الموضوع: هل فيه مشكلة من ازالة دبة الرصاص

المشاركة الأصلية كتبت بواسطة دواس الضلماء

كما في العنوان اكورد اربعة سرندل 2004 هل فيه مشكلة من ازال دبة الرصاص

لان عندي تجربه في إزالتها بالكامري عندما كنت كامري وحصلت علا نسبه بسيطه في العزم

لكن الاكورد فيها سلك طالع من الدبه وهذا اللي مخوفني

وخايف تطلع لي لمبة بالطبلون اوشي ماحسبتله

هل فيه احد جرب إزالتها وهل حصل على نتيجة

ارجو الافادة

ودمتم بخير*

ما انصحك تشيلها لان اعطاء البنزين والهواء للمكينة معتمد ايضا على القراءة اللي جاية من الحساس اللي عند الدبة

لكن الدبة عمرها ما تنسد الا باشياء معينة

كمثال انك ما تغير البواجي في وقته وايضا انك تمشي والسيارة مافيها الا بنزين قليل جدا وتعيدها اكثر من مرة وايضا استخدام البنزين اللي فيه رصاص

هذه كلها تأثر على الدبة وتسدها مع الوقت

المشاركة الأصلية كتبت بواسطة دواس الضلماء

مشكور اخوي

المشاركة الأصلية كتبت بواسطة دواس الضلماء

لكن انا ماني مستاصلها بالمره هي تنفك لحالها لو تلاحض

ابي افكها وابي اشيل الأحشاء اللي فيها وابرجعها لمكانها لانها على مسامير بدون لحام الوضع اشوفه سهل

وابرجع سلك الحساس لمكانه اذا امكن

وش رايك

شوف المعادلة الكيميائية هذه

2co+o2 -------------2co2

ذرات اول اكسيد الكربون + اكسجين بعد اتحادهم طلع ثاني اكسيد الكربون

ولاحظ المعادلة تحت

2c2h6+7o2-------------4co2 + 6h2o

وبعد هذه

2no+2co------------ n2 + 2co2

ايش اللي خلاهم يطلعون بالتفاعل هذا والنواتج الكيميائية هذه ؟؟؟

بكل بساطة هي الخلايا اللي انت بتفرغها وبكذا ما راح يعطي تفاعل اذا شلتها وبالتالي راح تمر نسبة غاز اكسجين كبيرة من عند الحساس وبكذا الكمبيوتر هنا لازم يغير نسبة الخلط بين البنزين والهواء ويزيد قوة الاحتراق لاجل يحرق بنزين بشكل مضبوط لاجل ما يطلع اكسجين كثير ومع ذلك الحساس يقرأ ان فيه اكسجين معناه مافيه احتراق جيد ويبدأ بعد يغير نسبة البنزين والهواء لاجل يخفف نسبة الاكسجين وتستمر الين تلقى ان لمبة المكينة ولعت معك والعزم يصير بطيء وما ادري ايش ممكن يصير على المدى البعيد لكن السؤال ليش الحساس يقرأ ان فيه اكسجين؟؟؟؟؟

بكل بساطة لانه ما فيه تفاعل والمفروض مع التفاعل هذا تطلع نواتج المواد المذكورة اعلاه وحتى لو صار خلل بسيط في زيادة نسبة الاكسجين تعديل بسيط في كمية الهواء والبنزين وتنحل المشكلة على طول وهذه الكمبيوتر حق السيارة يسويها لحاله

شوف دبة موديل 2007 اذا تركب اغلبها تلقاها نظيفة


وبالنسبة للكامري اتوقع هي موديل 98 الى 2002 لانها مافيها حساس اكسجين من تحت لاجل كذا ركب كاتم وشيل الدبة وعيش اللحظة وسويت كذا في السيفيك اللي كانت عندي موديل 2004 لانه ما كان فيها حساس اكسجين وعيش اللحظة وانت تشيل الدبة وتحط كاتم يزيد العزم شوي مو كثير