صوت عند تشغيل السيارة .. يوجد فيديو لتوضيح المشكلة ؟؟
السلام عليكم
باختصار في صوت يطلع زي تررررررررررر اذا شغلت السيارة
(وهي بارردة ) ثانية ويختفي الصراحة مادري من وين جاي
اللي مرت عليه المشكلة ولا اللي عنده خبره لايبخل علينا :(
وهذا الصوت بتصويري ( ارفع صوت على اخر شي لان الصوت ضعيف )
[ame="http://www.youtube.com/watch?v=lVmNgH04DTY"]YouTube - ‫صوت بالهوندا 1‬‎[/ame]
مشكوووووور يالغالي .. والله نفس مشكلتي بالضبط
فيه من قال لي هذا زيت المكينة وقت التشغيل يكون اسفل المكينة
وفيه من يقول لابد من تنظيف الثروتل << مش متأكد من الاسم!وفيه من يقول هذا السلف فيه مشكله
يعني تعددت الأسباب والمشكله واحدةوإن شاء نبي نلقى من يعرف سـببها
والله ياخوي ماظن انه من السلف لان الصوت يروح اذا كانت
السيارة حامية والزيت توني غيرته جديد ؟؟؟؟
المشاركة الأصلية كتبت بواسطة راعي ال accord
والله انك صادق حتى انا شلت سالفة السلف من بالي
لأني مستغرب اذا كانت السيارة حاااااارة اشغلها عادي
مايطلع الصوت .. اما لو كانت باردة وخاصة تشغيلة الصبح
تطلع المشكلة ...؟؟
وعن الزيت انا بعد غيرته على أمل انه منه ( ولا فائدة ) ؟
الله يجيب لنا اللي يعرف حل المشكلة
تحياتي ...
السلام عليكم
شغلتك هذي ياحبيبي ما تطلع عن ثلاث
1 - طرمبة الدركسون تسوي هذي الحركة في الصباح الباكر وهي عبارة عن صوت طررررر ثم يختفي بعد تحمئة السيارة ولكنها بسيطة وليس لها تأثير
2 - قطعة في المكينه جنب جنزير المكينه وهو عبارة عن ترس يدور مع بداية التشغيل اسمه ( أكتيوتر ) وقيمته ( 524 ريال ) وشغل يد الوكاله 720 ريال وتنتهي المشكله بضمان الوكاله وتتصلح على الضمان اذا كنت منتظم في الصيانه
3- شداد جنزير المكينه وهو الاحتمال الثاني المؤكد عند عدم تعطل ( الاكتيوتر ) يعني اذا كان الاكتيوتر سليم تكون المشكله الشداد
وتراه ما هوغالي ويفضل تغيير الجنزير مع الشداد بقيمة 600 ريال تقريبا والشغل اليد يمكن نفسه أو أقل في الوكاله
وتتصلح على الضمان اذا كنت منتظم في الصيانه
اتمنى اني افدتك واستفاد باقي الاعضاء
وشكرااااا
طيب اذا ماصلحته هل يؤثر على السيارة بعدين ؟؟
نفس الصوت عندي بالضبط ، ومن نآحية آنه شدآد السير ، آبد اغسلو يدكم منه ، لـ آني توني مغير شداد السير مالي اسبوع والصوت مازال موجود ، ومن نآحية آنه من زيت المكينه بعد اغسلو يدكم منه لـ آني مغير الزيت قبل يومين ومآزآل الصوت موجود ويطلع لي إذآ كآنت السياره بارده بالذات الصبح ، ومن نآحية آنه السلف بعد اغسلو يدكم منه مآله شغل السلف لو له شغل كآن الصوت يطلع معك سواء كان الموتر بارد او حآر ، لكن الصوت مايطلع إلـأ إذآ كان الموتر بارد بالذات الصبح ، فـ آتوقع ان السبب والله اعلم من طرمبة الدركسون وغآلبية من معهم اكورد 2008 وطآلع ، فيه خطآء مصنعي في طرمبة الدركسون~> وانا من ضضمنكم لكن مآفكرت ولا عندي نيه اصصلح هآلصوت بتجلس تلحق ورآء الموتر بكل كبييره وصصغيره عزآء الله بتموت قبل يومك :d
سيم سيم مشكله واغلب الظن لها علاقه بالدركسون
acc 2009
انا 2008 والصوت موجود في اول تشغيلة في اليوم يعني لو شغلتها الصباح يطلع وبعدها اشغل وقت ثاني حتى وهي موب محتمية الصوت مايكون فيه او مايكون واضح زي اللي في الصباح
هذا صوت الطرمبة ويطلع لما يكون بارد في الصبح لان فيه تركيز في الزيت يقوم يشد شوي على الفراشة الداخلية للطرمبة وبالتالي تسمع الصوت على الصبح
وفي مواقع امريكية كثيرة ايضا عندهم نفس المشكلة وشركة هوندا ماهي راضية تعلنه كعيب مصنعي
على العموم هو مجرد صوت فقط ولا يأثر بأي شكل على الطرمبة نهائيا
قريبا اكيورا فخر صناعة هوندا الامريكية على هوندا العربية
اكيورا RLX 2013
نفس الصوت ..
