ساعدوني في مشكلتي مع الصوت ..

**كاسر الريح** · 19-08-2011, 06:23 PM

أدخل في الموضوع مباشرة ..
دخلت موتري أكورد 2006 في ورشة لأجل ( تشحيم العكوس - تربيط - كبس مساعد أيسر - خرط الدودة )

بعد ما طلعتها طلع معي صوت حنة شبيه بالدباب :d اسمعه قدامي في الجانب الأيسر
رحت له وتهاوشت معه لكن الباكستاني باكستاني الله يوفقه ما يعرف يطله مصدر الصوت

طبعاً أنا ديني ودين الأصوات ما يمديني أسمع صوت في السيارة إلا مسنتر عند الورشة :( ،

ياليت تساعدوني في التخلص من هذا الصوت

**هاي الشرقية** · 19-08-2011, 06:49 PM

والله يبعد قلبي مدام الصوت ماطلع الا بعد التصليحات هناك شي غلط بالتركيب طيب خلينا نبدا خطوة خطوة انت قلت الصوت يطلع مثل صوت الدباب طيب الدباب اي حجم :d اسف طلعنا برى الموضوع وقلت من جهة اليسار وانت تقول سويت كبس حق مساعد ايسر اذن المشكلة من نفس المساعد ارجع حق الي ركبه وفقع وجه وبما ان الي ركبه باكستاني اجل صعبه تفقع وجهه روح حق ورشة خاصة وقولهم يفكونه ويركبونه من جديد
مع تحيات هاي الشرقية يارب متى اصير مشرف:o

**كاسر الريح** · 19-08-2011, 07:36 PM

ههههههههه
الله يقلع شيطانك ،
بس وأنا أخوك صوت الحنة ما لها دخل بالمساعد ، لكن أنا أذكر إذا كان الصوت صوت بانشي سوزوكي يكون البلا في المكينة ، والعلم عن الله