الموضوع: تظليل (في كول)

السلام عليكم
الحمد لله انا اشتريت اكورد 2011
وبغى اظللها (في كول)
هل هناك شركات افضل
وين محلات التظليل في الرياض
وهل في كول يسوو حماية للوجهيه من الترميل
وكم اسعارهم تقريبيه
ويعطيكم الف عافيه

والله يااخوي مااقدر افيدك في الاسعار

بس في كووول احسسن شركة تضليل << مو من تجربه

بس كم عضو في المنتدى ضللو في كول ويمدحونه

وبعدين شركة في كوول قدييمه << يعني لها خبره

وانشاء الله الاعضاء اللي مضللين في كول يفيدونك

يمدحون النانو سيراميك
اللي موجود اعلانها فوووق

انا سيارتي مظلله عند في كول

صراحه شي خياااااال تحس بفرق عن السيارات الي مو مظلله

ابعد عن في كول ترا فاشل وشغلهم مثل وجيهم
عندك جونسون او سولار قارد هذا افضل نوعين وعن تجربه من افضل الأفلام وسعرهم معقول
واسأل اللي ضلل جيوشلد الكل يمدح بس اتوقع سعر غالي شوي

جونسون 100% وتقدر تسوي حمايه واجهه عندهم
شغلهم تمام والسعر كمان معقول لا تروح لزيبارد نصابين والعازل مو كويس

أسعار في كول :-
التضليل كامل مع القزاز الامامي طبعا حسب رغبتك في الدرجات : 1900 ريال
حماية الواجهه مع اطراف البيبان مع التنده من فوق لين قبل الفتحه بشوي مع المريا من الخلف وورا مقابض البيبان : 2600 ريال

اخوي انا كنت اغسل السياره امس عند جونسن ولقيت واحد واقف يغسل السياره تضليله في كول وسألته كيف التضليل معاك عاد قلي انا راح افكه واركب جونسون يوم سألته عن الاسباب قالي انه سيارات اخوياه كلها جونسون وجربها كلها ولقاها احسن من تضليله هذا كلام الرجال انا ما جبت شي من عندي ولك الاختيار وموفق ان شاء

مبروك ع السياره و يعطيك خيرها و يكفيك شرها

مالي خبره في السيارات الاخوان اكيد موب مقصرين

السلام عليكم ورحمه الله

ياخووك انا مركبنه صار لي اسبوع وتمام التمام

صراحه انا ركبته عشان الوالد سيارته اكثر من خمس سنين في كول وماشكه منه

بس انصحك فيه

هلا بك اخوي انصحك في 3m