الموضوع: ابشتري اكورد وابي فزعتكم يا شباب تكفون

هلا فيك يالغالي

بخصوص وزن الاذرعة هذا شيء طبيعي ولا فيه اي عيب وعادي كل سيارة بعد فترة معينه لازم لها وزن خصوصا اذا كنت بجدة لازم كل اسبوع

وبخصوص الكليبر رح للوكالة ويغيرونها لك مجانا لانه فيه عيب مصنعي

ما يبقى لك إلا دودة الدركسون يحتاج لها اصلاح خذ القطع من الوكالة ورح لورشة مضمونة خارج الوكالة ويصلحونها لك لان الوكالة تبيع قطع الاصلاح و ولا تصلح لك يقولون نغير الدودة وهي بحدود 3000 ريال يعني نصب في نصب ومع ذلك بترجع المشكلة لكن الحل الافضل الاصلاح

وربلات الشكمان ما عندي فيها خبرة يفيدونك الشباب


وبالنسبة للدودة ارجع لموضوعها مرة اخرى فيه موضوع منزله اخوي : دنيا الغرور وهذا الرابط حقه

http://www.hondaarabia.com/club/t47280/

خشة وشف التعليمات و ارسل بياناتك وان شاء الله يجيك الفرج و الله يفرجها علينا جميع


بس توكل على الله واشتريها و الله ممشاها ممتاز بالنسبة لسيارة مستعملة بس تأكد من انها سليمة من الحوادث وافحصها قبل لا تشتريها و الله يوفقك


وسلامتك ،،،

يعطيكم الف عافية على التطمين .. بعد الفحص طلعت لي المكينة والسلندرات كلها سليمة والشاسيه والعكوس والقير كلها تمام والميكانيكي قال لي مثل ما قلتم انه اصلاح فقط للدودة ولا تغيرها وكتبها بيده في التقرير

طبعا فيها بعض الرشوش مثل ما قال لي راعيها بصدق .. وفعلا بعد فحص البودي علمني العامل وين مكان الرشوش بالضبط وقال انها رشة ممتازة بدون استخدام المعجون في اطراف باب الراكب وكذلك في الرفرف الايمن (وهذا اللي رخص سعرها شوي وانا راضي بهالعيب)

واذا شريتها بحط شكواي من الدودة مع شكاوى الشباب لعل وعسى نطلع بفايدة من هالوكالة

باقي سؤال واحد ما جاوبتوني عليه بس يا شباب .. كم تكلفة صيانة 80 الف؟ >>> لا تضحكون عليه اذا ما فيه صيانة عند 80 الف :o .. قولوا لي اقرب صيانة منها وكم تكلف بس :d


شكرا مرة ثانية

المشاركة الأصلية كتبت بواسطة nietzsche

يعطيكم الف عافية على التطمين .. بعد الفحص طلعت لي المكينة والسلندرات كلها سليمة والشاسيه والعكوس والقير كلها تمام والميكانيكي قال لي مثل ما قلتم انه اصلاح فقط للدودة ولا تغيرها وكتبها بيده في التقرير

طبعا فيها بعض الرشوش مثل ما قال لي راعيها بصدق .. وفعلا بعد فحص البودي علمني العامل وين مكان الرشوش بالضبط وقال انها رشة ممتازة بدون استخدام المعجون في اطراف باب الراكب وكذلك في الرفرف الايمن (وهذا اللي رخص سعرها شوي وانا راضي بهالعيب)

واذا شريتها بحط شكواي من الدودة مع شكاوى الشباب لعل وعسى نطلع بفايدة من هالوكالة

باقي سؤال واحد ما جاوبتوني عليه بس يا شباب .. كم تكلفة صيانة 80 الف؟ >>> لا تضحكون عليه اذا ما فيه صيانة عند 80 الف :o .. قولوا لي اقرب صيانة منها وكم تكلف بس :d


شكرا مرة ثانية

هلا فيك يالغالي

بخصوص الصيانة انتظر إلى صيانة 100 الف كيلو وسويها

وهي يكون فيها التالي ( بالنسبة للوكالة ) :

1- تغيير زيت الجير + الفلتر

2- تغيير زيت المكينة + السيفون

3- تغيير فلتر الهواء

4- تغيير فلتر المكيف

5- تغيير البواجي ( هذي على حسب كلام الميكانيكي )

6- تغيير فلتر البنزين ( بس فلتر البنزين يحددها الميكانيكي اذا كانت تحتاج لتغيير او لا )

واذا فيه شيء ناقص ما يقصرون الاعضاء

وسلامتك ،،،