الموضوع: معقول مايشملها الضمان

حبايبنا انا هذي أول مشاركة لي...
حبيت أضيف على كلام أخونا اللي يشتكي وأقول لكم أنا وش صار معي ..
انا من سكان الطائف وكنت بجدة يوم الخميس ومريت بمثل مامر على الاخ وطفت على السيارة وكان معي ثلاثة من أخوياي . المهم لما طفت السيارة تركتها 3 ساعات وبعد كذا شغلتها واشتغلت لكن كان فيه صوت اظن بالماكينة أخذت أخوياي ورجعنا الطائف ومريت ورشه صاحبي وقال لي هذا صوت من الماكينة وسمى لي اسم الشي اللي محتاج غيار بالماكينة وقال يكلفك مع شغل اليد حوالي 900 الى 1200 ريال. ولكنه نصحني بأن أرجع للوكالة عشان الضمان فقط . وقال لي بالنسبة للصوت لا يؤثر على السيارة. واتجهت للوكالة بالطائف وقالو روح مكة أو جدة ورحت مكة وقالو لي الكوارث الطبيعة لا يشملها الضمان قلت طيب معليش بس بكم حتسويها قالو فك الماكينة يكلفك 3000ريال أما الاعطال التي بالماكينة تكلفك 20000ريال ولا تمشي على السيارة هذا يضر الماكينة كل هذا عشان ياكلون الالاف.هذا وأنا مواظب عندهم بالصيانة حتى غيار الزيت أغير عندهم المهم طنشتهم ورجعت الورشة والان فك الماكينة وتكلفتها 1000ريال وبكرة راح استلم السيارة . وخويي معه هوندا اكورد ويغير زيتها بالسيفون ببنشر بـ95ريال وأنا أغيره بالوكالة 135ريال ولا يمر الوكالة ويقول عنهم حرميه وأنا اللي مصدق لو يصير خدش بالسيارة رحت الوكالة.المهم استفدت من التجربة: 1) سيارة وكيلها عبدالله هاشم لا تشتريها.
2) خذ السيارة وكالة وبعدها انسى الوكالة وعليك بالورش اذا صار لسيارتك شي
3) اسعار القطع بوكالة هوندا أغلى من من قطع غيار اللكزس
4) مو كل مهندسين الوكالة صاحب خبرة وممتاز بل يوجد بالورش من هو أفضل منهم
5) توبة أرجع للوكالة مرة ثانية وأقول باي باي ياوكالة هوندا (عبدالله هاشم)