السلام عليكم ورحمة الله وبركاته
عندي فكره جنونيه قليلاً !!
بودي اركب كمبيوتر بالسياره !! وبودي انه ما اقطع ولا سلك من اسلاك الوكاله
فـ الحل:
اول شيء:
الـشاشه لإستخدام الكمبيوتر لازم تكون في متناول يدي وما تشغلني عن السواقه: فـ الحل انه مكان شاشة الوكاله اللي فيها معلومات السياره والمكيف وكده...
بهادي الصوره تفهمو شويه:
Lilliput 7" 669GL-70NP/C/T-H Touch Screen HDMI Monitor


هادي شاشه عاديه زي شاشات الكمبيوتر الـ مكتبي لكن الفرق الوحيد انها Touch يعني لمس والـميزه الثانيه انها بتجي مع كيبل كهرباء للسياره...
هنا خلصنا اول الخطوات: اللي هيه الشاشه
نروح دحين للـ كمبيوتر نفسه
بدي في الكمبيوتر دا اني اقدر اشغل اغاني, اتصفح نت, انسخ اسطوانات على CD's&DVD's من نفس السياره
GPS كمان يعني هادا الشكل المبدأي:
فـ قررت انه اركب لاب توب في شنطة السياره وامد منه سلك الـ VGA لحد الشاشه دي
يعني سلك بيمشي تحت المقاعد من اول السياره لآخرها !!
بنفس الوقت الحل عشان ما اضطر كل ما ابغى انسخ ديفيدي اروح افتح الشنطه وقروشه
حصلت الحل هنا

[ame="http://www.amazon.com/Samsung-External-Optical-SE-S084D-TSBS/dp/B0044DEDBG/ref=dp_ob_title_ce"]Samsung USB 2.0 8x DVD Writer External Optical Drive for Mac and PC SE-S084D/TSBS (Gloss Black)USB Powered[/ame]


شغال على كهرباء الـ USB
وشيء اخر مهم ليا انه لما اضطر استخدم اي جهاز USB يعني هارديسك خارجي او فلاش ميموري اقدر استخدمه من عند الشاشه مو اضطر ارجع لورا وبرضه حوريكم...
وبكده انا نويت انه انزل شاشة الوكاله تحت شويه
واحط الشاشه دي فوق
واعملي شوية فايبر احط فيه الديفيدي رايتر دا معاه مخرجين USB مثلاً
طبعاً في الجي بي اس وحاجات تانيه كتير
ولساعي في الموضوع وابغى افكاركم
سؤال اخير للاخوه اللي يعرفو:
OBDII Unit في الاكورد ايش نوعها وفين مكانها بالضبط؟ ؟
عشان ناوي اخلي قراءات السياره كمان تطلع على الشاشه ببرنامج ثاني !!
في المشاركه الثانيه راح احط كم نموذج لسيارات بالطريقه دي