انصحك انك تسوي صيانه ال الف .. لانها مجانيه
واشتر لك 5 فلاتر زيت من الوكاله
وعلبه زيت دركسون ..
ورحت للغرابي واشتر لك كرتون زيت من نوع بوترومين خفه الزيت تكون من 20 على 50 ..
طبعا في الصيف
اما في الشتاء انصحك يكون الزيت خفيف وتاخذ لك كرتون 10 على 30 لان السياره جديده

طبعا بتسالني ليه ااخذ كرتون زيت .. انت عارف كم تحسب لك العلبه لو تشتري جمله كرتون ؟؟

طبعا الكرتون فيه 24 علبه زيت .. وانا شاري قبل اسبوعين الكرتون ب 220 وقبل كان ب 190

حسبتها طلعت تسوي علي العلبه الوحده ب 9 ريال
اما البناشر يحسبونها لك ب 14 ؟؟؟

وثاني انصحك تروح للصيانه خلال 30 الف اذا لاحظت شي .. اما اذا لم تلاحظ روح صيانه 40 الف عشان يغيرون اشياء مهمه استهلاكيه .. وبعدها 60 الف عشان اضاهر زيت القير وبعدها 100 الف عشان البواجي واشياء مهمه

اما الصيانات الاخرى ماهي مهمه .. للاسف الناس تحسب الوكاله اهي كل شي لاكن لو تحسبها صح

الان خلال 100 الف ممشي السياره الصيانه تاخذ عليك مبلغ 10 الاف ريال !!! حق الصيانه !! لو كنت مواظب عندهم

لاكن السؤال الي يطرح نفسه .. هل السياره خلال 100 الف .. بتطلب منك 10 الاف قطع ؟؟؟؟ اتوقع الاجابه لا !!! اذا كثرت كثرت هذا اذا لاحظت شي في السياره 5 الاف وانت تضحك ..

لاكن مانقول الا ان شالله مايصير شي والله يعطيك خيرها ويكفيك شرها ..

وبالنسبه للفحمات انصحك تشيك عليها بعد 30 الف .. لان الحمد لله انا استخدامي متوسط الى محافظ تقريبا ولما شيكت على الفحمات خلال 25 تلف طلع باقي نصها تقريبا مشالله تبارك الله ..
واذا بركب فحمات ثانيه بركب فحمات نيسن يابانيه اطلق من الوكاله بالف مره وكثير من الاعضاء مركبينها ولا اشتكو منها ..

في الاخير .. الله يعطيك خيرها ويكفيك شرها