الموضوع: ابي رايكم ؟؟؟

شو رايكم بأكورد سيدان الجديدة v6

ابي رايكم وهل مشاكل القبلية عدلوها او لا ؟

اتمنى تفيدوني باي شي

أخوكم من سلطنة عمان
ولكم الشكر

بسمه تعالى :


الهوندا لم تتغير و من يقول أن الموديل الجديد افضل فهو محق من ناحية و من ناحية أخرى فلا فرق سواء بالتصميم أو غيره و ما هي إلا إضافات جديدة زادت من قيمة المركبة .....قطعت بعض سيارات الأكورد v6 بحسب معرفة أكثر من 200.000 km بدون اي مشاكل تذكر و الفضل بعد الله يعود للمواظبة على الصيانة الدورية و عدم وضع إضافات تؤثر على المركبة ........توكل على الله و مبارك لكم .

أخوي إذا يهمك البيع بعد الشراء بفترة بسيطة ... فشوري عليك إنك تأخذ ( أكورد - 4 سلندر - أسبيشل ) .

لأن ال ( 6 سلندر - تجي فل كامل ) وقميتها غالية بالحيل .. ما أدري عاد في ( سلطنة عُمان ) الأسعار مقاربة لنا في السعودية أو لا .... لكن أضرب حساب إن ال ( 6 سلندر ) بعد استخدام سنة ونصف إلى سنتين... راح ينزل من قيمتها بمعدل الثلث على أقل تقدير ، على اعتبار إن السيارة نظيفة وخالية من الحوادث والأعطال .

لكن الأربعة سلندر وخاصة ( الأسبيشل ) راح ينزل من قيمتها الخمس على اعتبار إن السيارة نظيفة وخالية من الحوادث والأعطال .

طبعاً أنت حر في اختيارك ... بس حبيت أوضح لك شيء ممكن ما ينتبه له الواحد إلا بعد ما يشتري السيارة .

والله يوفقك بأي موتر تختاره ... ويعطيك خيره ويكفيك شره .

هلا اخواني
مشكورين عالمعلومات. ماقصرتو
قيما الفل 6 عدنا ب 135
و4 سلندر 123
ودمتم سالمين

يااخوان ماتحسون الاسعار نار وغاليه على ايام اول ماطلع الشكل الجديد اكورد 2008 كانت الاسعار معقوله

الاسبشل 84 الف والفل كامل 95 الف و 6 سلندر 105 الاف الحين دبل ليش الزياده مانت عارف

نار نار
لكن شو نسوي ماباليد حيلة