توني اليوم مغير ( زيت القير + الفلتر الخارجي ) أكورد 2005 - 4 سلندر ... و الطريقة والأسعار كالتالي : -
عدد ( 4 علب زيت قير هوندا الأصلي ) العلبة ( 1 لتر ) ... المستخدم 3 علب ونص .
عدد ( 1 فلتر خارجي يجي قطعة واحدة ) .
وغيرته عن ورشة محترمة وشغلهم زين وبسعر مناسب جداً ... كنت ناوي على الوكالة بس إجـــازة ، ويبدأ دوامهم يوم السبت ( بإذن الله ) .. وتخبرون الدوامات والمدارس يعني ما فيه وقت ( الله المستعان ) .
طبعاً لما قلت ( 3 علب ونص ) على أساس إنه عند تغيير الزيت كانت السيارة حامية بما فيه الكفاية فيكون الزيت حار ويصير عملية تفريغه سهلة ( بعكس ما يكون الموتر بارد فيكون الزيت ثقيل ... ونفس الكلام على زيت المكينه ) ... وفي الوقت اللي كان ينزل فيه الزيت كنت مشغل السيارة وحاطها على ( p ) وأدعس بنزين فنزل الزيت الباقي داخل القير ( كررت الحركة ذي تقريباً 3 مرات ... أطفي المكينه وأرجع أشغلها وأدعس بنزين ... فينزل الباقي ) ... و جلست أسولف مع الفني وقلت له أترك الزيت ينزل على راحته ... منيب مستعجل ... تقريباً ربع أو ثلث ساعة .
بعدها سكر سره القير و صب 3 علب زيت ... وقال ترا بيصير ناقص ( من واقع تجربته لكذا أكورد غير لها الزيت ) .. قلت ما يخالف ... بعدها غير الميكانيكي فلتر الزيت الخارجي ( و ماشاء الله عليه شغله تمام ) ... بعدها أخذت فرة على أساس أشوف الزيت يحتاج إني أفك ( العلبة الرابعة ) أو لا ... وإتضح إنه لا بد من صب كمية من العلبة الرابعة 400 ملي يعني نص العلبة تقريباً ... وعاير الزيت وطلع ( الحمد لله ) تمام التمام .
و مبلغ الشغلة كلها كالتالي : -
عدد أربع علب زيت قير هوندا ( الأصلي ) 4 × 38 = 152 ريال + 15 ريال أجرة تغيير الزيت .
فلتر قير خارجي 91 ريال + 35 ريال أجرة تغيير الفلتر .
يطلع المجموع ( 293 ريال ) على أساس إني زبون عندهم ،،و إلا تطلع التكلفه بزيادة 30 أو 40 ريال .
آسف على الإطالة ... بس حبيت أفيد مثل ما أستفدت من هالمنتدى الطيب .. وسلامتكم .
للتوضيح فقط هذا صورة فلتر القير الخارجي ... بعد إذن مشرفنا ( المسافر ) لأن الصورة من أحد مواضيعه ...
رد مع اقتباس
فلتر القير
.
المشاركة الأصلية كتبت بواسطة هاااوي الاكورد
..وسلامتك
<< نعرف نقول فلتر بنزين
ضوابط المشاركة
مواقع النشر (المفضلة)