اخي انا جربت الهوندا الامريكيه ..

مواصفات احســن اكيد لكــن تتعبك في القطع ..

من ناحيه مكنيكا مافي فرق متعب لكــن عندك الكهربا .. يقولك حتى اذرعة النوافذ غير الخليجي .. البلقات ادا بتبدل اي شي لازم تقص الاصلي و تركب تجاري ..

امور الكهرب .. واهم شي والي انا عانيت منه .. الحساسات

يعني لاسمح الله ضرب عندك القير لازم تركب قير لسياره امريكيه .. ادا تركب قير خليجي كمبيوتر السياره يخبط .. ومعضم حساساته ماتشتغل

قيس على ذلك المكينه او ديكورات السياره ..

والوكاله ماتوفر القطع الامريكيه .. انا لما كانت عندي الهوندا الامريكيه كانت الوكاله اصلا اصلا اصلا ماتستقبلها ولا حتى لو جاي بفلوسك وعندك القطع .. لكن الحين مادري والله بس الاكيد انهم ما يوفروا القطع الامريكية

من ناحيه السعر .. في المعارض غاليه .. قبل فتره كانت في سياره مثل سيارتي بالضبط 2007 سته سلندر اكورد فضيه امريكيه زياده فيها نفقيشن ماشيه 80 ألف مو راضي المعرض يتنازل عن 70 ألف في قيمتها

انا سيارتي مثلها خليجيه وماشية 70 ألف .. شاريها بـ 56 ألف

وصدقني لما تجي تبيعها ينزل سعرها واااجد وماحد يرغبها .. انا واحد من الناس مانصحك بالامريكي لانك بتتعب مع الورش الي يتفلسفوا على خرطي ..

هدا رايي وانت براحتك اخي