الموضوع: تنصحوووني اني اشتري جنووط هوندا اكورد صناعتها صيني

اهلين بك اخوي ..

لا والله ما انصحك تركب جنوط صينيه .. لانها ماتتحمل لا حفر ولا شيء وانت عارف خطوطنا اي مطب او اي حفرة ينطعج الجنط ويسبب لك مشاكل .. افضل شيء تروح للوكااله وتأخذ لك جنوط وانت مرتاح ولا تاخذها الحين بسعر رخيص وتندم بعدين ..

تحياتي ..

خذ الجنوط من الوكالة إلي هي الدفعه الثانية جنط ياباني رقم 2 وأفضل من الصيني بألف مرة وسعرها بالوكالة الأربع بحدود 1600 أو 1700 ونص إلي بالمنتدى هنا مركبينها من أو ما طلعت موديل 2008 يعني حوالي السنتين وماشيه معاهم زي الفل ما تفرقها أبد وحطها في بالك أنها من وكالة هوندا مو كلام وأسأل المجربين وشف وش راح يقولون لك .

اذا جنوطك اسبيشل ؟؟ راسلني على الخاص

تذكر ان الجنط الصيني تتوسع فيه مدخل المسامير وانت مسرع ممكن يروح الجنط عليك مع الكفره وتضرب وتروح انت والسياره غلطة عمر

يعطييييييييييييييييييييييكم العاااافيه

** اللي من الدمام او الخبر يقوولي **

ههههههه
كل واحد منكم يتكلم بدون درايه كامله بالجنط الصيني احسكم مفجوعين من الصيني
انتو على اي اساس تتكلمون على الجنط الصيني بانه سيء
واحد يقول يتوسع واحد يقول ينطعج واحد يقول يطير مع الخط لييه كذا اعتقد انكم تتكلمون من واقع ....!!!!
حبيبي انصحك بنسبة 100% بالجنط الصيني قسم بالله اني اداوم عليه 400 كيلو يوميا وماشي 180 الى 200 وانه من احلى مايكون لا رجه ولا يطير الحمدلله خخخخخ
ومن ناحية الحفر والله ماوفرتها اني اكل حفر اتوقع ان الكفر طاح وهو يزبط مايخرب
والسعر 1050 ريال انت خذه وما بتشوف منه الا كل خير انشالله الجنط يسوي الاصلي وبقوووه كلام مجرب وانا اخووك
بعدين الاصلي اكثر من واحد في المنتدي انكسر عليه في حفره
وبالتوفيق لك

أخي الفاضل الصيني ليس سيء بدرجه كبيره كما يتصور البعض فهناك درجات في الجودة أنت خذ درجه أولي أن شالله بيكون تمام معاك أما بالنسبه كما ذكر البعض أنها تتكسر مع الحفر والمطبات فهذا يحدث مع الأنواع الرديئه من الجنوط الصينيه التي يتراوح سعرها من 500 إلي 800 ريال للطقم .... أما الأنواع الجيده فهي فوق 1200 ريال للطقم ...
بس لازم تعرف أن الجنوط الصينيه مهما كانت جيده فهي تسبب بعض الرجه في الخط علي سرعات عالية حتي لو كنت مرصص ...
و أنكسار الجنوط في المطبات والحفر هذه ظاهره قد تحدث مع أي نوع من الجنوط سواء صيني أو تبع الوكالة فذلك يعتمد علي السواقه بسرعه في طرق سيئه وعدم التهديه بشكل مناسب في الحفر والمطابات مع الأستخدام السيء يضعف الجنط مما يؤدي لأنكساره ....
ونصيحه لك ولكل الأخوان قبل لا تروح بسيارتك أي مشوار خصوصاً خطوط سريعة شيك علي الكفرات والجنوط وعلي سلامتها من أي عيوب وقد سيارتك بهدوء وتوكل علي الله ... وحاول تأخذ جنوط أصلية مهما كان شكلها أوسعرها فالجنوط شيء مهم في السياره وعلي الجميع الأهتمام بوسائل السلامه بقدر ما نهتم بالشكل الخارجي والداخلي للسيارة و وسائل السلامة منها تركيب جنوط أصلية و هوبات رياضية و أقمشه ماركة : برومبو ....

