الموضوع: مشكله النفضه

المشاركة الأصلية كتبت بواسطة accord7

رحت لا كثر من ورشه تقول الكراسي سليمه

والوكاله تقول ممكن من الكراسي

شوف ياعزيزي اختصر لك اللي صار قبل كم يوم

واحد من الشباب عنده bmw طبعآ موديل 1997 نظيف ماشاء الله

من اهماله له مع الوقت طلعت رجه وزادت بشكل رهيب وهو واقف ترج السيارة والريس يلعب بشكل خفيف غير ملحوظ

طبعآ انا قلت له والله شكلها كراسي مكينة بحكم انه مابدل لها كراسي من يوم طلعها الناغي على ارض السعودية

وديناها لورشة معروفة بالالماني وبعد الكشف طلع هوز هواء مقطوع وللأسف ماهو موجود في الوكالة واللي حصل سوى له تلحيم بخلطة وضبط وصار الموتر صافي مافي احلى منه

في الهوندا السبب الرئيسي للرجه هو الكراسي للماكينة وبعدها القير

اذا انت متأكد منها 100% انها سليمة كلها معناها اما هوز هواء عندك تعبان ويمكن فيه شقوق صغيرة ماتدري عنها او علبة الهواء مش مركبة تمام ولا الثروتل بدي

واذا مش متأكد من الكراسي فيمكن منها او واحد منها مسبب الرجه

وللعلم ترى بعض الورش ولا الكهربائيين مايركبون البواجي مضبوط ومن خبره اقولك اي ضربه خفيفه لراس البوجي خلاص انتهى امره ويصير الموتر مش صافي ويرج معك وصارت لي كثير قبل 10 سنوات اركب بواجي ويضرب راس البوجي في الماكينة وبعد التشغيل في رجة خفيفة وتقطيع مع المشي

الاسباب كثيرة لكن حاول تتذكر متى طلعت الرجه وبعد ايش ؟؟ هل طلعت بعد تبديل البواجي

هل طلعت بعد تبديل فلتر الهواء الخ

كل ماعندي من معلومات قلتها وعاد اذا مافي فايده بدل كراسي دام انك شاك فيها وريح راسك اما تضبط ولا شوف وش السبب

وسؤال : متى بدلت كراسي الماكينة آخر مرة ؟