وعليكم السلام ورحمة الله وبركاته

عزيزي الله يعوضك ويعينك

الشباب ماقصروا معك بالمعلومات واذا تبي نصيحتي عندك حلول كثيرة ممكن تسويها وهي

1- أول شي روح وقدم بلاغ تعويض لاتنتظر أكثر من كذا

2- صلح السيارة من جيبك اذا الله منعم عليك لين يجيك التعويض او تاخذ من الوالد لين يجي التعويض وترجع فلوسه واشرح له السالفة ان التعويض ممكن يطول او تدفع له شهريآ تقسيط وتصلح موترك بالوكالة

3- قبل التصليح دام انك اخذت تقرير عن السيارة صورها لين تقول بس ودخلها مركز تلميع يفكون المراتب والارضية كاملة ويغسلونها ويرجعون كل شي نظيف مثل ماكانت

4- بعد ماتطلعها ودها سمكري يفك الصدامات وتوديها مغسلة بستم في بعضها مازالت تعمل ومطنشين قرار المنع دور لك مغسلة يغسلون موترك بالكامل مع غسيل الماكينة بالماء

5- بعد كذا تشتري علبة الفيوز من التشليح وتركبها

6- تشتري مراوح أصلية ولا تاخذ غير الأصلية وركبها خارج الوكالة

7- دخلها الوكالة فحص وشوف التقرير وش يطلع فيه اذا باقي شي مثل الايرباق وغيره خلهم يصلحونة وريح راسك

اللي ذكرته فوق من 1 الى 6 ممكن يوفر عليك كثير لأن شغل اليد بالوكالة يشيب الراس

وان شاء الله تزين أمورك وماتطلع لك مشاكل مستقبلية

كان في موضوع لواحد من الاعضاء من عمان راعي اكورد 2007 لون أسود يوم جاهم السيل كان مصور الموتر وداه غسيل وفك كل شي داخل من الى وزبطه ورجع الموتر جديد لكن الصور اختفت والموضوع قديم وصعب احصلة الحين لكن تأكد موترك بيرجع جديد بدون مشاكل بس صلح الخرابات والملاحظات اللي تطلع لك