الموضوع: وش رأيكم استمر مع الصيانة الدورية علشان الضمان والا لا ؟؟

عزيزي nasser1430 / صبآح الخيـر ،،

مادفع لا حق زيتـ ولا حق فلتـر ولا اي شي يربـط لصيانة الـ(5000) الا بحالـة اذا يوجد تغيير قطعه معينه برضاي انا اوافق او لا ،، وبعـد الخمسـه يكتمل صيانة (10.000) نفس الحكاية تشيك كاامل وفحص ويشوفون فيه حاجات للتغير او لا مثل فحماتـ قطعه معينه يعني ،،،

انا مـدري وش سالفة الضمانـ غرـريب شووي انا طلعتها اول مانزلتـ 2009 ومعه الضمان لـ100.000 ) او ثلاث سنواتـ خبـري ان كل اصحابـ الهوندات الاكورد معهم نفـس الشي مثلي بالضمآن ،، بس غريبـه كل الموجودين مامعاهم نفس الضمان اللي انا اسويه؟؟ خاصه اصحابـ 2009 ماصارتـ معاهم مثلي؟؟ مهب معقوله انا الوحيـد بينكم ،، وبالنسبـة انها مجانيـه او لا بهـذي والله مـدري عنهآ نهائيـاً اذكـر انه على العـرض مسويـنه بس مانتبهتـ لنأ انا اهم شي السيارهـ استفسرتـ عنها كثيـر ولا طرى ع بالـي سالفة الضمان

واي شي تبيـه انا بالخـدمة وتحـت اوامـر المنتدىى ،، يعلم الله اني مقهـور ليش انتو تدفعون؟؟ ومعاكم ضمان؟ وانا معاي ضمان ومادفع حتى تغير الزيتـ والفلتـر والتربيط حقـة صيانة دورية (5000 )

اتـوقع اخـونا المشرف ( بلال ) عنده علـم ع خبـرته بالهوندا وابخـص مني

صباح الخير للجميع ... الآن وضحت الصورة أخوي ا ن ح 9666

أنا لما رحت الوكالة قبل ما أشتري موتري الأكورد ... قالوا قيمتها حدود ( 94500 ريال ) قلت ما فيه تخفيض لأني لا قيها في المعارض بـ 91.000ريال ... فرق عن الوكالة بـ 3500 ريال .

قال لي الموظف المبيعات بدل التخفيض فيه عرض شامل اللي هو : -
1 - صيانة مجانية لـ 60.000 كيلو أو سنة أو ما أدري ثلاث سنوات منيب متذكر زين والله ( طبعاً مجاناً الزيت والسيفون ) ... هذا غير ضمان الوكالة المعروف 100.000 كيلو أو ثلاث سنوات .
2 - مساعدة على الطريق في حال تعطلت السيارة يتم نقلها للوكالة وين ما كانت في السعودية .
3 - تخفيض على شركات العزل والتلميع .... الخ .
وفيه أشياء ثانية ما أتذكرها ... بس ما فيها ذيك الفايدة اللي تذكر .

فخطتهم واضحة ... السيارات اللي يشترونها الناس من المعارض ما يسوون عليها تخفيض علشان يقول الواحد أروح الوكالة فرصة فيه عرض صيانة مجانية وهي ضحك على عقول الناس .

بمعنى لو تم حسابها بالعقل قيمة السيارة في الوكالة 94500 ريال أو أكثر بعد وقيمتها في المعارض 91000 ريال تكون الحسبة 94500 - 91000 = 3500 ريال أصلاً أخذينها من جيبك وحاطينها صيانة مجانية ... وصلت الفكرة ... يعني يأخذ من جيبه ويعايده .

والله يسهل الأمر ... ولاهنت .