الموضوع: .. سعر جنوط هوندا اكورد الفل في الوكاله ..

السلام عليكم ورحمة الله وبركاته

مساكم وصبحكم الله بالخير

السالفه ومافيها يالربع انه كان معي لكزس es 350 2007 وصار علي حادث بها قوي وبعتها تشليح

وسهل الله علي وشريت بقيمتها هوندا اكورد سياحي بس عليها جنوط الاسبشل من راعيها الأول

فحبيت اركب لها جنوط الفل .. وأذكر اني سعرت جنوط اللكزس في عبداللطيف وكانت بـ 11900 ريال بالضبط

فتوقعت ان سعر جنوط الاكورد الفل ما يقل عن اربع الاف على اقل تقدير بعد

فأخذتها براسي ورحت لتشليح الحاير ولقيت لي طقم اربع جنوط بألف وأربع ميه بعد الخصم

وبعض المحلات لقيت الجنط الواحد بـ 700 ريال

المهم خذيت الطقم بـ 1400 ريال

وعقبها بكم يوم مريت الوكاله ابي اخذ لي كم قطعه للسياره وشفت الجنوط ومن باب الفضول سألت الموظف عن سعرها

قالي عليها عرض بـ 1700 ريال

ينعن اوم التحطيم يا شيخ انا من التشليح ومحككه وفيها كسور وحبة خشم أبو يمن بـ 1400 :d

وهي بالوكاله بـ 1700

على العموم طول عليكم بس حبيت اعلم اي واحد يبي يغير جنوطه للفل لا تصير دلخ مثلي وتاخذ من التشليح والفرق عن الوكاله 300 ريال بس :d

ودمتم سآلمين