السيارة قير عادي أو اوتوماتيك؟
هل هناك صوت يظهر والسياره واقفه أم لا؟
عند السرعات أكثر من 45 يختفي التنتيع ؟
وان شاء الله الخبراء يفيدونك
السلام عليكم ورحمة الله وبركاته
ياخوان عندي مشكله في السياره وهي تقطيع او تنتيع مادري كيف افهمكم اياها المهم انه لما امشي في السياره من 20 الى 45 مثلا في رجه في السياره ومادري من ايش طبعا غيرت البواجي جديده ولسى ماراحت ومادري من ايش رحت لورشة في ام الحمام الي انتم خابرينها قال ممكن كويلات بس لازم فحص كمبيوتر طيب ورحت لصناعية الخرج ورشة الجنوب قال ممكن القير على وشك يخبط روح ياعمي الله لا يوفقك كان ودي اضربه لكن الشكوى لله علما انه انا مغير زيت القير من 3 شهور في أحد البناشر فخايف يكون هو الي سبب لي المشكله تكفون وش الحل فأبغى نصائحكم واذا فيه احد مرت عليه المشكله هاذي قبل لا اوديها الوكاله يوم الاربعاء ابغى اسوي كشف كمبيوتر وقير. ابغى اشوف ارائكم ومشاورتكم ودمتم
السيارة قير عادي أو اوتوماتيك؟
هل هناك صوت يظهر والسياره واقفه أم لا؟
عند السرعات أكثر من 45 يختفي التنتيع ؟
وان شاء الله الخبراء يفيدونك
شيك على عيار زيت القير اللي حطيته يمكن ما يكون نفس عيار قير الهوندا
وثانيا بالنسبة للكويلات لو كان فيها مشكلة تلاقي المكينة غير مستقرة حتى في حالة الوقوف ومن الممكن تكشف عليها بأنك تفصل فيش الكويل واحد تلو الآخر واحد واحد والسيارة شغالة وتلاحظ الفرق
بالنسبة للتنتيع ممكن يكون تقطيع من طرمبة البنزين أو يكون فلتر البنزين متسخ جدا وماشي عليه فترة طويلة من غير ما تغيره وهذا نادر
وينكم ياشباب ياهو والله مايصير
شوف عندك حلين لاثالث لهما >> متعوب عليها الجملة:d
يافلتر البنزين او اسلاك الكويل عددها اربع واحد منها يبغاله تغيير
ودامك تقول تقطع وانت ماشي اتوقع سلك الكويل
شكلها من فلتر البنزين
كم مرة غيرت الفلتر البنزين ؟
شيك على الفلتر البنزين انت تمشي والبنزين تحت الربع
المشكله كانت عندي في الفورد غير فلتر وتنظيف بخاخ وان شاء الله يكون الحل
طيب كيف اعرف انه يحتاج تغير هل انا اشوفه او اقدر افكه او شي من القبيل هذا قبل لا اروح الوكاله ويلهفوني دراهم والله غيرته شهر 7 1430
لما تنتع معك السياره, يتحرك ال rpm ولا يبقا ثابت؟
وش هو rpm
عداد الضوجان و ممكن فيه ناس تسميه الريس
:d
ما عليك من المهندسين اللي فوق مابقى الا يقولون لك الاستبنه منسمه
المهم ياحلووو اقرب محل كمبيوتر من 100 الى 150 ريال
يفحصلك السيارة من الصدام لصدام ويعطيك برنت بكل شئ فيها
وخلاص بص
السلام عليكم ..
اخوي انا سيارتي كانت تقطع مثلك وفحصته كمبيوتر >> وطلع عندي حساس الهواء خربان وحساس الشكمان خربان ..
ورحت التشليح واخذت الحساسين بـ 300 ريال وبعد التركيب رجعت السياره تقطع يعني ما تغير شي ..
ورجعت للورشه قال يمكن حساس دعسة البنزين >> ورحت التشليح وشريته بـ 200 ريال ..
والحمدلله الحين لا تقطيع ولا شي السياره صافيه ..
ملاحظه ..
>> علشان تتأكد ان حساس الدعسه هو الخربان ..
1- اذا بدت السيارة تقطع وقف السياره وقوف كامل لا تفضي القير بس وهي تمشي ..
2- والسياره واقفه اضغط بنزين للصاجه ..
3- اذا ارتفع البنص وتفتفت السيارة >> يعني حساس الدعسة سليم ..
- اما اذا ما تفتفت السيارة وحسيت ان الدعسه ثقيله 100% حساس الدعسة هو السبب ..
والله السياره خلاص وديتها الوكاله وقالو بيعملو تشيك على الكهرباء ب160 ريال ويدقو علي قلنا ان شاء الله خير وسوف اوافيكم بما يحدث ان شاء الله
مواقع النشر (المفضلة)