السلام عليكم و رحمة الله و بركاته

أولاً أنا آسف على عدم اطلاعكم على آخر التطورات لانشغالي في أمور عملي المتعبة.

أخذت اجازة يومين من العمل بعد طلعت الروح (ثلاثاء و أربعاء) الماضيين واتجهت لجدة لتقديم شوى جماعية لكل الرجال اللي أرسلو لي بياناتهم و عددهم 47. للأسف فرع الوزارة في جدة رفض الشكوى الجماعية و قال خليهم كلهم يشتكون عن أنفسهم زيك. طبعاً فرع الوزارة عالم آخر ما أحب انكم تجربوه. الله المستعان.

لكن أنا أتمنى منكم كلكم أنكم تأخذون الموضوع بجدية و تتجهون إلى أقرب فرع و تقدمون الشكوى عن أنفسكم. هذا اثبات ان المشكلة كبيرة و تحتاج حل من قبل الحكومة.

بالنسبة للشباب اللي في جدة، أنا عندي موعد مع الوزارة و مندوب الشركة الأربعاء القادم (15.06.1423 هـ) الساعة 10 صباحاً. اللي حاب يجي معي هناك يتوجه للدور 8 عند الاستاذ خالد الغامدي المسئول عن قضايا السيارات.

اذا رحنى جماعة راح نكون أقوى. وراح نحاول ندخل على مدير الفرع علشان يدعمنا.

للمعلومية حتى الصحف رفضت تدعمنا بسبب انهم ما يقدرون يخسرون عميل معلن عندهم. أين حق المواطن يا صحفنا!


أسأل الله العلي القدير أن ينصرنا على الظلمه اللي ملو البلد. حسبي الله و نعم الوكيل.

شكراً