زيت القير للأكورد 2009 لونه أبيض !!

**سلامات** · 13-09-2011, 09:45 AM

غيرت زيت القير للموتر لكن طلع لونه ابيض !!
حقيقة شكيت بالوضع ..

هذي اول مره اغير فيها زيت القير (توماتيك)

الموديل 2009
ماشي 100 الف

4 سلندر

افيدوني لو سمحتم

**كوورد** · 13-09-2011, 10:17 AM

انا مثلك غيرته امس ولون العلبه ابيض ومكتوب عليها mde in tailand
الضاهر ان الشركه تغيرت

**سلامات** · 13-09-2011, 10:34 AM

كووورد يابعد عيني والله هههههههه
اول شي صبحك الله بالخير حبيبي

ثاني شي اقصد الزيت القديم يوم فكه حصلنا لونه مايل للأبيض
مو العلبة

**alkasr777** · 13-09-2011, 04:04 PM

المشاركة الأصلية كتبت بواسطة كوورد

انا مثلك غيرته امس ولون العلبه ابيض ومكتوب عليها mde in tailand
الضاهر ان الشركه تغيرت

زيوت هوندا كلها من زمان و هي تصنع في تايلند

**كوورد** · 13-09-2011, 10:54 AM

ماعليش تراي مفهي

**MTS** · 13-09-2011, 02:04 PM

اظني انك ما غيرته من فتره طويله لان كل 40 يتغير زيت القير

**بلال العلمي** · 13-09-2011, 03:25 PM

اما احمر او انه يسود وينحرق ويصير اسود

لكن سؤالي كم مرة غيرته قبل المرة هذه ؟؟؟؟؟

**سلامات** · 13-09-2011, 03:53 PM

بلال العلمي مو قصور بالاخوان
لكن كنت منتظر ردك شخصيا على الموضوع

اول مره اغيره من طلعت الموتر وكالة يعني سنتين بالضبط
وانا امشي وادور واسافر عليها

يوم صارت 99 الف قلت بغير الزيت لكن تفاجئت بأن اللون ابيض !!

علما ان الغيارات بالقير كانت تمام ومازالت تمام بعد التغيير

افدني الله يخليك

لان بجد قمت افكر ببيعتها تحطمت ههه قلت معقولة الوكالة يحطون زيت ابيض !!
او هناك خلل صاير او ايش بالضبط

**بلال العلمي** · 13-09-2011, 05:26 PM

المشاركة الأصلية كتبت بواسطة سلامات

بلال العلمي مو قصور بالاخوان
لكن كنت منتظر ردك شخصيا على الموضوع

اول مره اغيره من طلعت الموتر وكالة يعني سنتين بالضبط
وانا امشي وادور واسافر عليها

يوم صارت 99 الف قلت بغير الزيت لكن تفاجئت بأن اللون ابيض !!

علما ان الغيارات بالقير كانت تمام ومازالت تمام بعد التغيير

افدني الله يخليك

لان بجد قمت افكر ببيعتها تحطمت ههه قلت معقولة الوكالة يحطون زيت ابيض !!
او هناك خلل صاير او ايش بالضبط

ههههههههههههههههههههههه

الوكالة ما حطوا لك الزيت المصنع في اليابان هو اللي حط لك الزيت

لان الزيت هون نفسه مشيت عليه ماشاء الله الى 100 الف بس لاتتعودها المرات الجاية غيرها كحد اقصى ما بين 35 الف الى 40 الف اما اذا سواقتك رياضية غيره بعد 25 الف

ثاني شي ما ابي اخوفك كونه طلع رغوي او تحول لسائل فيه بياض او ابيض هو شي مو حلو حقيقة وانا اسف لكن ابيك تجاوب على الاسئلة هذه

1- هل صدمت قبل كذا ؟؟؟

2- هل تم تغيير الرديتر قبل كذا ؟؟؟؟

3- هل فيه اي تصليح من اسفل السيارة من اي نوع كان اسفل مقدمة السيارة؟؟؟؟؟؟

**بلال العلمي** · 13-09-2011, 05:27 PM

هل كان على الشكل هذا؟؟

**traveller** · 13-09-2011, 05:31 PM

كيف يعني اللون ابيض هل هو مثل الطين او لونه مثل لون زيت المكينة المقصد ان زيت المصنع للهوندا مايجي لونه احمر يجي لونه ذهبي اما اذا كان ابيض مثل الطين انتبه ومباشرة خذها على سطحة وغير لها مبرد قيراحتمال اختلط زيت القير بماي الماكينه .لكن انشالله انك مستغرب من ان زيت المصنع لونه مو احمر وبالتوفيق .

