الموضوع: تغيير زيت المكينة والقير من نوع الى آخر

سلام عليكم
كيف الحال شباب
تقريبا قبل شهرين اشتريت لي اكورد موديل 2008
ولما اخذتها كانت ماشية حدود 128 الف
والحين معي وصلت 132 الف
لما سألت راعي السيارة عن نوع الزيت قال انه كاسترل
واشوف الشباب هنا يقولون زيت هوندا هو افضل نوع لاكورد
مادري اقدر اغير نوع الزيت او لا؟
يعني اغير الى زيت هوندا؟
وفيه عندي زيت القير شفت علبة ازدلكو في السيارة
والناس تنصح بزيت هوندا للقير
لو غيرت زيت الغير والمكينة الى زيت هوندا ماراح يجي اي تأثير على السيارة؟؟

ابي نصيحتكم ياشباب ,,,

اخوي المسافر
كيف يعني كل يوم علبة ؟
ياليت تعلمني كيف الطريقة

ياخوي غير زيت المكينه مع السيفون وزيت كسترول ممتاز.. واذا بتغير زيت هوندا عادي المهم تغير السيفوون

وبالنسبه لزيت القير اشتر حق الوكاله ونزل القديم وركب الجديد

المشاركة الأصلية كتبت بواسطة الـمـسـافـر

يعني تفك زيت القير وتنزل منه مقدار علبه وحده وتزيد مكانها علبه من زيت قير هوندا

وبعد كم يوم تسوي نفس الطريقه وبعدين تسويها للمره الثالثه لان زيت القير ياخذ 3 علب

وبعدين عاد تغيره من جديد كامل يكون زيت هوندا 3 علب مره وحده

ازيد على كلام سلطان
المشكله زيت القير لمان تفكه راح ينزلك كله وما بتضبط الوزنيه صح
فالأفضل تغييره بطريقة الشفط عند اي بنشري

المشاركة الأصلية كتبت بواسطة accord f15

ازيد على كلام سلطان
المشكله زيت القير لمان تفكه راح ينزلك كله وما بتضبط الوزنيه صح
فالأفضل تغييره بطريقة الشفط عند اي بنشري

الله يسعدك كلامك صح بس تقدر تسوي زي ماقال المسافر وبكل سهوله

حيث أنك تاخذ لك أي علبه فاضيه من عند أي بنشري

وتفك الصره حقت زيت القير وتخليه يمتليء مثل ماهو في العلبه الجديده حقت زيت القير

اللي هي لتر واحد

بعد كذا قفل الصره حقت الزيت بسرعه عشان مايطلع زياده برا

وبعد كذا عب علبه واحده من زيت القير الجديد

وأمش عليه لمدة يوم أو يومين تقريبا وسو نفس الحركه في العلبه الثانيه

وأمش عليه لمدة يوم أو يومين وبعد كذا سو نفس الحركه في العلبه الثالثه

وأمش عليه لمدة يوم أو يومين وبعد كذا روح للوكاله وأدفع لهم ( 184 ) ريال

وغير زيت القير كاااااملا عندهم بس خلك واقف مع الميكانيكي وخله يخلي الزيت

إلى أن ينتهي ماعاد ينزل منه شيء نهائياً

وبعد كذا خله يعبي لك 3 علب جديده وبإذن الله ماراح يصير الا كل خير

بس على فكره ضروري تكتب عندك رقم العداد عند تغيير زيت القير عند الوكاله\

لأن بعد 40 ألف كيلو ضروري تغير الزيت مره ثانيه



والله يوفق الجميع

مثل ماقال المسافر

زيت المكينه عندك حريه الاختيار بااي زيت ممتاز او هوندا الاصلي

انا من شريت السياره واستخدم زيت الترا 7 امشي 3 الاف واغيره

بالنسبه لزيت القير انتبببببببببه تغير زيت غير هوندا ترى القير بيروح عليك

سعر تغيير زيت القير في الوكاله 194 ريال والفلتر الخارجي 92 ريال

بس لازم قبلها تغيره على دفعات حسب شرح اخوي المسافر

بالتوفيق

باسيدي الموضوع بسيييييييط جدا

بالنسبة لزيت المكينة عادي جدا غير أي نوع زيت ( نوعية ممتازة )

