سؤال
شيكت كراسي الشكمان ؟؟؟
مشكلة رجفتك عند السرعة احتمال 90 % انها بسبب احد كراسي القير او احد كراسي المكينة .. ركبت نوع تجاري او اصلي ؟
السلام عليكم
سبق و كتبت من قبل أني سويت حادث بالسيارة و بعدها غبت عن المنتدى و الحين رجعت من جديد ،، صلحت السيارة و كلف تصليحها قريب 30.000 ريال
فيه مشكلة كانت بالسيارة قبل الحادث و الآن تطورت بشكل كبير جداً و لا أعرف سببها
لما كنت أوصل سرعة 60 كلم تظهر رجفة بسيطة بالسيارة و تختفي لما أتجاوز السرعة هذي
و طبعاً ما تظهر إلا و أنا أكون ماشي برواقة ، أما لما أكون داعس الدواسة كاملة ما تظهر عندي .
الآن بعد الحادث صارت تظهر على 60 و أحياناً على الـ 80 و أحياناً تستمر حتى الـ 100 كلم و تروح بعدها ،
و أيضاً لما تكون السيارة واقفة ترجف شوي و لما أشغل التكييف ترجف بقووة
علماً .. بأن موديل السيارة 2004 ، فل كامل و قير أوتو ، كنت شاك بأمور تسبب الرجفة سواء أثناء
الوقوف أو السير بالسيارة منها .. كراسي المكينة ، و التواير أو الجنوط و كذا ..
و غيرت كراسي المكينة كاملة مع الكمر أثناء السمكرة ، و بعد السمكرة غيرت جنوط و تواير السيارة بالكامل
بالإضافة إلى تشييك كامل السيارة من الأسفل
الحين !!
بعد كل هالقصة .. لا زال عندي صوت المكينة مرتفع شوي ، و السيارة ترجف شوي لما تكون واقفة
و ترجف بقوة لما أشغل التكييف ،، و ترجف و أنا ماشي بها أحيانا على الـ 60 أو 80 أو 100 كلم .
وين المشكلة !؟ و شنو الحل يا اخوان
سؤال
شيكت كراسي الشكمان ؟؟؟
مشكلة رجفتك عند السرعة احتمال 90 % انها بسبب احد كراسي القير او احد كراسي المكينة .. ركبت نوع تجاري او اصلي ؟
Honda Inspire : The other face for German Currency
حبيبي روح للوكاله خلي فني يطلع معاك ويشيك ع المشكله
وغير كدا إنزل الصناعيه ودور على كدا ورشه وشوف إيش بيقولون لك
لأنو بصراحه أحس الي في الوكاله قامو يفتو كتير على روسنا
يا هلا بك أخوي ..
أنا من أهل الشرقية وورش الصناعية حقتنا عندهم حكمة .. و هي [ ايس هذا ؟ هوندا ؟ روه وكالة ] :p
و الوكالة لازم تحجز موعد لأنه عبدالله هاشم غرق الدنيا بالأكوردات و مع ذلك مو جاي يفتح له فروع و مراكز صيانة زي باقي الوكالات مع أنه مدخول وكالته أتوقع ينافس كل جيرانه من الجميح و توكيلات الجزيرة و التوكيلات العالمية و غيره على طريق الخبر - الدمام السريع !!
:(
مشكله لمن تمشي 60 الى 100 اغلب شي تكون من الكفرات سوي ترصيص اما مع المكيف مدري والله
صراحه غريبه دام كراسي المكينه جديده والكفرات جديده
مواقع النشر (المفضلة)