بالنسبة للي ما يريدون الهوندا او فقدوا الاقتناع فيها بكل بساطة بالامكان بيعها وصدقني السوق في المستعمل في طلب زايد على الاكورد وتقدر تبيع بسعر افضل من رائع بكثير
الاكورد كما يقول اللي ما يبونها بطيئة وغير سريعة وقليلة المواصفات وكل شي سيء يقولونه
وانا اقول ان الاكورد في عام 2003 لما نزلت اعطت الفل مكيف منفصل لليمين واليسار ونظام abs و ebd ابتداءا من الاستاندر
واعطت التعتيم التلقائي للمرايا الوسطى وفي ذاك الوقت كان الكل يقول مواصفات ومواصفات ومواصفات في الاكورد وكان يضرب فيها المثل من قبل كثير من اللي يذمونها الان
وفي عام 2006 ثاني نوع من انواع السيارات في ذاك الوقت بعد الكاديلاك تحط لمبات ليد خلفية
كان في ذاك الوقت الشباب يحطونها ب 300 ريال في سياراتهم يقلد الاكورد فيها وغير كذا طبلون الليزر ونظام vsa مانع الانزلاق
في عام 2008 صارت السيارة من اضخم السيارات في فئتها والى الان لا السوناتا ولا الازيرا يعطونك نفس حجم المساحة الداخلية
لكن سبحان الله مع المغريات في عالم السيارات صارت الاكورد بكل بساطة كخة لانها ليست بالسرعة اللي عليه الجيل الجديد من السوناتا اللي توه انطلق ولا هي بالقوة اللي عليها المكسيما حاليا وهي ايضا جيل جديد ولا هي بالمواصفات اللي عليها الفورد توروس وهي ايضا بجيل جديد كليا
ننتظر الجيل الجديد من هوندا اكورد 2013 وذاك الوقت راح نقارن بينها وبين الاجيال الجديدة من السيارات اللي تتكلمون عنها
وغالبية اللي يذمون ويسبون راح يرجع ولاءهم مرة ثانية للهوندا
في الواقع بتصير حرب بين النيسان والتويوتا والهوندا وحاليا لا اقارن ابدا
رد مع اقتباس
مواقع النشر (المفضلة)