تغسيل السياره بستم كامله

**ahmad353** · 15-11-2010, 06:49 AM

سلام عليكم ورحمة الله وبركات
صباح الخير ..
يوم مبارك على جميع المسلمين (عرفه يوم مغفرة الذنوب والعتق من النيران.)
نسأل الله أن يعتق رقابنا من النار.

هل يوجد مشكله في تغسيل السياره بستم كامله؟
افيدوني ..
:d

**Accord_2005** · 15-11-2010, 07:16 AM

هلا فيك يالغالي

والله على كلام أحد الاعضاء يقول غسيل البستم إذا كان بالديزل فهو يضر لأنه يخلي الليات يلي بالكبوت تصير يابسه ومع الوقت تتكسر وقال لي الافضل غسيل البستم إنه يكون بالمويه و الصابون يطلبه الزبون من المغسلة ويسوونه له افضل له من الديزل ولا لا يغسل

و أتمنى إني افدتك وانا عن نفسي إلى يومك هذا ما غسلت السيارة غسيل بستم و الموتر ما شاء الله تبارك الله ماشي معي

وسلامتك ،،،

**ahmad353** · 15-11-2010, 10:14 AM

الف شكر على مرورك
بس ماله ضرر على الكبيوتر السياره

**just 4 u** · 15-11-2010, 12:19 PM

تم منع مراكز غسيل السيارات من غسيل البستم ( ديزل ) لأن أضراره كثيرة لكن البعض مخالف
ونصيحة لك .. لا تغسل إلا عادي وابعد نفسك على المشاكل

**هاي الشرقية** · 15-11-2010, 12:27 PM

والله ياخوي انا ماانصحك انا مرة غسلت سيارتي الي اهي اكورد 2004 وصراحة من بعد الغسيل ماشافت خير الحساسات انعدمت وخسرت اكثر من ثمانمية ريال لان الموية دش بداخلها ومنها حساس منظم الهواء خليها غسيل عادي

**accordyon** · 15-11-2010, 06:48 PM

الشي اذا زاد عن حده انقلب ضده
يعني اذا بتغسل بستم مره وحدة في السنة طبعاً بماي ويفضل صابون فقط
ماعتقد يضر وابعد عن الديزل والزيت الي ينرش تحت السيارة
سيارتي اغسلها بعد مايجي المطر ويخلص كل سنة ولله الحمد ماشتكيت من شي ابد
،،،،
وبعدين شركة هوندا مو غبية لهدرجة الي تخلي السيارة تتضرر من ماء

**بلال العلمي** · 15-11-2010, 07:15 PM

غسيل البستم ما يضر ولو تقرأ الكتالوج تلقى فيه الكلام هذا لكن فقط ماء وصابون لكن لا تكثر من الرفع يعني مرة واحدة في الشهر تكفي ان شاء الله

لاحظت ان الاكورد فيها عيب لما ترفعها كثير يخرب معك المساعدات بانها تصلب تماما ولا يبان عليها تهريب ولا شي لكن تصلب وكانك راكب وانيت لكن بأتأكد من الموضوع هذا باذن الله

**فـــيـــصـــل..607..** · 15-11-2010, 07:58 PM

طيب الحين البستم هو إنك ترفع السياره وتغسل لها من تحت :d

لكن وش يسمى إلي افتح الكبوت واخليه يرش صابون على المكينـه وبعدها مويـه

زي كذاا

**abdelslam** · 15-11-2010, 10:30 PM

^

بست :d

طيب لمع المكينه وشوله تغسلها انا خابر ان المكينه تتلمع وتصير كانها جديده

الغسيل ماينظف زين وحتى تغبر بسرعه

انا انصحك بما ان المطر والغبار جاي خلي الغسيل او التلميع بعد الشتاء

وموفقين ان شاء الله ..

**بلال العلمي** · 16-11-2010, 02:43 AM

لا يوجد مشكلة في غسل السيارة بستم ومن الاسفل والسيارة كلها عوازل في عوازل وما يدخل موية في الاجزاء الحساسة الا في حال تم فتحها ولم يتم تركيبها جيدا

**بلال العلمي** · 16-11-2010, 03:09 AM

للمعلومية يجب استخدام الماء والصابون فقط والابتعاد عن الديزل تماما

وللمعلومية الكل يظن ان محلات التلميع لا تستخدم الديزل في تلميع المكينة بل اغلب محلات التلميع يستخدمون الديزل لتلميع المكينة واجزاء المحرك لذلك لا تظنون ان كل محلات التلميع امنة

ماء وصابون في المحرك واسفل السيارة مرة كل شهر فقط تكفي ان شاء الله