هلا فيك يالغالي
من ناحية تغيير الزيت أنصحك تروح لمحلات قلف المعتمدة أو يلي تسمى قلف اكسبريس وعندهم عمالة فلبينية صحيح إنه غالي شوي يعني تقريباً سعرهم 120 ولكنه ممتاز لعدة أسباب
أول شيء الزيت عندهم أصلي وفيه زيوت قلف و فيه زيوت الوكالة سواءً لهوندا أو لغيرها وعندهم السيفون أصلي حق شركة هوندا وممكن تستغرب من كلمة أصلي :d
ترا فيه تقليد بنفس علبة الاصلي نفس الشكل ونفس جودة طباعة الشعار عليها يعني كأنه الاصلي وفيه واحد يماني طلع لخويي كرتون زيت موبيل وقال له هذا الكرتون كله زيت مقلد وينباع بسعر الاصلي وشاف خويي العلبة نفس علبة الاصلي مافيها فرق ابدا ً
ثاني شيء عند قلف أكسبريس إنهم يكشفون لك على زيت علبة الدركسون إذا كان ناقص ومياة الرديتر ويعبونها عند وجود نفص فيها وعلبة مياة المساحات يعبونها لك وفيه أشياء بعد لكن ناسيها وطبعا يكون مع العامل ورقة يحط علامة صح قدام الشيء الناقص بعد ما يتم تعبئته ويعطيك الورقة مع الفاتورةو يخدمونك أحلى خدمة ينضفون لك فلتر الهواء وفلتر المكيف إذا كان عندك فلتر للمكيف وينضفون لك السيارة من الداخل وينضفون لك القزاز من الداخل و الخارج وطبعا هذا كله وانت قاعد بغرفة مكيفة وفيها مشروبات ساخنة وانت تتكي تشرب وتقرأ جرايد لين ما يخلصون
فالافضل لا تروح لمحلات تغيير الزيوت يلي فيها يمنة أو بنغالة أو اذا كنت بتروح لهم لازم تشتري الزيت من الوكالة مع السيفون ولازم تشرف عليهم ومن ناحية تنضيف فلتر الهواء ترا أغلبهم ما عندهم المفك حق الغطاء حق الفلتر يعني بتضطر تروح لقلف وينضفونه لك بـ 5 ريال وهذا يلي صار معي من فترة فأنا أنصحك في محلات قلف أكسبريس
وآسف على الاطالة
وسلامتك ،،،
رد مع اقتباس
مواقع النشر (المفضلة)