الموضوع: حذفه...

السلام عليكم

كيف الحال

اخواني انا عندي حذفه شبه قويه مدري وش المشكله منه والسياره ماشيه 35

هل ممكن تكون المشكله من الكفرات ؟؟ لانه رايحه فيها وقديمه

السياره لا بها صدمات ولا شي وشكرا

اتوقع من الكفرات وزياده على كذا شيك على الازرعه يبي لها وزن او لا

كلام ل م س منطقي وانا ارجح الاذرعة (يبيلها وزن )...والله يعينك

ميزان أذرعة وتنتهي المشكلة

اذا انت بالرياض روح ميزان العضيب

أبو هليل ..
خلنا نأخذ الموضوع تدريجياً ..

• هل سيارتك راكب عليها جنوط تـجارية ؟
• أكلت فيها مطبات أو حفر قوية ؟

إذا كانت الجنوط تجارية فحاول تسوي تدوير للكفرات الأربع يعني تغير المواقع
الأمامية بالخلفية على شكل X وهذي طريقة مجربة مع أخونا الأنس وجابت نتيجة ..

إذا أنت متأكد من مطبات قوية أكلتها فالموضوع يحتاج لسحب ماهو وزن لأن الميزان الإلكتروني
ماراح يحل لك المشكلة يأخذ الفلوس على الفاضي .. يعني يلزم لك / العضيب - المجد - اليرموك
هذي مراكز كبيرة وكلها في الصناعية القديمة لكن انتبه من الأسعار
ومر عليهم واحد واحد وسعرّ اللي تبي وخله يكشف لك وش تحتاج قبل لا يشتغل لك

وإذا أنت شايف إن الكفرات مافيها عمر ( منتهية ) فممكن تكون السبب ..
طبعاً انت ابدأ بالموضوع من البداية شيك على الهواء في الكفرات وآخر العلاج الكي

المشاركة الأصلية كتبت بواسطة just 4 u

أبو هليل ..

خلنا نأخذ الموضوع تدريجياً ..

• هل سيارتك راكب عليها جنوط تـجارية ؟
• أكلت فيها مطبات أو حفر قوية ؟

إذا كانت الجنوط تجارية فحاول تسوي تدوير للكفرات الأربع يعني تغير المواقع
الأمامية بالخلفية على شكل X وهذي طريقة مجربة مع أخونا الأنس وجابت نتيجة ..

إذا أنت متأكد من مطبات قوية أكلتها فالموضوع يحتاج لسحب ماهو وزن لأن الميزان الإلكتروني
ماراح يحل لك المشكلة يأخذ الفلوس على الفاضي .. يعني يلزم لك / العضيب - المجد - اليرموك
هذي مراكز كبيرة وكلها في الصناعية القديمة لكن انتبه من الأسعار
ومر عليهم واحد واحد وسعرّ اللي تبي وخله يكشف لك وش تحتاج قبل لا يشتغل لك

وإذا أنت شايف إن الكفرات مافيها عمر ( منتهية ) فممكن تكون السبب ..

طبعاً انت ابدأ بالموضوع من البداية شيك على الهواء في الكفرات وآخر العلاج الكي

أبو هليل ما عندي اكثر من اللي قالوه الأعضاء إلا شي واحد وهو انك تشوفلك واحد من اخوياك
خذ كفراته وجنوطه وركبها وجرب

لاني صارلي مثل ماصارلك موتري ماجاه صدمه ولا اكلتبه مطب قوي بس كان فيه حذفه والكفرات شويه منتهيه وركبت طقم جديد والحمد لله صارت زي الفل ماعاد تحذف,,,

السلام عليكم ياشباب....
شف يااخوي اذا الحذفه يمين على حد علمي انا انها من الكفرات اما اذا يسار فانه الاذرعه

ابيكم تقولون لي كل المشاكل الي تجي منها الحذفه من كفرات الخ
يعني هل ممكن تكون الحذفه من الجنوط ؟؟ وليش تكون الحذفه من الجنوط اذا كان الجواب نعم ؟

^^^
just 4 u جاوب على اسئلتك و عطاك المفيد

اذا جنوطك تجاريه ممكن تسبب لك حذفه

و اذا انت ماكل مطب او حفره قويه بالجنوط الاصليه ممكن تنعفط و تسبب لك حذفه برضوه

وش الحل مع الجنوط طيب هل لها حل ؟؟ اذا كانت ماكل به مطب او حفر ؟

يا ليت تعطينا خبر بعد حنا ،، بالرياض