السلام عليكم و رحمة الله و بركاته.

أخواني

أحب أن أشكركم على تفاعلكم معي وهذا ان دل، فإنه يدل على طيب أصل كل واحد فيكم، لكن فيه مشكلة:

أولاً: أنا رفعت شكوى ضد الشركة فقط أصالة عني وفي ما يخص موضوع علبة الفيوزات.
ثانياً: طلبت من كل الشباب اللي يشتكون من هذه المشكلة ارسال بياناتهم على ايميلي علشان ارفقها مع شكواي لأثبت للوزارة انه المشكلة عامة وليست خاصة. اذا نجحت فلا يحتاج انه كل واحد فيكم يروح يشتكي مثلي في الوزارة، وكل ما عليك فعله الذهاب للوكيل والمطالبة بحقك، ولكن للأسف لم يرسل الا ثلاثة اشخاص فقط.
ثالثاً: بالنسبة لموضوع طرمبة الدريكسيون و الدودة اللي أنا شخصياً لا أشتكي منها، فقد لاحظت انه موديل سيارات أكثر اللي يشتكون هو 2008، وعلى حسب كلام الوزارة انه هذه مسألة أخرى تحتاج شكوى أخرى.

أحداث الجلسة الأولى اللي صارت في وزارة التجارة يوم الأحد 17.04.2011 هي كالتالي:

رحت على حسب المود والا التلفون يرن وانا في وسط الطريق ويطلع موظف الوزارة يوقولي وينك يا أخ شرف (وكيل شركة عبدالله هاشم موجود عندنا) طبعا وصلت ووجدت واحدسعودي من الشركة قاعد بالمكتب. قالي موظف الوزارة قول ما عندك يا شرف، طبعاً اخوكم ما قصر حكيت القصة و في نص الكلام قاطعني الوكيل و قال يا أخي انا مو جاي أحل المشكة أنا جاي اعرف ايش المشكلة علشان اوديها الشركة هناك في جده بس.
قلت لموظف الوزارة ايش رأيك. قال الموظف مين يا شرف اللي قالك انه المشكلة عيب تصميمي أو مصنعي في الشركة نفسها. قلت له فلان وفلان. قالت الوزارة تجيب لنا موظفينكم للتحقيق بشأن العلبة. قال الوكيل لا ما احضر أحد. قالت الوزارة اذا ما راح يحضرون راح نوقف كل معاملاتكم رسمياً وراح نفتح تحقيق في المشكلة. المهم انه الوكيل سحب تلفونه وراح ورجع يقول انشاء الله اجيب لكم رد الموعد القادم. طبعاً ما أخذنا منه لا حق ولا باطل بس الوزارة حذرته وقالت له حل مشكلة الزبون ولا تخلون الوزارة تحلها قال الوكيل خير انشاء الله
طبعا انا طرحت مشكلة طرمبة الدريكسيون ولكن الوزارة قالت مشكلتنا الآن هي علبة الفيوز بس اذا فيه شئ سوي شكوى أخرى واذا لك شي اثبته.

المهم في الموضوع كله انه كل اللي أرسلو لي مشكلتهم طرمبة الدريكسيون مو علبة الفيوزات. انا ابغى عدد كبير علشان اسوي منها قضية عامه وليست خاصة. انا ما اقول اني راح اجيب حق كل واحد فيكم ولا أوعدكم بشئ انا نفسي ما اظن اني اقدر عليه. بس على الاقل امهد لكم الطريق علشان يسهل عليكم طريق المطالبة بحقكم.

كان نفسي أرجع لكم بشئ أحسن من كذا بس بدون تفاعلكم معي ووقفتكم انا ما أقدر أسوي شئ.

وللمعلومية انا عندي موعد ثاني الأحد القادم مع نفس الأطراف.

شكراً للجميع.