الموضوع: مطلوووب قطعه ضروري لهوندا 2004

المشاركة الأصلية كتبت بواسطة فـــيـــصـــل..607..

^
دايم ردودك تخليني اسئل امس عن زيت القير واليوم هذا الرد يخليني اسئلك قبل السحور

طبعا مشاكل الأكورد معروفه إن لم تكن محصوره
طبعا هالحساس يتأثر من الأتربه وكمية الغبار إلي تتجمع حول الثروتل
والخوف إنه يكون فيه مشكله او damaged للأحدى للقواعد للفلتر

وبالتالي مع مرور الزمن او مرور النسيم <<<<<بايخه :p

راح يتأثر الحساس

هذا اولا بالنسبه للحساس وليش يخرب

ردك يقول إن الحساس إذا انفك تخرب وزنيتـه

انا مريت بالمشكله هذي قبل اسبوعين بالضبط
طلبت الحساس قالوا يجي قطعه وحده كما هو معلوم

رحت عند ورشة الترس بالدمام

من اول ماشاف عداد الـrpm مرتفع

قالي تنظيف الحساس

وبالفعل فك الثروتل وبدأت معاناة فك الحساس استغرق ربع ساعه عشان يفك الحساس
ونضفه بالبنزين ورجع ركبه

والعزم رجع احسن من اول ..!!!

الرجال بصراحه كان مجتهد بشغلـه ومركز وشاد حيلـه

يمكن هو كان عارف الوزنيه او لا
لأن الورشه لهوندا ومعروفه واتعامل معهم

بالتالي ابتعد انا عن سعر خطير إلي هو 2500 قيمة الثروتل
ابتعد عن التشاليح وهمها عشان يالله تحصل اكورد خصوصا بتشاليح الدمام

والسعر كان بشغل اليد 100 ريال توفير +لازال الثروتل حق الوكاله +لم تخرب الوزنيه

لذلك انا اخاف انصح راعي الموضوع إنه مايشتري الحساس ويكتفي بتنضيف الحساس
ولكن كيف اقوله وانت تقول له لاينفك الحساس

حساس الدعسة لها وزنية تجي من الوكالة ولو فكها خربت ومو اي واحد يقدر يرجعها مثل ما كانت يمكن يقرب من الوزنية لكن ما يقدر يرجعها بالضبط مثل ما كانت

اذا كانت الوزنية قريبة من ضبط المصنع كان خير لكن مو الكل يعرف لها

في الواقع لما يسوونها في المصنع في جهاز للمعيار يسويها لك علشان توزنها مضبوط

خليه يروح لنفس الورشة اللي وديتها انت له ونفس الشخص هو اللي يسويها له وان شاء الله يضبطها له للمعلومية قليل يتوسخ الحساس هذا ويدخل اوساخ داخله ولو تنظف الثروتل بدي بانتظام ما تصير لك مشاكل فيه .


للمعلومية لما تنظف الثروتل بدي دائما تكون السيارة فيها دفعة وقوية لكن حتى لو ما فكيت الحساس ونظفت الثروتل بدي ايضا تعطي نتيجة قوية جدا