الموضوع: تنصحوووني اني اشتري جنووط هوندا اكورد صناعتها صيني

المنتجات الصينية فيها درجات ومنها مايعتبر ممتاز والمسمى صيني درجة أولى

ولكن في حالة الجنوط فمن المهم الأبتعاد كليآ عن كل ماهو تجاري لأنه ممكن يمشي مع ناس وممكن ينكسر عند ناس بفعل الحرارة وسوء التصنيع او صب الجنط يكون فيه خطأ وتكون العواقب وخيمه

اذا كنت راعي خطوط وعلى سرعات عالية فلا أنصحك بالصيني بتاتآ

اما اذا كنت راعي خطوط وسرعتك ماتعدي 120 مثلآ فلا مشكلة مع الصيني بتاتآ لقدرتك على التحكم وقتها لا قدر الله وحصل شي للجنط

تذكر .. بعض الجنوط وقت البنشر على الخطوط ينكسر ويحصل انقلاب للسيارة وهذا اكيد كلنا مانبيه ففكر مرتين قبل التركيب بما يناسب قيادتك وسيارتك

بالتوفيق لك والله يحفظنا ويحفظكم من كل مكروه

المشاركة الأصلية كتبت بواسطة اكوردتي عشق لا ينتهي

هههههههه
الحمدلله اني طحت في جنط مصبوب كويس والا جبنا العيد
وين الله يرحم امك اثنين صينيين قاعدين قدام بيتهم ويسوون جنوط صح؟؟!!!! واحد يجي مزبوط وواحد محيووس
الله يبارك فيك هذي شركات كبيره تسوي للعالم كله وماشيه زي الحلاوه بس ممكن يكون فيه درجات مادري
اتمني يجي واحد يشتكي من الصيني بجميع درجاته

طيب وانت وش فيك مشتط على الصيني !!!!!

انا ادري انها شركات لكن انت تعتقد التكوين الداخلي للجنوط يقارن بالاصلي وتكوينها الممتاز

وبعدين انا ماتكلمت من راسي عندي موتر قبل مركب عليه جنوط صينية ضربت مطب وانكسرت قطعه من الجنط من الداخل وطارت مع ان الجنط جديد ماكمل 7 شهور واستخدام السيارة خفيف وهذا انا اشتكي من الصيني والله يشهد على كلامي

وانت اذا للحين الله ساتر عليك وماشفت تجارب سيئة خلاص قول الحمدلله واترك النصيحه للمجربين مثلي وغيري وهذا اللي يطلبه راعي الموضوع اراء ناس مجربين مش ركبت وخلاص

مثال

بكل اختصار هل تقارن حديد سابك بحديد من شركات ثانية ؟؟؟؟؟؟؟

ونصيحة حسن اسلوبك في النقاش واسلوب الاستهزاء اللي بديت فيه في ردك ماينفع