يقولون ما يحتاج تشحيم

**إنسان** · 17-09-2007, 10:34 PM

حي الله الشباب
وعسى شهركم مبارك وكل عام وانتم بخير
الله يعطيكم العافية
1- عندي صوت مثل الطقة الخفيفة يطلع لما احرك الدريكسيون يمين او يسار تحريك بسيط جدا ، طبعا من اول كان موجود بس الان زاد ، واعرف انه طبيعي لاني شفت شخص بالوكالة مسوي مشاكل على هالصوت وخلوه يحرك الدريكسون في اكثر من سيارة ومنها سيارتي لجل يتأكد .
الحاصل جلست افكر إن سيارتي قاربت الثلاث سنوات وانا ما شحمتها ، الوكالة تقول ما تحتاج السيارة لتشحيم ، وانا متخوف من هالكلام ، مدري اذا سبق واحد شحم السيارة ، يخبرني وش نشحم فيها .
2- يا ناس جننتني نافذة السائق ، الرفع بالخاصية الاوتو عندي مهبل فيني ، مرة يوقف بأول 10 سنتيمتر ويرتد القزاز كأن شيء معترضه ، وايام لا قرب يوصل للاخير ، وايام بالنص ، سويت كل الحيل ، نظفت المجرى ، لاحظت شيء ، انها تتوقف المرة الاولى ، ولما اكرر عليها مرة ثانية تتوقف بنفس المكان ، ولما اكرر مرة ثالثة تمشي زين ، فما ادري وش السوات مع هالخاصية اللي هبلتني .
3- السيارة ماشية تقريبا 96 الف كم ، وآخر مرة عملت تنظيف للاقمشة ، قالي البنشري باقي فيها نص عمر ، ونفس الكلام قالوه لي الوكالة بآخر فحص مجاني قبل 8 شهور
لكني ملاحظ ان الرجه لما ادعس الفرملة واضحة ، لكن ماهي دايمة ، هل اخرط الهوبات بحكم اني انا شايفها منعدمة ، ولا اصبر عليها لحين تغيير الفرامل .
ويعطيكم العافية مرة ثانية

**B Unique** · 17-09-2007, 10:43 PM

المشاركة الأصلية كتبت بواسطة إنسان

3- السيارة ماشية تقريبا 96 الف كم ، وآخر مرة عملت تنظيف للاقمشة ، قالي البنشري باقي فيها نص عمر ، ونفس الكلام قالوه لي الوكالة بآخر فحص مجاني قبل 8 شهور

لكني ملاحظ ان الرجه لما ادعس الفرملة واضحة ، لكن ماهي دايمة ، هل اخرط الهوبات بحكم اني انا شايفها منعدمة ، ولا اصبر عليها لحين تغيير الفرامل .

معقولة تسألنا وانت الخبير حقنا يا انسان ؟!

عموماً حسب خبرتي مع الاقمشة ورجة الفرامل انصحك تصبر دام الاقمشة باقي فيها عمر والرجه ماهي دايمة . لانك اذا بتخرط الهوبات اللحين لازم تغير معها الاقمشة عشان يكون سطحها متساوي وما يرجع يسبب لك رجه مرة ثانية

هذي اللي عندي وسلامتك

**إنسان** · 17-09-2007, 10:54 PM

معقولة تسألنا وانت الخبير حقنا يا انسان ؟!

:o احرجتني يا اخي ، حسيتني مهم ، تراني خبير بالتطنيش بس هالمرة ودي اوسوس شوي :d، هذي هوندا مو تويوتا
طيب وبقية المشاكل يا اخي ما لك فيها علم
التشحيم فيه ولا الوكالة صادقة .
والقزاز هذا ابغى حل اذبح فيه خاصية الايقاف والارتداد اقلها لارفع ضغطي عسكري اقفل على يده واسحبه معي
تسلم لي على مرورك المعطر .

**B Unique** · 17-09-2007, 11:10 PM

اول شي اهنيك على استخدامك للوجوه التعبيرية بعد ما كانت ردودك دايماً ناشفة ويغلب عليها السواد

واذا ما تدري تراك مهم ويعجبني اسلوبك في ردودك المبنيه على المنطق وتشغيل المخ
بس انت الله يهديك مدري ليش مسوي ثقيل وتتغلى علينا ؟!

