سلام عليكم,
إختصاراً للموضوع
تعرف ورشة متخصصة بـ قير الأكورد وبالذات 2001؟
سواءً في:
صناعية النسيم
صناعية الخليج
الصناعية القديمة
أو أي ورشة (جهنّمية)
بـ شرق الرياض أولاً
أو شمال الرياض ثانياً!
إيه صح! على طاري شمال الرياض
في مربع خاص بـ صناعية أم الحمام لـ ورش هوندا
تعرفون أحد هناك؟ شغله مضمون؟ يصلح بـ ذمة وضمير بدون لعب :p؟
الموضوع واضح ;)
أنتظر الردود بارك الله فيكم, برب
يُرفع لأهميته !
والله اختصاص قيوم ما مر علي
لكن في ورش اعرفها بالصناعيه القديمه يمدحونها
مثل ورشة الجنوب ( اذا تعديت اشارة السالم بجيك جسر مشاه لف من عنده يمين بتجيك الورشه على يدك اليسار ) ورشه كبيره
ورشة الرياض ( بعد اشارة السالم امش الين يجيك محل فرسان للسياحه - هو على لفه - ادخل منها يمين وامش اليييين يجيك مسجد على اليمين .. بعد المسجد خل عين تطالع يسار وعين تطالع قدام عشان الطريق وبتجيك على اليسار ورشة الرياض ) هي تقريباً قبل لا يتسكر عليك الشارع يعني على نهايته
فيه ورشة متخصصه في الهوندا والكثير يعرفونها اللي هي ورشة رقم 20 في صناعية ام الحمام والمشرف عليها اسمه تحسين سوداني انا ماقد جيتها لاكن الكل يمدح فيها بس ماادري اذا يصلحون القير ولالا ولوتبحث في المنتدى بتلاقي رقم جوال للورشة اتصل واستفسر.
المشاركة الأصلية كتبت بواسطة FARES__KSA
أنا مابي قيوم :p أبي قيور < OUT !
عموماً لو توصف لي من أول ما أدخل من مخرج 17
جاي من الشمال
أكون لك شاكراً صراحة :d
مدري ليه أرتاح لصناعية أم الحمام أكثر من الصناعية القديمة
يمكن عشان مجمع بن علي حق الهوندا
عموماً بالغالب أنا بروح هناك ! لكن بالضبط بروح لمن ؟
ما أدري
طيب ما قلت لي أبحث بإسم من
تحسين :p:d؟
يعطيكم العافية : ) + نتقبل مزيد من الآراء والنصائح
يُرفع لمزيد من الإفادات
: )
تم بحمد الله
رَميِها (أي جَدعَها)
في صناعية أم الحمام - ورشة 20 ( حقت تحسين :d )
سنوافيكم بالجديد حال الرّد من قِبل تحسين بييه !
اهم شي لاتنسى توافينا بالجديد بس ماعلمتنا بحثت باسم تحسين ولا مين :d
أبو مهند حيّاك ..
إي نعم سويت بحث
و كثيرة الردود صراحة إللي يمدحون فيه : )
كلمنا اليوم المغرب تحسين
وقال يبيلها تغيير قير .. قيركم ذا ما عاد ينفع
التكلفة : 1800 ر.س فقط لا غير
إفاداتكم ياحلوين : )
أهل الرياض ادرا بشعبها كان ودي افيدك وان شاء الله الاعضاء مارح يقصرون معك:o
حيا الله عبد الله : )
فيك الخير إن شاء الله يَ حلو
--
تحديث:
2000 ر.س فقط لا غير
قيمة تغيير قير من التشليح (إستعمال ياباني على كلامه)
زيت قير + صُوَفْ (صوفات) + شغل اليد
ضمان شهرين ع القير
رأيكم يا جماعة الخيير ؟
السعر معقول؟ مبالغ فيه؟
ننتظر كل إفاداتكم
رايي تروح للتشليح وتشوف كم اسعاره وتقارن فيه محلات تشليح في الصناعية القديمة شف كم الفرق وبرضوه شف اذا ينفع توظب القير كم تكلف القطع الاصلية لان من رايي التوضيب بقطع اصلية افضل بالتوفيق .
حياك أبو مهند
حبيبي مع هالدراسة والزحمات متى تروح للتشليح؟
هو يقولي التوضيب بـ يكلفك كثيير فوق الـ 2000 وأكثر
قال أغيره لك أحسن : )
** ومضة
س/ سير المكينة, كم سعره؟
ضوابط المشاركة
رد مع اقتباس
مواقع النشر (المفضلة)