيره على مكينة السيارة ،،،

اتمنا من الخبراء التدخل والمساعده

**GO AHEAD** · 29-10-2010, 03:42 PM

بالله سجلوا معاكم واحد نفر سيم سيم مشكلة

**G T O** · 29-10-2010, 04:41 PM

وانا بعد نفس المشكله ورافع ضغطي بالمرررره

تقريبا رحت للوكاله ثلاث مراات اوقفها عندهم في الليل علشان الصوت يطلع بس للاسف مايطلع

قالى المهندس لازم اسمع الصوت بس نافيه فايده وانا صراحه خايف اخليه ويصير شي

اتمني من الاخوان معرفه مصدر هالصوت ’’’’

ولكم جزيل الشكر ..........

**احمد 182** · 29-10-2010, 04:43 PM

انا احيانا يطلع عندي بس على ما اظن انه عادي مو مشكله <<<خلها تاخذ راحتها اطلع الصوت الي تبيه...

**DoNeT** · 29-10-2010, 05:06 PM

شكل كل ملاك اكورد يعانون من هالمشكلة مشاءلله اصدقائي طلعتم مثلي وأنا احس اني الوحيد اللي في سيارتي جني ههههههه

اجل خلونا نروح اقرب شيخ يقرا على سيارتنا وعلينا ،،،،،،،، يمكن يروح الصوت والغريب انه مايطلع غير كل صبح ومره وحده

شي يثبت لي ان السيارة مسكووونه ،،،،، ^_^

**accord-2006** · 29-10-2010, 06:09 PM

وعليكم السلام ورحمة الله وبركاته
يعطيكم العافيه ياشباب
اناعندي نفس الصوت
اعتقد ان المشكلة بسيطة جدا جدا
وهذا احتمال يكون وزن بلوف
والله اعلم
واللي عنده خبره اكيد راح يفيدنا ان شاء الله

**dr . riyadh** · 29-10-2010, 07:34 PM

سجل واحد نفر سيم سيم مشكلة
بس اتوقع ان الصوت يروح عند تغيير الزيت جربت كذا مره

**عزوز مكه** · 29-10-2010, 08:09 PM

وانا بعد سيم سيم

نفس المشكله

بس لا تعليق

دوس

**متصفح** · 29-10-2010, 09:14 PM

في صوت يظهر في الطبلون وانت تشغل السياره مثل الماس الكهربائي تقريبا (زززز)

لمدة ثانيه ويروح ويظهر بشكل اوضح في الموديلات الجديدة

هذا يظهر اذا يدك بطيئه في تشغيل السياره ... ماتعتبر مشكله وحلها بسيط

شغل السياره بشكل اسرع وماتسمع الصوت

اذا تقصدوا مشكله غيرها الله اعلم

**Ëńġ․ℱάίśάℒ** · 29-10-2010, 10:14 PM

سجل واحد نفر كمان

**accord790** · 29-10-2010, 10:20 PM

طيب يا شباب اذا كنتوا تستخدمون بنزين 91
حولوا الى بنزين 95

وهذا الصوت اتوقع نهايته وزن بلوف ويختفي

**S A M I** · 29-10-2010, 10:47 PM

ياشباب الصوت هذا طبيعي .. في اغلب السيارات ..
يجي فترة البرد بس .. وتعرفوا الحين الجو الصباح يعتبر شوي بارد خصوصا على الساعة 6 الصبح ..

اذكر انه قبل سنه جاني مثل هالصوت ورحت لواحد وقلي انه من البطاريه عشان الجو بارد ..

في الاخير الشي هذا طبيعي وفي الصيف مايجي ابد ..

.
.
.

..