شكرا اخ بلال على التوضيح
ادري ان الموضوع قديم شوي
ولكن المشكلة تازمت معي الصوت قام يسمعه اخر واحد بالبيت كل ماله يزيد
لدرجة اني استحي اشغل السيارة الصبح وعندي احد :(
والورشات ماعرفو لها
اللي حل هالمشكلة لايبخل علينا ياخوان
السلام عليكم
يالغالي طيب مامريت على الوكااله
وهل الصوت بس بدابه التشغيل وينقطع ولا يكمل الصوت معاك
اذا بس بدايه التشغيل اتوقع ممكن زي اللي حصل معي والحمد لله صلحتها في الوكاله وراح الصوووت نهائيا
وكانت المشكله
- قطعة في المكينه جنب جنزير المكينه وهو عبارة عن ترس يدور مع بداية التشغيل اسمه ( أكتيوتر ) وقيمته ( 524 ريال ) وشغل يد الوكاله 720 ريال وتنتهي المشكله بضمان الوكاله وتتصلح على الضمان اذا كنت منتظم في الصيانه
انا عندي نفس المشكله :(بس هل انتظر التشييك الجاي واقولهم عن المشكلة او الانتظار بيضر السيارة ؟ عشان ابيهم يسوونها على الضمان مع العلم ان التشييك الجاي باقي عليه 3500كيلو.... اللي عنده خبر يبلغني الله لايهينكم..
اخوي صاحب الموضوع لو تصور مرة ثانية بس افتح الكبوت وخلي الجوال يصور من عند المكينة حتى الصوت يبين اوضح
لاني بصراحة عدت المقطع 16 الف مرة ولاسمعت شي الصوت غير واضح ابدآآ
السلام عليكم
ياشباب الحل اعطيتكم يااااه
واذا مهي اللي بالرد السابق
فتكون المشكله من طرمبة الدركسون وهذي مامنها ضرر ان شاء الله
ياخي قسم بالله يا إنك جيت على الجرح :( !
تدري من زمان أبي أنزل الموضوع وومحتار كيف أفهم الشباب السالفة ههههه
الصوت ذا ذابحني شككني بموتري
يقهرررررررررررررررررررررررررررررر
إن شاء الله بكرة أطربكم بالصوت هههه
ممممم
طيب سالفة إني أدفع 500 للوكالة والله يبطون
خصوصاً إني منب متأكد من الخراب يمكن يصير هو ويمكن لأ !
لكن فعلاً ما لقيت منها مشكلة ولله الحمد
ولعل كلام الأخ بلال العلمي ريحني شوي !!
وتجاربكم يا شباب فيها الخير والبركة
فيا يروح الصوت من نفسه ولا بالطقاق اللي يطقه
السيارة حسيت إنها زوجتي كل ما طق عود رحت صلحته
< --- منقهر هههههه
سلام يا شباب
انا كنت بالوكالة و قالولي نفس الحكي يلي بحكيه الاخ جاكي
المشكلة قطعة عند الماكينة تنظم دخول الزيت للماكينة عند التشغيل
تركيبها يفضل في الوكالة لانو زي مافهمت من الوكالة لازم يفكو اجزاء من الماتور عشان يغيروها اما بالنسبة للتكلفة بصراحة في حدود 800 ريال
السؤال هنا : هل تؤثر على الماكينة ؟ هل هناك نواتج سلبية .... لا اعلم
للتأكد من النقطة هذه فك السير حق المكينة وخلي السيارة يوم كامل لاجل تبرد
وتعال الصباح والسير مفكوك وشغل السيارة وشوف هل تسمع الصوت او لا
اذا مافيه صوت معناه طرمبة الدركسون اما اذا نفس الصوت موجود فهو من شيء اخر وهذه نادر ما تصير الا بنسبة 1 % من محركات هوندا اكورد
قريبا اكيورا فخر صناعة هوندا الامريكية على هوندا العربية
اكيورا RLX 2013
الصوت مو واضح ابداً بس المشكله نفسها عندي ومطنشها للاخر
انا ملتزم بالصيانه يصلحونها على الضمان ولا كالعاده لا
شباب للحين محد اعطاني خبر وش اسوي أخليها للتشييك الجاي والا اوديها لهم .... على فكرة اليوم الصباح فكيت الكبوت ولقيت تهريب زيت خفيف مره مره من طرمبة الدركسون .... الحين ابي اعرف بيصلحونها على الضمان والا بيحطونها فوق ظهري
لا ياخوي ماتأثر ان شاء الله
انا مسويها بالوكاله وراح الصوت مع ضمان الوكاله
والقطعه اسمها أكتيوتر وقيمتها تقريبا 527 ريال وشغل يد تقريبا 720 ريال مع اضافه معجون هوندا اصلي لتقفيل صدر المكينه
ومامنها ضرر ابدا
فك قطعه وحط قطعه بدالها
يعني انت سويتها على الضمان ومادفعت ولا ريال ياغالي ؟؟
لا والله سويتها بفلوس
وكلفتني بعد الخصم 1066 ريال
عشان خصم الفحص الجاني
وبعدين سيارتي كانت ماشيه 155 ألف وقتها واخر صيانه 80 ألف
بعدها 130 ألف
وسألتهم لو باقي ع الضمان
قالو راح يشملها الضمان
لانها شغله في المكينه ويتحملوها
انت كم ماشيه سيارتك
والحق قبل يروح الضمان
السلام عليكم .....
واجهتني المشكله نفسها ولا لقيتلها حل وقبل ِشهر جربت شي جديد قلت يمكن يشيل الصوت داه .
كنت بغير زيت قلت خليني أزيد 25 ريال و أحط زيت الغسل و أغسل المكينه .
الصوت ما راح ولكن خف بشكل كبير وفي أيام كان مايطلع مع العلم إنو كان مزززززعج بشكل كبير قبل
ألحين مشي ألف كيلو علي السياره بعد الغسيل والصوت خفيف جدااا
ومرات مايطلع
ضوابط المشاركة
رد مع اقتباس
مواقع النشر (المفضلة)