طلب مساعدهـ ...

**ب ك د 5444** · 13-12-2011, 03:34 PM

ياشباب انا عند مخش على البدي وودي اوخره بالعربي اشيله او ازيله ...
وش الطريقة اللي تنصحوني فيها ..
مع العلم ان لون البدي ما تاثر لكن اذا دققت تبين المخوش كاانها محكوكة بمفتاح او ماشابه ...
لون السيارة ابيض ثلجي اكورد 2012 ...

**meshoo** · 13-12-2011, 04:02 PM

اذا كان لون المخش ماوصل للون الاسود او الرصاصي

بامكانك تشيله بكل سهوله

اذا كان عميق شوي جرب البوليش الخشن وبعدين لمعه ببولش ناعم

**ب ك د 5444** · 13-12-2011, 04:06 PM

لا اخوي ما وصل لا للاسود ولا للرصاصي ...

**ب ك د 5444** · 13-12-2011, 08:55 PM

ايش استخدم موااد ...؟
ووين احصلها وكم سعرها ...؟

**الـمـسـافـر** · 13-12-2011, 09:05 PM

تبي نصيحتي رح للتلميع الساطع يسوي لك تلميع ويحط لك طبقه حمايه لمده سنتين وبالمره يروح المخش

موتري سويت له بعد سنتين من الاستخدام والوقوف بالشمس يخلي البدي مرايه من شغلهم ولمعته روعه ويحافظ على البويه

التليمع الساطع : طريق العروبه تخلي المملكه على اليمين وتعدي تقاطع العليا العام بعدها بـ 300 متر بالمحطه يمينك يجي المحل

**ب ك د 5444** · 13-12-2011, 09:08 PM

مشكور ياخوي المسافر ...
بس بكم سوا هالشغلات ...؟

**الـمـسـافـر** · 13-12-2011, 09:26 PM

انا اخذ تلميع خارجي بـ 200 ريال بس لا تعتمد على هالسعر لاني اعرف صاحب المحل عن طريق احد الشباب متعاقد معهم من خلال سيارات شركه تتلمع عندهم
كم مره اسوي عنده عشان كذا يعطيني سعر كويس

اعتقد يقولك 350 ريال .. انت وحظك جرب تكسر راسه .. اسمه ابو خالد السعودي اللي بالاستقبال