مع الفلتر المهم تكون لزوجة الزيت 15 دبليو 40 يعني نفس لزوجة

زيت هوندا والمستخدم في الوكالة

بالنسبة لزيت القير خذلك 3 علب زيت القير الاصلللللللللي من الوكالة

تقريبا بقيمة 120 ريال وعادي غيرها عند اي محل بنشر عنده مكينة شفط

ويكلفك فقط 10 ريال وبعد كده تغير كل 40 الف كيلو بس لازم يكون زيت

هوندا الاصلي والخاص للجير الاتوماتيك وعاااادي جدا تغيره مره واحدة

وليس كل يوم او كل فترة علبة مكان علبة سواء للمكينة او للجيربوكس

وبالتوفيق اخوي

المشاركة الأصلية كتبت بواسطة ashraf rashid

يكون زيت

هوندا الاصلي والخاص للجير الاتوماتيك وعاااادي جدا تغيره مره واحدة

هذا ياعزيزي لما تكون منتظم في تغيير زيت القير
أول مرة على 60 ألف وبعدها كل 40 ألف تغييره مره وحده بدون تدرج

وليس كل يوم او كل فترة علبة مكان علبة سواء للمكينة او للجيربوكس

وهنا قصد الاخوان ان لزوجه زيت القير راح تكون مختلفة عن لزوجة الزيت الجديد نظرااا لزيادة الكيلوات المقطوعة الاضافية عند عدم الانتظام في التغييرات اعلاه
فهنا القير راح يواجه مشاكل ويمكن تعدي سلامات ويمكن يحدث ما لا يحمد عقباه

فاللي يكون مطوف تغيير زيت القير مثلا 20 ألف زياده أو اكثر يتبع طريقة التدرج في تغيير الزيت حتى لا تحدث مشاكل مستقبلية للقير

وبالتوفيق اخوي

وشكرااا

^^^^^^^^

طيب أخوي هل هذه هي الطريقة المتبعة بالوكالة

والمنصوص عليها بكتالوج السيارة

أنا كتبت رأيي هذا بناءاً على أني منتظم بتغيير الزيت

على 40 ألف اول مرة وايضاً كل 40 الف بعد كده

وعمري ما خليت زيت القير حتى اول مرة الى 60 الف

واعتقد انه مهما كان عدد الكيلو مترات المقطوعة فأنه

عااااادي جدا تغيير الزيت بالكامل مرة واحدة لانه بالنهاية

الجيربوكس مجرد آلة وحديد ولا اعتقد اطلاقا انه بحاجة للتغيير

التدريجي للزيت ( وعن تجرية )

سؤال / هل حدث معك شخصياً أو مع أحد تعرفه جيداً

أن غير الزيت دفعة واحدة وخرب عليه الجيربوكس

وكان السبب هو تغيير الزيت

( بعيداَ عن سمعت وقراءت ويقولون )

وبالتوفيق للجميع

أخوي كان معاه التيما 6 سلندر
وطوف وقت تغيير الزيت القير باكثر 30ألف
وسافر فيها مكه وصار فيها شوية ثقل في الغيار الاول
وكان بغير الزيت والفلتر بجده
واحد ميكانيكي قاله لاتغير الزيت دفعة وحده غير دفعات عشان اللزوجه
المهم ماغير بجده وطلع المدينه المنورة ثم رجع لتبوك
والسيارة مافيها شي سوى ثقل بسيط في الغيار الاول
وبمجرد تغيير الزيت والفلتر
صارت السيارة ما ترجع ريويس ( r ) وصار زينه في القير وقدام تمشي مافيها شي
وكان موجود العضو (نحيب الاماكن ) وشاف حالة السيارة

وراح غير الجربكس من الشرقية طبعا راح بسيارته ( قدام على d تمشي الى260 كم و r انسى )
وكلف 4700 ريال
والحمد لله على كل حال