اخي هذي الفكرة من زمان افكر فيها بما ان عندي خبره في الهاردوير للكمبيوترات بس بالنسبه لي ماكان عندي وقت .. واشوف السالفه ماتسوى التعب ..

انت حليت مسألة الشاشه شي جميل بس على الله تكون الشاشه في متناول اليد لان خبري بشاشه المعلومات في الاكورد 2010 في حفره

انا كنت مخطط على الشمسيه اسهل لتمديد الكيبلات .. من كرتونه السقف .. واسهل للنظر .. والماوس يعوش عنه التش سكرين ..

بس الكيبورد مانصحك يكون تش مع الشاشه لان مع السواقه بتجيب العيد .. عندك كيبورد حق البلاي ستيشن ممكن تلبقه بمكان مناسب

بعد شغله .. كيف بيكون تشغيل الجهاز ؟؟ يعني يبي لك سويتش On / Off

وبعد شغله ... انك تركب لاب توب في شنطه السياره .. ماله داعي .. اولا اللاب توب غالي .. ثانيا بيسوي لك معضله مع سالفه التشغيل

ثالثا .. لو اخترب او صار فيه شي لو تبي تبدل فيه شغله بتشغل عمرك من محل لمحل ..

واشياء اخرى ..

لذلك انصحك تركب CPU صغيرون اولا سعره ارخص .. ثانيا سهل تصليحه و تبديل قطعه .. ثالثا تمديداته اسهل والتعامل مع حرارته و المراوح اسهل .. لا تنسى انه بيكون في مكان مغلق اللاب توب حساس .. الكمبيوتر تحمله اكثــر

وتمديد السويتش سهل جدا جدا

في انتظار تنفيدك