**السعن** · 29-10-2010, 11:24 PM

المشاركة الأصلية كتبت بواسطة accord790

طيب يا شباب اذا كنتوا تستخدمون بنزين 91
حولوا الى بنزين 95

وهذا الصوت اتوقع نهايته وزن بلوف ويختفي

والله حتى انا عندي نفس المشكله >>>

مع اني غيرت البنزين 95 قبل ثلاث شهور وباقي نفس المشكله

**بلال العلمي** · 30-10-2010, 12:35 AM

صوت ترررررررررر على الصباح هذا صوت يجي من طرمبة زيت الدركسون وهي تسوي كذا اذا كان الزيت بارد وبعد مرور وسخونة الزيت عليه يختفي بدون مشكلة وهذا ما يسبب شي وسيارتي موجود فيها الصوت ولا تخافون باذن الله

لكن للملاحظة

1- لا تعبي زيت دركسون الا من زيوت هوندا الاصلية الصفرا

2- لا تلف الدركسون كامل لاي جهة لفه بالشكل اللي يسوي المطلوب منه ولا تلفه كامل الى اخره

للمعلومية حتى في الدول الاخرى يعانون من نفس المشكلة وللي يعرف انجليزي تقدر تشوف الردود

2008 Honda Accord grinding noise from engine with cold temp startup | CarComplaints.com

شوفوا الرد رقم 10

واذا صار استدعاء في امريكا فالوكيل هنا ما راح يقصر في جمع الريبورتات مع انه حتى في امريكا الوكلاء يتحاشون البت في موضوع المشكلة هذه

**bjsibai** · 31-10-2010, 09:09 AM

انا والله عندي صوت كمان ... بس الصوت .. تشششش تشششش تش تش تششش ويروح بعدين

**جاكي2** · 31-10-2010, 07:09 PM

حتى انا عندي هذا الصوت توه طالع كرررررررر وينتهي وفي البرد فقط لاغير
طبعا التشغيل سلس وما في اي مشكله
بس اتوقع حلها رمانات مكرات السيور
قريبا راح افضالها واشوف ايش هي المشكله

ودمتم سالمين

**DoNeT** · 31-10-2010, 07:58 PM

شباب أنا اكتشفت الصوووت هذا سببه ايش ؟؟ سببه حساس الكرنك وحساس ثاني خاص بتنظيم معدل دورات المحرك

وحساس خاص للزيت البااااارد اثناء وقت الشتاء طبعاً هالكلام كله كلام وكالة خريص بالرياض

والحمدلله اني شيكت لان جنزير المكينه مو موزوون لازم يعمل له وزن ... ادعو ان السيارة تطلع بخير وسلامة ^_^

جداً احب الاكووورد ومستحيل استغني عنها ولا اغيرها ^_^ حتى لو بــ bmw << إذا 2010 يمكن افكر ^_^

**جاكي2** · 31-10-2010, 08:40 PM

طيب يا خوي كم سعر القطع
وكم سعر شغل اليد
والتصليح بالوكاله والا برا
وشكرا

ودمتم سالمين

**HONDA ACCORD 99** · 04-02-2019, 03:56 PM

المشاركة الأصلية كتبت بواسطة متصفح

في صوت يظهر في الطبلون وانت تشغل السياره مثل الماس الكهربائي تقريبا (زززز)

لمدة ثانيه ويروح ويظهر بشكل اوضح في الموديلات الجديدة

هذا يظهر اذا يدك بطيئه في تشغيل السياره ... ماتعتبر مشكله وحلها بسيط

شغل السياره بشكل اسرع وماتسمع الصوت

اذا تقصدوا مشكله غيرها الله اعلم

اي والله عندي نفس الصوت.. اذا جيت اشغلها ببطء يطلعلي هالصوت.. ولا شغلتها ببسرعة ( يعني حركة لف المفتاح سريعة) ما أسمعه..
جزاك الله خير

**محمدm** · 22-06-2019, 05:28 PM

هذا الصوت مازال موجود في سيارتي القديمة 2008. وسالت راعي ورشه التعامل معه قال هذا صوت الجنزير حق المكينه لانه ناشف من الزيت فأول ما تشتغل لازم للصوت هذا بعدها عادي يزيت حاله بحاله ... لانها ماتجي الا إذا طولت السيارة بالوقفه ويقول عادي ماعليها ضرر ...وانا شخصيا اقول ان هذي بسبب الزمن و الكربون الي عالق ع الجنزير من الزيت فينشف الزيت منه إذا وقفته اكثر من 12 ساعه تقريبا هذا والله اعلم