وثانياً والله ودي افيدك في مشاكلك الثانية
لكن للاسف مالي بها علم .. اعذرنا

:o

**إنسان** · 18-09-2007, 12:19 AM

B Unique
يا أخي وربي إني مرن وقلبي طيب ولا عمري كنت ناشف :(
بيني وبينك :o
مو ثقل ولا تغلي
يا اخي انا مالي لا بمقاومات ولا بمدح الاكورد وشايب احب السيارة ستندر مثل ما اخذتها
ولا افهم بالميكانيكا الا زيادة السوائل وتفقدها ، مع تعبية الكفرات بالهواء :d
وكسلان بعد ، لجل كذا مشاركاتي قليلة مو تغلي وربك
سعدت بكلامك فديت راسك وحياك دوم

**B Unique** · 18-09-2007, 12:33 AM

المشاركة الأصلية كتبت بواسطة إنسان

2- يا ناس جننتني نافذة السائق ، الرفع بالخاصية الاوتو عندي مهبل فيني ، مرة يوقف بأول 10 سنتيمتر ويرتد القزاز كأن شيء معترضه ، وايام لا قرب يوصل للاخير ، وايام بالنص ، سويت كل الحيل ، نظفت المجرى ، لاحظت شيء ، انها تتوقف المرة الاولى ، ولما اكرر عليها مرة ثانية تتوقف بنفس المكان ، ولما اكرر مرة ثالثة تمشي زين ، فما ادري وش السوات مع هالخاصية اللي هبلتني .

طيب يا عزيزي الشايب الكسول
خلنا نرجع لمحور حديثنا ونتفلسف عليك شوي ونشوف لك حل مع مشكلتك الثانية

ليش ما تشوف لك زر للدريشة من التشليح وتغير اللي عندك ؟
او تشتري واحد جديد اذا قيمته معقولة

اتوقع ان المشكلة في الزر لان الدريشة بعد كم محاولة تفتح معك

هذي مجرد فلسفة وتوقعات
وان شاء الله يفيدونك الشباب بتجاربهم

**الأستشاري** · 18-09-2007, 01:02 AM

كيفكم يشباب
اخوي انسان
مشكلة الاتوماتيك حقت الزجاج ماراح تنحل الااذا غيرت دنمو الزجاج المشكله ماهي في السوتش المشكلة في الدنمو نفسة بس حاول تمر للوكالة قبل ويسون لك تنظيف للربلة اول شي:d

**يامطنش** · 18-09-2007, 02:39 AM

اذا كانت الدينمو حق القزاز اتوقع يسولها توضيب او يغيرون فيها سنون
اما السويتش اتوقع تفكه وتحك النحاس حقه يمكن وسخان او منكب فيه شي

**إنسان** · 18-09-2007, 02:12 PM

ليش ما تشوف لك زر للدريشة من التشليح وتغير اللي عندك ؟
او تشتري واحد جديد اذا قيمته معقولة

اتوقع ان المشكلة في الزر لان الدريشة بعد كم محاولة تفتح معك

أخوي B Unique
القضية ماهي من المفتاح من نظام الامان اللي يخلي القزاز يرتد اثناء الارتفاع بالوضع الاوتو اللي ترفع فيه الزر لفوق مرة وحدة بس وهو يكمل للاخير يوقف كأن في شيء يمنعه
-----------------------

مشكلة الاتوماتيك حقت الزجاج ماراح تنحل الااذا غيرت دنمو الزجاج المشكله ماهي في السوتش المشكلة في الدنمو نفسة بس حاول تمر للوكالة قبل ويسون لك تنظيف للربلة اول شي:d

أخوي الأستشاري
الله يكافينا وإياك موضوع الدينمو :( بس يا أخي القزاز يطلع وينزل زي العسل ولا فيه الا مشكلة انه يرتد عند الارتفاع بالوضع الاوتو :(
وبالنسبة لجلد القزاز نظفتها على الاخر قلت يمكن شيء معترض القزاز ويثقل حركته لجل كذا يرتد كأن في شيء اعترض طريقه ، لا وازيدك يا بعدي اني حطيت داخل الربلة فازلين لزوم التشحيم :d وباقي الوضع مثل ما هو .
-----------------------

اذا كانت الدينمو حق القزاز اتوقع يسولها توضيب او يغيرون فيها سنون
اما السويتش اتوقع تفكه وتحك النحاس حقه يمكن وسخان او منكب فيه شي