الموضوع: ابغى نصيحة اخوية ابغى اشري سيارة

كيفكم شباب انا بصراحة اول سنة جامعية و ناوي اشتري سيارة وفلوسي حول الثلاثين الف ومخير في اكورد 2005 او 4 او صني 2010
بالعربي ابغى سيارة تماتيك وش احصل بهالقيمة سيارة حلوة تكفون
:d
وتصبر وعملية

والله انا ماعرف بهالسوالف .. بس إذا على قولتك تبي عمليه و ماتصرف فـ الصني تكون زينه ..
اما إذا تبي اكورد 2005 مدري كم سعرهم ....

اتمنى الأعضااء يفيدونك اكثر

نصيحة من اخوك
لا تاخذ اكورد الا اذا كان جيبك مليان فلوس
بس انت تقول طالب جامعي والمكافأة ما راح تكفي اذا خربت عليك قطعها نار
انا اخذت مستعمل اكورد والى يومك انا ندمان
تبي تريح راسك تويوتا تويوتا وبس

المشاركة الأصلية كتبت بواسطة ابن المدينة

نصيحة من اخوك
لا تاخذ اكورد الا اذا كان جيبك مليان فلوس
بس انت تقول طالب جامعي والمكافأة ما راح تكفي اذا خربت عليك قطعها نار
انا اخذت مستعمل اكورد والى يومك انا ندمان
تبي تريح راسك تويوتا تويوتا وبس

لا التيوتا راحت ايامها .. يقولك بعد التسونامي اللي حصل باليابان اللي هو مكان شركة تيوتا الأصلي .. يقولك راح يسكرون الشركه اللي باليابان و كل فروعها اللي بأمريكا .. يعني في احتمال ان قطع غيار التيوتا يصير ناااااار زي الأكورد ..

هذا و الله اعلم :d

يمدحون الكورولا بوجه نظري عملية اكثر من الصني وقطعها متوفرة ورخيصه

او الاكسنت هونداي الشكل القديم

بالتوفيق عزيزي

نصيحتي لكـ خذ كورولآ 2005

[QUOTE=King;510980]الافضل تشوف لك سيارة جديده من السيارات إلي ذكرها الاخوان.

صني او كورلا من الموديل الجديد, لأن اقل شيء راح يخدمك إلى 5 سنوات وقتها تقدر تجمع لك مبلغ محترم وتاخذ لك سيارة جديده سواء هوندا او شركة ثانية (من غير تعصب!)

شكرا من الاعماق كلام سليم فعلاً

يعطيكم العافية على النصائح ولكن هل من مزيد خخخخخخ من جد انا صعب اني اقتنع بالسرعة :o

أفضل لك غير الآكورد ..

بسبب قطع الغيآر ~

وآتوقع تنآسبك كورلا ..

بحكم انكـ طالب واول سنه يعني قدامكـ اذا ربي كتبلك عمر ان شاء الله من 4 / 5 سنوات دراسه

افضلكـ سيارة تكون اقتصادية وصغيرهـ وبنفس الوقت تقدر على قطع غيارها وصيانتها بالمستقبل

الاكورد ما انقول فيها شي سيارة عملية ولاافضل في فئتها من ناحية الجودة

لاكن بالنسبة لوضعكـ ماتناسبك بصارحة لا من ناحية قطع الغيار والصيانة !! خصوصا انك بتاخذ مستعمل وموديل قديم !!

وانت على الله وعلى ها المكافئة وانا جات في وقتها زين :d

مثال / يمكن تخسر اكثر من نصف المكافئه بفحمات ((وهي قطعه استهلاكية فبمالكـ بالقطع االاخرى ))



الصني سئية بكل ماتعنيه الكلمة ولعلمكـ تراها صناعتها كورية مو يابانية !!

الاكسنت اشوف ان الافضل وبالفلوس الي معاكـ بتحصل موديل 2010 و 2009 ((الشكل القديم))

لو بتوصل للا الاربعينات الموديل الجديد 2011 روعة شكل مختلف كليا وزادو قوة المكينه


بالتوفيق يا الغالي وصل صلاة الاستخارة

وعساء ربي يكتبلك الي فيه الخير

زي ماقال اخوانا افضل شي لك كورلا من الموديلات الشكل الجديد
وافضل وتصبر لاتنسأ انها تويوتا تعيش معاك
تقبل تحياتي لك

انصحك بالأكووووورد
ابحث عن النظيف .. وراح ترتاح معاها .. واوسع من الكورلا والصني وصدقني فلوسك بتجيبلك 2004 تماتيك وفتحة واهم شي (ماتنقص زيت) مثل التويوتا الجديد ..
انا اخذت اكورد مستعمل له معي تقريبا سنتين ماغيرت الا رمان واحد بسبب خطا مني ..واكدها للعمل شهريا 4 سفريات
من الجنوب الى الرياض رايح جاي لا اعطال ولا شي ..
اللهم ادمها من نعمة واحفظها من زوال

طالب وعلى المكافاه لاتقرب الاكورد :d

يمدحوا الاكسنت ولا الصني ولا الكورولا وانت اختار عاد

هالسيارات الصغيره اقتصاديه وعمليه وصيانتها ماتكلفك مبلغ كبير مثل الاكورد

حافظ عليها قد ماتقدر وبتمشيك ان شاء الله لين تتخرج

واذا تخرجت طق لك اكورد 6 سلندر وكاله :d

30000 ريال

تقدر تاخذ كورلا موديل 2005 توماتيك

صني 2005 او 2006 او 2007 اسعارها تترواح مابين 15000 الى 25000 على حسب النظافه

اما الاكورد لا تشتريها الا اذكانت 0000000 <<<اصفار يعني جديده

شباب انا اشكركم على نصائحكم وتفاعلكم ومرة اخرى شكرا انا فعلاً اعرف ان الاكورد قطع غيارها غالي وانا معي هوندا اكورد 1995 من اولى ثانوي لين الحين والله انها صبورة تجيب اكثر من 160 بالراحة بس انا اخاف من السرعة يعنني المهم ما غيرت فيها سوى رأس عكس ب 190 و اصلاح ومساعدي وكل هالفترة معاي صابرة يعني تخيل ايام الثانوية وما يصاحبها :d من سرعة
شكرا للكل

المشاركة الأصلية كتبت بواسطة meshoo

ترا ياشباب كبرتوا الموضوع بخصوص خرابات الاكورد

الي يقول ان كل واحد فينا جيبه ينقط فلوس

اذا حصلت اكورد نظيف توكل على الله او خذ لك سيفيك 2009 سياحي مستعمل نظيف بتحصله بذا السعر وعلى الاقل فيه مثبت سرعه + abs والسيفيك معروفه مايحتاج

او اذا تبي شي جديد خذ لك اكسنت الجديده مع اني افضل السيفيك المستعمل

و الله عاد احنا ناخذ من تجاربنا عشان كذا

يعني أنا أخذت موتري من ولد عمي و نظيف من سنة تقريبا

قطيت عليه تقريبا حول 5000 ريال من قطع و القطع الإستهلاكية بس كلفتني 1800 ريال فحمات و فلاتر و زيت الجير و الخ ...:d

و الدودة كلفتني حول 1000 ريال و الكرسي كلفني 500 ريال يعني كلفتني شوي

حبيبي مافي زي الجديد

وانت براااحتك

خذ الصني بتمشيك خلال المرحلةالجااامعيه بدون اي مشاكل ان شاء الله