**بلال العلمي** · 13-09-2011, 05:35 PM

المشاركة الأصلية كتبت بواسطة traveller

كيف يعني اللون ابيض هل هو مثل الطين او لونه مثل لون زيت المكينة المقصد ان زيت المصنع للهوندا مايجي لونه احمر يجي لونه ذهبي اما اذا كان ابيض مثل الطين انتبه ومباشرة خذها على سطحة وغير لها مبرد قيراحتمال اختلط زيت القير بماي الماكينه .لكن انشالله انك مستغرب من ان زيت المصنع لونه مو احمر وبالتوفيق .

هو يجي ايضا احمر نوع z1 لكن هذا اللي انا خايف منه انه خلط الموية بالزيت

لكن خليه يجاوب على الاسئلة قبل ثم نشوف ونتابع معه الاسبوعين الجايات وراح يبان كل شي

**traveller** · 13-09-2011, 05:36 PM

اخوي بلال الظاهر اني خبصت الدعوة لاني ماقريت ردك .وبصراحة ردودك رائعة فشكرا لك ولردودك المميزة .

**سلامات** · 13-09-2011, 07:44 PM

بااااك مره آخرى للعودة على اسئلتك بلال

- هل صدمت قبل كذا ؟؟؟ نعم..رجع لي اخوي الصغير وضرب مقدمة سيارتي وغيرت الشبك ماوصلت للأديتر

2- هل تم تغيير الرديتر قبل كذا ؟؟؟؟ لااااا

3- هل فيه اي تصليح من اسفل السيارة من اي نوع كان اسفل مقدمة السيارة؟؟؟؟؟؟ لا ابد ماتصلح الا الصدام الامامي والشبك

**سلامات** · 13-09-2011, 07:45 PM

بلال العلمي بالنسبة للصورة اللي حطيتها
نعم كان نفسها بالضبببببببببببببببببط

**سلامات** · 13-09-2011, 07:47 PM

traveller والله يالغالي مدري وش اقولك لكن الحقيقة واذا تبي الحقيقة
دخلت براسي ابيعها :( وارجع للكامري اللي جلست 9 سنوات معي ما شكلت علي بشي
قماشات-زيت-سيفون-بنزين وتوكل على الله :( هذي من ثاني سنة بدأت تعوكس معي

**بلال العلمي** · 13-09-2011, 08:07 PM

المشاركة الأصلية كتبت بواسطة سلامات

traveller والله يالغالي مدري وش اقولك لكن الحقيقة واذا تبي الحقيقة
دخلت براسي ابيعها :( وارجع للكامري اللي جلست 9 سنوات معي ما شكلت علي بشي
قماشات-زيت-سيفون-بنزين وتوكل على الله :( هذي من ثاني سنة بدأت تعوكس معي

تأكد من الرديتر الظاهر حالا باسرع وقت الظاهر انه خلط الزيت بالموية والصدمة اللي كانت من قدام هي اللي مأثر ة على الرديتر ومنظومة التبريد حقت القير

وشي ثاني

لو الكامري هي اللي صار لها كذا ما راح تمشي ولا يوم

الاكورد قير الاوتو كله تروس داخل ولاحظ الغيارات الى الان مسامحتك وحتى بعد ما غيرت الزيت مسامحتك بس ابيك الان تفحص الرديتر والصورة اللي فوق هذه صورة خطيرة للزيت افحص الرديتر باسرع وقت وبعدها انسى اي شي في الاكورد وبعدين ماشاء الله عليك فوق هذا مغير الزيت على 100 الف كيلو يعني حنا نحذر انك تتعدى 60 الف وانت واصل 100 الف ماشاء الله تبارك الرحمن ومع ذلك القير مسامحك الى الان امورك ماشية وربي ساتر بس روح افحص الرديتر واذا لاقدر الله لقيت ان الزيت حق القير يختلط بالموية صلح الرديتر وغير زيت القير تماما

**سلامات** · 13-09-2011, 08:19 PM

بلال العلمي الحادثة بسيطة واصلا بنفس يوم الحادث
سافرت مسافة 2000 كيلو ولا لاحظت اي شي

ثاني شي الحادث مو جديد صار له 6 شهور تقريباً وانا امس مغير زيت القير

**سلامات** · 13-09-2011, 08:19 PM

اوك بفحص الرديتر بكره :( ولو اني متأكد منه مو ناقص ولا فيه تهريب والحرارة تمام

**بلال العلمي** · 14-09-2011, 07:59 AM

المشاركة الأصلية كتبت بواسطة سلامات

اوك بفحص الرديتر بكره :( ولو اني متأكد منه مو ناقص ولا فيه تهريب والحرارة تمام

تاكد اخوي وافحص ممكن يكون التسريب جزئي يعني خفيف ومو كامل وما يتحول لابيض الا بوجود ماء داخل ولان الرديتر نفسه يستخدم لتبريد الزيت المفروض دورة الموية تكون مختلفة عن دورة الزيت ومفصولة واي شرخ ممكن ياثر ونادر ما يصير عموما بشرنا بعد الفحص