الموضوع: واخيرا شاشة الاكورد الاسبشل !! New

المشاركة الأصلية كتبت بواسطة Badr F.R.7

صح كلامك يا بعد روحي .. الشاشات المتوفره استيل كول القديمه و الجديده و انا يوم الخميس الماضي شفت ملتيميديا و شكلها مثل الاستيل كول الجديده و عندك طبعا الشاشة اللي في موضوع أبو صالح الرود ماستر و شكلها مثل الاستيل كول القديمه .. اما الاوتو سول ماعرفها :o
يعني تقريبا خمس شاشات .. يعني طبيعي لازم تحتار بينها

لكن أبشركم اني توكلت على الله و ركبت شاشة الرود ماستر يوم الخميس .. يعني صار لي يومين و أنا احس نفسي كشخه :d

و الحمد لله الى اليوم ما شفت فيها عيوب .. و كل كلام أبو صالح في محله
و الغريب اني ما حصلت الاستيل كول الجديده في أغلب المحلات المشهورة في الغرابي !!

مع أني اول ما شفت الرود ماستر خفت منها .. لانها نفس الاصدار القديم من الاستيل كول اللي طبعا فيها عيوب المكيف و الدرج !
بس توكلت على الله و ركبتها .. و حطيت ثقتي في الرود ماستر و في أبو صالح و فالمهندس .. و الله يستر ان شاء الله .

انطباع بسيط عن الشاشة :
- لاحظت قوة الصوت فيها تحس انه اقوى من مسجل الوكاله !! ما شاء الله .

- لاحظت قوة دفع المكيف اول ما تشغله تكون بطيئة نوعا ما .. يعني ياخذ ثانيتين تقريبا و بعدها يصير طبيعي .. بس أشهد ان برودة المكيف ما تغيرت عن الوكاله .. طبعا هالكلام الى وقت كتابة ردي هذا .. و اذا لاحظت شي راح أبلغ الجميع

- اللي استغربته من كلام المهندس ان هالشاشه فيها التلفزيون الارضي الرقمي DVB-T و وان الاستيل كول القديمه و الجديده ما فيها !! .. عاد ما أدري هل صحيح هالكلام او لا .. على ذمة صاحب المحل
بس صراحة القنوات كلها صافية و واضحه .

- طبعا على طول شريت سلك AUX و جربته و طلع تمام .. و بعد جربت البلوتوث بالاتصال و بالموسيقى اللي بالجوال و كلها تمام التمام ما شاء الله

- GPS صراحة ما شاء الله على طول اتصل و ما أخذ وقت و هذا أهم شي
بس ترى انا ما تعمقت فيه بشكل قوي .. يعني للحين تحت التجربة

- و شخصيا احس فيها اشياء كثيره ما جربتها الى الان بشكل قوي

- التكلفه كانت أرخص بكثير من المعروض في الموضوع .
2200 ريال قيمة الشاشة + التركيب
طبعا بدون كام خلفي

* ملاحظة على التركيب : حسيت ان المهندس ابتلش شوي في الدرج لكن انا وقفت بحلقه و وصيته عليه و قلت له اذا المكيف و الدرج ما يطلعون تمام راح اكنسل الشاشة نهائيا
و كان رده : ما عليك لا تخاف كل شي عندي
و طبعا من هالكلام اللي يخلي الواحد يرتاح للشاشة
و للعلم ان سيارتي فل كامل .. يعني ما يحتاج تجريح اسلاك او ترهيم
كلها تركيب افياش و بس
و الحمد لله

* ملاحظة ثانيه : لما سألت المهندس عن قوة تحمل الشاشه .. قال ترى الواحد يحمد ربه اذا الشاشه اصبرت معاه سنه كامله .. و هالكلام ينطبق على جميع انواع الشاشات !
و صراحة هالكلام خوفني و كنت راح الغي سالفة الشاشة نهائيا :(

بس الحمد لله الى الان الشاشه ابداااااااااع و ان شاء الله دوووووووم :d:d:d

و الله يوفقك الجميع باللي يختارون
و مشكوووور يا أبو صالح على النصيحة الصادقة

الف الف مبروك يابدر الشاشه وتستاهل كل خير

بالنسبة للدرج اكيد لازم يركب صح ولا راح تكون مشكله في الديكور

لكن الربع متمكنين

وحبيت اذكرك بشغلة الجي بي اس اتوقع ركبو لك الاصدار الجديد 2011 زي اللي كان معي

بس صعب وماعرفت له وغيرته 2010 اسهل وافضل وكل شي

لو حبيت تغيره ارجع لهم وما راح يقصرون معك بدون مقابل

بالنسبة لعمرالشاشه عندي ولد عمتي مركب في الفورد اللي معه شاشه رود ماستر من 4 سنوات والله الى يومك شغاله

ترى على حسب الاستخدام والمحافظه

وخذي مني نصيحه لوجة الله :

1- اذا وقفت في اي مكان لمدة طويله في النهار حط الشماسيه وحط سجاده صلاه على الطبلون لتغطية الشاشه بالكامل لحمايتها من الشمس ومن بعض اللي مايخافون الله

2- اذا مريت في طريق كله حفر او طريق بري ( جـلد) طف الشاشه نهائياً وهذي النصيحه مذكوره في كتيب الشاشه للتذكير عشان لاتتعرض لصدمات كهربائيه

اعمل بهالنصيحتين وراح تموت السياره والشاشه ماماتت <<<< فال الله ولا فالك :d

وفيه نقط مهمه

*اذا شغلت الجي بي اس راح تبطي معك بعض الاوامر مثل خفض الصوت او غيره وهذا طبيعي بسبب البرنامج فقط

والافضل انك لو حبيت ترفع صوت المسجل او تخفضه تضغط على قائمه الاعدادات في برنامج الملاحه وارفع او اخفض ومن ثم اضغط على زر الرجوع الى الخريطه وكذا حلينا مشكلة البطء بكل يسر وسهوله

* اذا انخفض صوت المسجل من دون سبب فتذكر ان في هذه الشاشه خاصية خفض الصوت اوتوماتيكي عند الفرمله

* اذا حبيت تطفي السياره اطفىء المكيف اولاً ثم اطفىء الشاشه بالضغط المطول على الزر واعمل بهذه الالية دائماً للمحافظة على الشاشه

هذا كل ماعندي ولاشكر على نصيحه مبتاغها لوجة الله

ومبروك عليك الشاشه مره اخرى والله يعطيك غيرها وكيفيك شرها وشر الفهاوه فيها:d