الموضوع: استفسار عن Accord V6

و عليكم السلام ورحمه الله ..

اخي انا عندي الاكورد v6 صار لها اكثــر من ثمانه شهور لا إله الا لله .. ماشاء الله ماشاء الله ... ابدل بس زيت و اعبي بنزين حتى ماء الرديتر ابغى ابدله يقولوا ما يحتاج ...

شريتها مستعمله ماشيه 70 ألف وتوها قبل شهر واصله 100 ألف

لما شريتها توايرها جديده ما بدلت فيها شي .. لحد يومك على حطه ايدها من شريتها حتى قماشات ( بريكات ) مابدلت

اللهم الحين من بدأ البرد لما اشغل السياره تطلع صوت من علبه الباور لما احرك الدركسون هدا في وقت الفجر .. لما تسخن واتحرك يختفي الصوت واوقات الظهر ما تطلع الاصوات

رحت ورشه قالي هدا نوعيه زيت الباور بدله وشوف لك واحد كويس و حياتك حلوه ..

انا اقولك اخد الهوندا ولا تبالي ... نصيحه مجرب ثلاثه اجيال من الهوندا

المشاركة الأصلية كتبت بواسطة Accord V6 Cup

و عليكم السلام ورحمه الله ..

اخي انا عندي الاكورد v6 صار لها اكثــر من ثمانه شهور لا إله الا لله .. ماشاء الله ماشاء الله ... ابدل بس زيت و اعبي بنزين حتى ماء الرديتر ابغى ابدله يقولوا ما يحتاج ...

شريتها مستعمله ماشيه 70 ألف وتوها قبل شهر واصله 100 ألف

لما شريتها توايرها جديده ما بدلت فيها شي .. لحد يومك على حطه ايدها من شريتها حتى قماشات ( بريكات ) مابدلت

اللهم الحين من بدأ البرد لما اشغل السياره تطلع صوت من علبه الباور لما احرك الدركسون هدا في وقت الفجر .. لما تسخن واتحرك يختفي الصوت واوقات الظهر ما تطلع الاصوات

رحت ورشه قالي هدا نوعيه زيت الباور بدله وشوف لك واحد كويس و حياتك حلوه ..

انا اقولك اخد الهوندا ولا تبالي ... نصيحه مجرب ثلاثه اجيال من الهوندا

الله يبارك فيك يا Accord V6 Cup

هذا الكلام السنع لأنه فيه ناس خوفتني من الأكورد 6 سلندر يقولون تخرب و ما تعيش و كلام ماله نهاية ,,

لكن بما انك مجرب و الله يبارك لك في سيارتك و بما اني ما أعرف نهائيا أي شخص معاه مثل هالسيارة

حبيت أسأل الناس المجربة و أقنع نفسي و مالي و مال كلام الناس ...

طيب حبيت أسألك كيف أسعارها في السوق ؟؟

اخوي هرجة ان الناس تقول وتقول هذي سياره ما تصلح خراباتها كثيره هذا يدل على ان اللي يشتكي منها غشيم بالعربي يعني يجيك واحد لا يحمي السياره وهي بارده وما يغير الزيت الا بعد سته شهور ولا اربعه لدرجة ان واحد اعرفه والله ما يعرف شيء اسمه سيفون كذا ماشي على الله وبالله فالأهتمام يعطيك شيء مضبوط اما الإستهتار نهايته خرابات والهوندا معروفه بجودتها

الأسعار يا طويل العمر للنظيف بالمعارض تحصله من 50 لـ 56 على حسب اللون ونظافة السياره ونصيحه لك لا تاخذ سياره الا وكل تشيكاتها بالوكاله او التشييكات الرئيسيه 20-40-60-80

اتمنالك التوفيق

وعليكم السلام

انا الي اسمعه ان موديل 2007 افضل من 2006 لانه مليان عيوب وخرابات

الله يسلمك عزيزي واحنا حاضرين ...

اسعارهم مثل ما قال اخوي Accord F15 بالزبط تقول كانه راعي المعرض الي قلب استماره سيارتي خخخ انا شريتها بـ 56 بالضبط

الموتر نظيف بس اللهم فيها نتفه خفيفه في الشنطه لزوم المستعمل .. شي خفيف حتى مابغى ارش الموتر بسببه لانها بويه شد بلد ...

الي شدني لها ان فيها بلو توث من وكالتها و كشافات و حساسات خلفيه وكاله ... طبعا سيارتي من وكالة الامارات و شاريها من طرف واحد معرفه بس ما ابخصت الموتر سعره يستاهل بصراحه

وهذي اسعارهم في السوق ..

بس على فكرة عشان لا تقول ان غشيناك اخي .. الاكورد السته سلندر 2007 او 2006 فيهم رجه لما تمسك بريك جامد شوي ...

البعض يقول عيب مصنعي .. سيارتي و سيارة صاحبي فيهم هالشي .. متفقين عليه ... انا عن نفسي كل شهر .. مع نزلة الراتب ابدل زيت للسياره .. و ارصص الكفرات .. و الرجه ماحس فيــــها ابدا... تختفي

والترصيص بعشره ريال ..


هدا الي اشوفه منها صراحه والا هي سياره محترمه

بالنسبه الى كلام HSN اخوي والله انا اعرف واحد عنده 2005 فاضخها في ثلاث حوادث و مصلحها وماشيه وياه زي الحلاوه ...

واحد ثاني عنده 2006 فاكها وكاله صيانه دوريه ومعتني فيها لحد يومك مافك الكبوت وقال باشوف فيها صووت اسهل ماعليه يوديها الوكاله والي تتبدل اشياء استهلاكيه بحته

الأن بتكمل له 5 سنوات والموتر اسمه وكاله والله انا كنت بشتريه .. بس اربعه سلندر ماحبيته خخخخ الي يسوق السته سلندر مايرجع للأربعه

تحيــه

الاكورد مافي مثلها بس يبيلك تدفع للبريكات لانها استهلاكيه انت وظميرك بالدوس
تقبل مرورى

ياخوي ما أقدر أفيدك لأني أبو 4 سلندر
والحمد لله لم ولن أندم على شرائها أبدا
:d:d:d
لكن صدقني وزي ماقالوا الشباب إنه أي سيارة
تروح وترجع مشاكلها على السائق و إهتمامه
بسيارته , و ربنا يكتب لك اللي فيه الخير

على فكرة . . بما أنك بغيت تغير موترك
من الكامري للهنادي فتأكد بأنك في الطريق الصحيح

تحياتي

والله ياخوي انا مثلك نفسي بستة سلندر 2010 عليه عرض ب 113 بس متردد وخايف, بس شكلها خاربه خاربه بطقها ان شاء الله بعد ثلاث ايام بالكثير ويالله توفيقك.