لالالالالالالالالالالالالالالالالالالالالالالالالا لالالالالالالالالالالالالا
اي شي صيني ماينفع

مع انه منتج عن منتج يفرق

بس الا الجنوط مايبغالها صيني مرة وانا اخوك

حرصا منا على حياتك و صحتك

ننصحك بعدم استخدام اي منتج صيني في مثل هذه الحالات

و تعتبر مجازفة خطرة خصوصا اذا كان الكلام عن جنوط

ههههههههه
الحمدلله اني ما استشرتكم يوم رحت اشتريها ولا كان جبتوني ورا 1800 ريال ودرجه ثانيه وش الله بالينا
وبعدين من ناحية الرجه زي ماقلتلك امشي 200 واامشي 220 ودرجة الحراره 44 ولا 45 والكفر من اجمل مايكون
وانت براحتك

المشاركة الأصلية كتبت بواسطة المباشر

المنتجات الصينية فيها درجات ومنها مايعتبر ممتاز والمسمى صيني درجة أولى

ولكن في حالة الجنوط فمن المهم الأبتعاد كليآ عن كل ماهو تجاري لأنه ممكن يمشي مع ناس وممكن ينكسر عند ناس بفعل الحرارة وسوء التصنيع او صب الجنط يكون فيه خطأ وتكون العواقب وخيمه

اذا كنت راعي خطوط وعلى سرعات عالية فلا أنصحك بالصيني بتاتآ

اما اذا كنت راعي خطوط وسرعتك ماتعدي 120 مثلآ فلا مشكلة مع الصيني بتاتآ لقدرتك على التحكم وقتها لا قدر الله وحصل شي للجنط

تذكر .. بعض الجنوط وقت البنشر على الخطوط ينكسر ويحصل انقلاب للسيارة وهذا اكيد كلنا مانبيه ففكر مرتين قبل التركيب بما يناسب قيادتك وسيارتك

بالتوفيق لك والله يحفظنا ويحفظكم من كل مكروه

هههههههه
الحمدلله اني طحت في جنط مصبوب كويس والا جبنا العيد
وين الله يرحم امك اثنين صينيين قاعدين قدام بيتهم ويسوون جنوط صح؟؟!!!! واحد يجي مزبوط وواحد محيووس
الله يبارك فيك هذي شركات كبيره تسوي للعالم كله وماشيه زي الحلاوه بس ممكن يكون فيه درجات مادري
اتمني يجي واحد يشتكي من الصيني بجميع درجاته

مراحب اخوي

عندي جنوط الأكورد وارد الأمارات صناعة صينية بس درجة اولى وعليها ضمان

وسعرها 1500 ريال

المشاركة الأصلية كتبت بواسطة meshoo

عزيزي اكوردتي دام انك مقتنع بجنوطك والحمد لله ليه تشيل هم لكلام الشباب ؟

فعلآ كلآمهم صحيح الصيني يختلف وماهو مضمون 100% ولا انت راح تعرف اذا كان جنطك درجه اولى ولالا قبل فتره قريبه واحد من الشباب اخذ حفره صغيره وهو ماشي 140 تقريبا انكسر عليه الجنط واخذ له كم عقده وعلى التراب ويحمد ربه مانقلبت عليه السياره بالله الحين وش استفاد من فرق سعر بسيط وبيخدمه في الظروف الصعبه .

احنا هنا مانشتغل عند الوكاله ولا لنا مصلحه ولافائده كل مافي الموضوع اننا نقدم افضل الحلول واسلمها

ع العموم ياصاحب الموضوع الافضل لك انك تاخذ الجنوط مع الوكاله ياباني درجه ثانيه وسعرها جدا ممتاز ومضمونه

وبالتوفيق للجميع .

لو أخذ نفس الحفره بجنوط الوكاله اعتقد نفس الشي رح يصير
عمومآ فكرة انكسار الجنط هذي موجوده في الكروم معروف عن الكروم انه ممكن ينكسر
اذا تبي جنوط ماتنكسر ولا يجيه شي خذلك حديد هو الوحيد اللي ماينكسر

حبيبي ركب اللي في الغرابي وتوكل على الله ..

انا توني مركبها لها شهر على موتري ما ترج ولا شيء

وواحد من الشباب مركبها على موتره سنة و نص والحمدلله ماشيه معه تمام ..

انا عن نفسي مركب صيني من حوالي ثلاث سنوات ماشاء الله 100%
وأبشرك روحت فيها عدن لحضور خليجي 20 وما شاء الله

ب ر ق
عبودي
انشالله يشوفكم صاحب الموضوع ويستفيد
وفيه زيهم لليل مجربين ومبسوطين معاه وبالتوفيق لك حبيبي