صوت الهوا ازعااج وش السواة؟

**وحيد الجزيرة** · 09-10-2007, 07:06 AM

السلام علييكم

السياره اكورد 2003..

واللي ملاحظه الحين اني اذا تعديت ال120 يبدا صوت الهوا يقوى واذا وصلت 150 احس ان فيه دريشه مفتوحه !!!
فهل احتاج ادبّل جلد الباب ولا وش الحل؟

**اكورد لؤلؤي** · 09-10-2007, 07:12 AM

الحال طال عمرك

طول على صوت المسجل واستمتع بقايدة الاكورد

وموب انت لحالك الي عندك تنسيم

عندنا وعندك خير :d

والله يعينا وياك

**أبو عــزوز ..** · 09-10-2007, 07:26 AM

جميع مُلاك اكورد .. يشتكون من الشي نفسه ..

الكمال لله سبحانه ..

**Daniel alves** · 09-10-2007, 07:37 AM

أخوي انا معاي سيفيك 2007

وعندي نفس المشكلة

الله يصبرنا

**ككتان** · 09-10-2007, 08:46 AM

ياصبر ايووووووووووووووووووووووووووب .......

وسع صدرك واركب اكورد فيها تنسيم ........

سؤال يطرح نفسه شباب ..... احس ان الشركه درايه عن هالمشكله ومطنشه ؟؟

**إنسان** · 09-10-2007, 08:18 PM

شباب حتى نكون دقيقين اسمه صوت هواء مو تنسيم
التنسيم نقوله لا حسيت بلفحة الهواء بوجهك وانت ماشي والدرايش مقفلة
بعدين كتلة حديد تمشي 160 ما تبونها تحتك بالهواء وتسمع صوته ، طيب بالله ما تسمعون صوت الهواء بدرايش البيت ، قولوا ايه ولا تروني بأحس ان بيتنا مو قد كذا :(، السيارة زي كذا

**i know you** · 10-10-2007, 12:49 AM

البانوراما بكبرها فيها تنسيم
وذا عادي لانه مثل ماقالوا الشباب طول على المسجل

**hondaway** · 10-10-2007, 12:59 AM

معليش ياشباب صوت عن صوت يفرق انا معي اكورد2007 وصوت الهواء مزعج
وولد عمي معاه ابيكا2007 ولاتحس بالهواء مطلعها ب60الف والاكورد ب81 الف وازعااااج
صراااحه شي يقهر؟؟؟؟؟

**ل م س 3 3 4** · 10-10-2007, 04:07 AM

من ناحيه الازعاج ابشر فيه في الاكورد ،،، لاكن تتوقعون التنسيم من وين يجي بالضبط

**هاوي اكورد** · 10-10-2007, 08:52 AM

الله يرحم ابوكم وامكم ان شاء الله قولو امين

هذا قبل لا اخذ السياره وكرهتوني فيها لاحول ولا قوة الا بالله العلي العضيم

ااااااااااااااااااااااااااااه حطمتوني قبل لاخذها

**و ص ص السعوديه 9 7 2** · 10-10-2007, 11:09 AM

اخوي انا معي هوندا اكورد 2007 ماسمع صوت تنسيم ابد بس اسمع صوت

الهوا الي برا بس اذا قفلت الفتحه راح الصوت

**كلاس وولد ناس** · 10-10-2007, 05:51 PM

ياشباب انا عندي هوندا سيفيك 2003 ونفس المشكلة عندي بس انا الصوت يطلع عندي لما أمشي على 70 وش الحل

**ككتان** · 11-10-2007, 05:06 AM

[quote=هـ ك هـ 7 6 0;56401]البانوراما بكبرها فيها تنسيم

كلام صحيح ..... وعن تجربه.

**الساهر66** · 11-10-2007, 06:57 AM

السلام ياشباب اخباركم

ترى الجلده دايم تنزل شوي اللي على البيبان تاكدوا منها لانها دايم تزلق شوي مع تسكير الباب خاصه بقووووووه انا كل اسبوع اشيك عليها وتراها والله تطلع صوت واذا ماتعرفون لها انا بااحاول اصورها لكم لكن هي اللي بطرف الجلده من فوق واضغطها على فوق وتركب معك ...

وشاكر لكم

**الساهر66** · 11-10-2007, 07:04 AM

غير كذا ياشباب ترى الفتحه لها جلده بعد انتبهوا للشي هذا بعد خاصه اذا كان كد طلع معها احد وتعلق .... باليوم الوطني مثلا؟؟؟؟ ولكن ماعرف لها لان واحد من الشباب بالقصيم راح واشتكى لهم 2006 اكورد وشيكوا ولقوا العله بالجلده اللى بالفتحه وصارت تمام وانا معي 2006 الحمد لله كل اسبوع امسك خط الهواء خفبف والجمد لله...

وانا من الخبره المتواضعه اللي امتلكها اقول وش رايكم بالشنطه اللي مالها غطاء اقصد الباب ماعليه جلده ولا شى من الداخل هل له سبب والله ابغى اجرب واشوف لان فيه فتحات وبحكم الضغط مع الخط يعني وجهة نظر ؟؟؟؟؟ ونشوف بالردود...

م ط ي * * * · 24-11-2007, 12:53 AM

الحل عندي ما في امل تسمع صوت

1- اول شي افتح كل الابواب
2-جب سطل
3-اشتر كيس سمنت وليص البيبان
هذا احسن حل :p

**accord 2007** · 24-11-2007, 04:41 AM

المشاركة الأصلية كتبت بواسطة م ط ي * * *

الحل عندي ما في امل تسمع صوت

1- اول شي افتح كل الابواب
2-جب سطل
3-اشتر كيس سمنت وليص البيبان
هذا احسن حل :p

ماشالله تعرف في امور البنا ======> لك مستقبل
واذا كاتب لانك تبينا نضحك طيب ولا تزعل:d

خلاص انبسطت

صح انوا بعض الناس ماتدري ايش تبغا

**هوندااوي** · 24-11-2007, 06:36 PM

المشاركة الأصلية كتبت بواسطة اكورد لؤلؤي

الحال طال عمرك

طول على صوت المسجل واستمتع بقايدة الاكورد

وموب انت لحالك الي عندك تنسيم

عندنا وعندك خير :d

والله يعينا وياك

هههههههههههههههههههههههههههههههههههههههههههههههههه هههههه
:d:d:d:d:d:d:d:d:d

الله يرجلك موتتني من الضحك
اهلي تحسبوني ينييت

اخي الغالي استمع لنصيحة الخبير الي فووق

واستمتع بقياادة الاكورد

تقبل تحيااتي

**الهادف** · 24-11-2007, 07:58 PM

هذي المشكلة شائعة في الأكوردات وللأسف لم يكتشف حل لها إلى الآن .. على العموم النقاش في هذا الموضوع غير مجدي ونتمنى من الشخص الا يجد طريقة مجدية وفعالة ان يضع لنا موضوعاً يفيدنا ..