كان عندي سيفيك قبل حوالي 9 سنوات او اكثر أو أقل المهم ناسي من كثر كابدلت سياراتي

طولت السيارة عندي وشريتها ومركب عليها كفرات فالكن وركبت لها طقمين طوال فترة امتلاكها وبصراحة الكفرات تتحمل بشكل ممتاز

رحت عليها مشاوير غير طبيعية والكفرات ممتازة وصرت اداوم من رأس تنورة الى القرية اللي تبعد 40 كيلو متر شرق بقيق ( لاتدققون كان عندي سكن بس اللي ماراح للقرية مايعرف وش معنى طفش لمدة اسبوع ماترجع الا بالاوف )

المهم يعني لو حسبناها يمكن تطلع يوميآ كذا رايح جاي 450 كيلومتر أو 500 كيلومتر ولا مرة انسلخ التاير او طلعت فيها مشاكل وسافرت مكه مرتين والامارات وقطر وكانت ممتازة

لكن مادري عن وضعها الحين جيدة ولا تغيرت هذي تجربتي وجدآ الكفرات ممتازة وقت استخدامها